15 Jun 2017
آخر الكلام في تيران و صنافير
—————————-
بعد اكتر من سنة من الهرى المركز … و ترويج الاكاذيب و المغالطات و الوثائق و الخرائط المضروبه …. و اللى كانت بتتنشر بكم مركزمن المزايدات …. اللى للاسف خدعت بعض الوطنيين اللى ميستحملوش الهوا على الوطن و افقدتهم توازنهم ….. مع ان الموضوع تم حسمه بالقرار الجمهورى لعام 1990 و المودع بالامم المتحده في تاريخه.
و بعد ما نشرنا في حينه 3 مقالات مفصله بتشرح ابعاد الموضوع …. و ان كل الكلام و الوثائق و الحكاوى و كلام خبراء الفيس لا يخرج عن :-
خرائط و وثائق مضروبه
كلام كله مغالطات قانونيه فاااادحه زي مثلا ان ما دام الجزر بتاعتنا … فـ مصر تقدر تقفل مضيق تيران و تمنع الملاحه في اي وقت عن اسرائيل.
مغالطات تاريخيه و احداث يا اما خارج السياق القانونى او لا يعتد بيها في العلاقات الدوليه
و عشان منفتحش تاني المناقشات و المزايدات ….. اللى عايز يستوثق من المعلومات و يعرف ايه اصل الموضوع من مصدر موثوق منه …. حتلاقي في اللينكات التاليه ملف نزلته رئاسه الوزراء المصريه … عباره عن اسئله و أجوبه.
حتلاقي فيهم كل الاسئله اللى دارت في دماغك او اثيرت قدامك … و كل الاستفسارات و الشبهات اللى تم اللعب بها على دماغك ….. الفايل تحفه … و مبسط جدا و مفيهومش كلام قانوني معقد … و اي سن اومستوى تعليمي حيستفاد منه جدا
جرب افتحهم و حتعرف معلومات هايله و انك كان بيتلعب بيك طوال الفتره الماضيه
اخيرا و ليس آخرا ….. مؤسسات الدوله السياديه سواء رئاسه او مخابرات عامه او مخابرات حربيه او وزاره الخارجيه بكل افرعها هي مؤسسات وطنيه ….. و لا تفرط لا في ارض و لا في عرض و لا بتمول من الخارج
تحياتنا