قناة السويس … مصر المعادلة الصعبة

29 Mar 2021

قناة السويس … مصر المعادلة الصعبة .. !!

—————————————–

فى البداية لازم نقول .. الحمد لله الذى بنعمته تتم الصالحات .. الحمد لله حمداً كثيراً طيبا مباركاً فيه … الحمد لله كما ينبغى لجلال وجهك وعظيم سلطانك يارب …. واللى ربنا معاه مافيش حد يقدر عليه …

النهاردة مصر أضافت لرصيدها صفحة جديدة فى سجل التاريخ … حلقة جديدة فى مسلسل إبهار العالم .. معجزة جديدة على أى مقياس من المقاييس البشرية … وقبل ما يتم إتهامنا بالتطبيل .. فــ يكفى إننا نقول إن أكثر الخبراء العالميين تفاؤلا كان بيقول إن المشكلة دى علشان تتحل محتاجة على الأقل 3 أسابيع … يقوم المصريين يحققوا المستحيل وينهوا الأزمة فى 6 أيام و بــ أعلى درجات الإحترافية … وبدون مساعدة من أى أطراف خارجية … وكأنهم بيقولوا للعالم كله .. مصر قد الدنيا بــ أبنائها .. ومش محتاجة أى حد ! 💪

و علشان تدرك حجم الإنجاز ده .. فــ لك أن تتخيل إن الناقلة إيفرجيفن تعتبر من أضخم الناقلات فى العالم كله .. بــ طول يتخطى الــ 400 متر وعرض يبلغ حوالى 56 متر وعمق غاطس حوالى 16 متر .. ويصل وزن الناقلة إلى ربع مليون طن … يعنى إحنا بنتكلم عن جبل عائم بالمعنى الحرفى للكلمة … لكن المصريين من أبطال هيئة قناة السويس وكل الأطقم الهندسية .. قدروا يحلو الموضوع بدون مايحصل أى تسريب فى جسم القناة أو أى ضرر للمجرى الملاحى أو إيذاء لجسم السفينة أو حتى تفريغ كونتينر واحد من السفينة … وقدروا يعوّموا السفينة بمنتهى النجاح .. وتتحرك بأداء كامل ناحية البحيرات للتأكد من سلامتها قبل إكمال مسيرتها لوجهتها النهائية …

والملفت فى الأزمة دى وبغض النظر عن التصريحات الرسمية لبعض الدول اللى حاولت النيل من مصر .. وبرغم كل اللى كان بــ يتقال إن الأزمة هـ تستغرق أكثر من 3 أسابيع .. لكن الغالبية العظمى من الناقلات والبواخر فضلت منتظرة لمدة 6 أيام ولم يقوموا بتغيير مسارهم لمسارات أخرى .. أو حتى العودة لنقاط إنطلاقهم .. وكأنهم كانوا على ثقة ويقين لا يتزعزع .. إن المصريين هــ يعملوها .. و هــ يبهروا العالم كالعادة ..

للأسف إنه على مدار عقود طويلة تم ممارسة عمليات ممنهجة من الإغتيال المعنوى على الوعى الجمعى للشعب المصرى … لكن فى كل مرة بــ يثبت المصريين للعالم كله ، إن مصر هــ تفضل هى المعادلة الدولية الصعبة اللى ماحدش هــ يقدر يفك لوغاريتماتها …

⚠️ حاولوا يقنعوك دايما إن مصر دولة فاشلة … بس إكتشفنا إننا من أعظم دول العالم .. وإن المنحة دايما بــ تولد من قلب المحنة

⚠️ حاولوا يقنعوك إنك فاشل وماعندكش كفاءات .. وهاتوا خبراء من برة يدوروا البلد .. فإذا بالمصريين يبهروا العالم و يتخطوا حدود العقل و المنطق .. ويكسروا حاجز المستحيل

⚠️ حاول يقنعوك إن بلدك مالهاش قيمة .. فإذ بنا نكتشف إن مصر لما جزء صغير منها يمرض أو يسخن بس شوية .. بــ يسقط العالم كله مريض .. وشوف اللى حصل فى أقتصاد العالم فى أزمة قناة السويس .. .. وإفتكر اللى حصل فى إقتصاد العالم فى 2011 لما اللى حصل فى مصر تسبب فى إرباك العالم وإنهيار البورصات العالمية من أول بورصة نيويورك لحد بورصة طوكيو

⚠️ حاولوا يقنعوك إن قناة السويس بتفقد قيمتها .. وإنه خلاص المسارات البديلة موجودة … فإذا بنا نكتشف إن قناة السويس ليس لها بديل سواء من حيث التكلفة أو الوقت أو عوامل الأمان .. مهما كان الإدعاء بغير ذلك.

⚠️ حاولوا يقنعوك إن قناة السويس بتخسر .. وفجأة مع أزمة جنوح السفينة فى القناة .. لاقينا نفس الناس دى بتتكلم عن الخسائر المليونية اليومية للقناة .. والمليارية لإقتصاد العالم …. هى مش كانت القناة بتخسر ياعم الحاج !! 🙈

صدقونى البلد دى علشان تنهض .. فــ لازم المصريين يؤمنوا بنفسهم وقدراتهم بجد .. ولازم يعرفوا قيمة مصر … ومايلتفتوش أبدا لعشاق الدونية والمنبطحين … ولا يلتفتوا لكل اللى بيحاول يحطهم فى حجم أصغر من حجمهم …

⛔️ نيجى بقى لأهم أسئلة بيسألها الكثير من المصريين:

#السؤال_الأول: هل اللى حصل ممكن يأثر على قناة السويس فى المستقبل ؟

#الإجابة: الأزمة نفسها أثبتت إنه مستحيل يبقى فيه بديل عن قناة السويس فى المستقبل القريب أو البعيد .. ولا ممكن يبقى فيه منافس للقناة سواء من حيث الوقت أو التكلفة أو عوامل الأمان البشرية والطبيعية .. مع العلم إن الحركة فى قناة السويس لم تتوقف لحظة منذ عودة الملاحة بعد توقفها بسبب حرب 1967 …  وكمان مافيش أى وسيلة حالية ممكن تقدر تنقل ربع مليون طن (وزن الناقلة إيفرجيفن) بأمان .. إلا لو زى ماقولنا قبل كدة تم إكتشاف مضادات جاذبية تقدر تحمل الوزن ده على طيارة …

وعلشان نبقى موضوعيين فالفريق مهاب مميش مستشار رئيس الجمهورية والرئيس السابق لهيئة قناة السويس صرح وقال إن أقصى شيئ ممكن يحصل إن شركات التأمين ممكن ترفع تكلفة التأمين على السفن العابرة فى قناة السويس فى الفترة المقبلة .. بس تاثير ده هــ يكون محدود .. ولفترة محدودة

#السؤال_الثانى: هل مصر هــ تدفع أى تعويضات بسبب توقف حركة الملاحة فى القناة

#الإجابة: .. لأ .. مصر مش هــ تتحمل أى حاجة .. لأن الخسائر اللى تكبدتها الشركات اللى كان لها سفن متعطلة بسبب الحادثة سيقوم بدفعها الشركة المالكة للناقلة عن طريق شركات التأمين … أما تكلفة التعويم والقطر والإصلاح .. فــ دى هــ تدفعها الشركة المالكة للناقلة لصالح هيئة قناة السويس . أما حجم الخسائر اللى تكبدتها القناة نتيجة توقف حركة الملاحة .. فــ دى تدخل فى نطاق التقاضى الدولى لصالح هيئة قناة السويس .. يعنى إحنا فى كل الأحوال هــ ناخد فلوس … و ده اللى صرّح بيه الفريق مهاب مميش

#السؤال_الثالث: هل اللى حصل ده شيئ مدبر !؟

الإجابة : الكلام ده سابق لأوانه .. وهــ يبقى فيه تحقيقات .. وماحدش يقدر يأكده أو ينفيه فى الوقت الحالى .. وممكن يكون صعب إثباته … لكن خلونا نفكر ونحلل الصورة  بطريقة ربط الأحداث

لما نيجى نلاقى أحداث متتالية .. زى حادث تصادم القطارين .. وإنفجار سيارة فى نفق الأزهر .. وحادث جنوح السفينة فى قناة السويس وتصريحات الأخ بايجون عن مراقبة الوضع في قناة السويس عن كثب وإنه سيكون هناك رد مناسب إذا إقتضى الامر … وتصريح أخر بإنه يجب حماية الإقتصاد العالمى .. وكأن تهديد خفى لمصر .. و بالإضافة الى إستهداف ممنهج من المواقع الإخبارية العالمية بنشر أخبار مغلوطة .. أخرها النهاردة لما رويترز نشرت خبر عن عودة الباخرة لوضعها بعرض القناة مرة أخرى بعد تعويمها .. فى الوقت اللى كانت فيه السفينة بتستعد بالفعل للتوجه لمنطقة البحيرات …. لما يحصل كل ده بالتزامن مع لقاء القمة الثلاثى اللى كان هــ ينعقد فى العراق بين الرئيس المصرى ورئيس والوزراء العراقى وملك الأردن للتوقيع على اتفاقية نقل البترول و اعادة الاعمار فى العراق وإنشاء الشام الجديد …. وهى الاتفاقية اللى كانت هــ تغير المعادلة السياسية في المنطقة … ويترتب على كل اللى حصل ده إلغاء القمة وإستبدالها بلقاء على مستوى وزراء الخارجية .. كل ده يخلينا نحط مليون علامة استفهام وتعجب حول ما حدث !

المهم .. سواء كدة أو كدة .. فــ النتيجة النهائية إن مصر بخير .. ومصر إنتصرت .. ومصر حققت معجزة جديدة … والدعاية اللى إتعملت لمصر ولقناة السويس لا تقدر بثمن … وحركة الملاحة فى القناة ســ يتم إستئنافها الليلة بإذن الله .. و ده يخلينا نختم المقال برسائل مهمة:

🔹 رسالة للرئيس #جمال_عبد_الناصر صاحب مقولة “تأمم الشركة العالمية لقناة السويس شركة مساهمة مصرية” … ياريس .. أحفادك على العهد .. ومحافظين على القناة .. ومش هــ نسيبها .. ولا هــ نفرط فيها أبدا

🔹 رسالة للرئيس #أنور_السادات صاحب مقولة “لقد قامت القوات المسلحة المصرية بمعجزة علي اي مقياس عسكري” .. ياريس … أبنائك وأحفادك من المصريين لسة بيعملوا معجزات .. ومش هــ نسيب مصر لحد

🔹 رسالة للرئيس #عبد_الفتاح_السيسى .. صاحب مقولة “مصر أم الدنيا و هــ تبقى قد الدنيا” … ياريس .. هــ تبقى قد الدنيا .. وبإيدينا بإذن الله

🔹 رسالة لكل #المصريين .. يامصريين .. إحنا نقدر نعمل معجزات … فقط أعرفوا قيمتكم وقيمة بلدكم … و #تحيا_مصر_ماحدش_تانى

حفظ الله مصر وجيش وشعب مصر

لمتابعة تعليقاتكم