شدى حيلك يابلد

06 Jun 2021

شدى حيلك يابلد .. !!

——————–

🔸️ قعد سنين يتنمّر على بلده ويقولّك بصوا برة على الدول المحترمة اللى بتعمل مدن جديدة وبتخطط المدن على أحدث طرازات معمارية .. وشوفوا دبى .. وشوفوا نيويورك .. وشوفوا .. وشوفوا … ولما بلده عملت عاصمة جديدة على أحدث طراز، وأصبحت مقصد للاسثمار الاجنبى .. قالّك:- ده فنكوش … !!

🔸️ قعد سنين يشيّر صور برج خليفة فى دبى .. ويقولك شوفوا الناس اللى بتعمل حضارة … ولما عملنا البرج الأيقونى فى العاصمة الإدارية ، قالّك:- أصل بناء البشر اهم من بناء الحجر .. 😏

🔸️ قعد سنين يعاير بلده بشبكات الطرق فى الدول المتقدمة .. ولما بلده عملت طرق افضل حتى من الدول اللى كان بيشاور عليها .. قالّك:- وانا كمواطن استفدت اييه 🤔

🔸️ قعد سنين يتشحتف على وسائل المواصلات برة .. ويقولك شوفوا الدول اللى بتقدر شعوبها وبتعمل لهم مواصلات أدمية … ولما بلده عملت أحدث منها .. وجددت السكة الحديد والنقل العام .. و إشى قطار كهربائى .. وإشى قطار سريع .. وإشى قطار روسى .. و إشى مونوريل .. وإشى اتوبيسات كهرباء وغاز .. قالّك:- والقديم كان ماله ؟ .. كنتم وفرتوا المصاريف دى واديتونا فلوس ! 😌

🔸️ قعد سنين يقولك بصوا الدول النظيفة والحكومات المحترمة بتبنى دولها ازاى ، وبتخطط ازاى لخمسين سنة قدام … ولما بلده عملت خطة 2030 .. قالّك:- ياعم إحيينا النهاردة وموتنا بكرة .. 😎

وغيره .. وغيره .. وغيره .. من اللى بيقولوه …

انه المواطن البيضوحباطى الذى ليس له مثيل على سطح هذا الكوكب 🙈

حفظ الله مصر برئيسها وجيشها وشعبها 🙏

لمتابعة تعليقاتكم