مصر قلب النظام العالمى الجديد

19 Apr 2016

مصر قلب النظام العالمى الجديد

—————————–

طوال الثلاث سنوات السابقه …. و عبر مئات المقالات اللى نزلناها على صفحتنا …. كنا بنشرح بالتدريج تأصيل الاحداث اللى حصلت و لسه بتحصل في المنطقه …. كنا بنفكك الصوره و نعيد تركيبها زي البازل و بنرسل الرسايل  الى قراؤنا ….. و اصدقاؤنا القدامي كانوا ساعات بيستغربوا من تأصيل الاحداث وتوقعاتنا … لكن مع الوقت … و مع توالي الاحداث …. كل كلمه و كل حرف نزلناه على الصفحه … و اتناقشنا فيه مع اصدقاؤنا … اتأكد على الارض . 🙂 🙂 

و طوال الفتره الماضيه ….. كان فيه ناس كتير بتبعتلنا و تسألنا عن الهاش تاج اللى دايما بنستخدمه  ” مصر قلب النظام العالمي الجديد ” ….. و اعتقد الان …. بدأت الامور تظهر و تبان للعيان .

قلنا و اكدنا في قالات مفصله و بالشرح المستفيض ان رأس الحيه في لندن و ذراعها البلطجي امريكا قد قادت استثمار الغرب على مدار سنوات سابقه في تجنيد العملاء من الداخل لاستخدامهم في تفتيت بلاد الشرق الاوسط و تدميرها …. كان للاستيلاء على ثروات الطاقه البكر الهااااائله التي لم تستغل بعد …. و التي تقدر كمياتها باضعاف كمايات الغاز و البترول المستغله من سنوات طويله في الخليج العربي …. و مع اقتراب استنزاف ثروات الخليج البتروليه و الغازيه …. كان لازم يتم التوجه و تحضير سيطرتهم على المصادر الجديده ….. و اللى معظمها بيتركز في منطقه شرق البحر المتوسط و شمال البحر الحمر …. و في صحراء مصر الشرقيه و الغربيه.

و قلنا ان الخطه الغربيه كانت ماشيه بحذافيرها … و حتي الدول الشرقيه و بعض الدول الغربيه اللى كانت بتتعارض مصالحها مع الخطه دي زي فرنسا و ايطاليا … كانت الموجه عاليه عليهم جدا …. فكانت روسيا  محصور خياراتها في المواجهه العسكريه المباشره بعد ما تحركت الموجه العارمه الى حدودها الغربيه في اوكرانيا …. و ان فرنسا كان بيتآكل نفوذها في افريقيا و شمال افريقيا و غرب اسيا …. و ايطاليا كانت بتحاصر و بيتم تهديدها بالكلاب السعرانه من على سواحل ليبيا .

و قلنا ان الانفجار النووى اللى حصل من الشعب المصري في 30 يونيو قد اوقف تماما هذا المخطط الشيطاني …. و ان الشعب المصري اللى بيتهمه جنود و صبيان الغرب انه شعب جاهل و متخلف و متحرش و عبيد للبياده …. قد انقذ العالم كله في تحركه و التحامه مع مؤسسات دولته للقضاء على اخطر حكم فاشي ديني في التاريخ في اقل من عام …. و هو ما انهارت امامه دول باكملها زي العراق و سوريا و ليبيا و اليمن …. و ان الحضاره المتأصله في جذور الشعب المصري على مدار الاف السنين …. تحطم على صخره قلبه الصلب تخطيط اجهزه دول عظمي باكملها … و ميزانيات تقدر بآلاف المليارات من الدولارات على مدي عقود.

و بعد ما كانت لندن تعمل على اعاده تكوين توازنات العالم بالكامل …. و رسم خريطه جديده للشرق الاوسط الجديد … جاءت اقدم دوله في التاريخ بعمق حضاره شعبها المتجذره في التاريخ لتقول لهم … ” عايزين شرق اوسط جديد ؟؟؟ …. عايزين تنشئوا موازين قوى عالميه جديده ؟؟؟ …. طب و النبي ما انتوا قايمين … =D  =D …. انا بقي عندي وجهه نظر تنايه خااااالص  ” ….  🙂 🙂 

لتعمل مصر مع الدول اصحاب الحضارات القديمه …. من روسيا الى الصين و ايطاليا و فرنسا و اليونان …. و يتحالف معها الخليج العربي … و يتم العمل بتبادل ادوار غايه في التناغم و القوه … ليتم احباط و تكسير مخططات الغرب بالتدريج.

و كي لا نعيد ما نشرناه بالتفصيل الممل في عشرات المقالات الماضيه  …. نود ان نقول لكم سبب المقدمه الطويله بتاعة مقال اليوم … و ده لسبب بسيط .

لو تلاحظوا انه زاد جدا صريخ و عويل ابناء المخطط الغربي  من اعلاميين و نوشتاء و حكوكيين و قادة الشوباب الصاورى النكي التاهر و اللى اتدربوا و اتصرف عليهم بالملايين خلال السنوات السابقه …. و لو ربطتم بين الاحداث الاخيره التاليه ….. حيبان ليكم حاجات كتير    :-

دول الخليج تعمل بحرفيه كبيره لهدم منظومه البترودولار …. فالامارات تعلن انها ستحتفل في اقل من ثلاث سنوات بتصدير اخر برميل بترول و السعوديه تتجه الى تغير منظومه اقتصادها لعدم الاعتماد على البترول ….. يعني تخرج خارج نفوذ البترودولار و بالتالي من تحت النفوذ الغربي …. فيتم رفع العقوبات عن ايران و الافراج عن مخصصاتها الماليه المجمده و فتح باب التسليح على مصراعيه لصالح ايران.

مصر تأذن و تفتح باب الشرق الاوسط للنفوذ الروسي بالمشاركه الاستراتيجيه الاقتصاديه و العسكريه و المعرفه النوويه …. فيتم اسقاط الطائره الروسيه في سيناء لمعاقبه روسيا و ضرب الاقتصاد المصري بضرب السياحه …. و يتم الاعلان عن ده من لندن و في اثناء وجود الرئيس السيسي بالعاصمه الانجليزيه.

في مواجهه التسليح الغربي لايران ….. و بعد ان قامت السعوديه بالتناغم مع مصر في رشق تركيا مع روسيا في نصبايه التحالف الاسلامي اللى حيخش سوريا …. تجري اقوى 3 دول اسلاميه اكبر مناوره في التاريخ الحديث ” رعد الشمال” … بمشاركه مصر و باكستان و السعوديه …. فيتم الرد من الاتحاد الاوروبي انه سيتم منع التسليح عن مصر و السعوديه عشان حكوك الانسان.

مع الاعلان من الشركه الحكوميه الايطاليه ” ايني ” عن البدء في الانتاج من اكبر حقل غاز على مستوى العالم من مصر …. و قدوم وفد كبير من ايطاليا لبحث و تحضير اتفاقيات استراتيجيه مع مصر ….. تطلع قضيه الشاب ريجيني … و يتم تسويق الموضوع على ان الشرطه اللى بيموت منها كل يوم شباب زي الورد ….. و هي الجهه الوحيده الان اللى بتحاسب و بتحاكم اي حد بينحرف منها ….. و بتعلف في ارهابيين الاخوان و حباره و غيرهم في السجون و سايبه كلاب النوشتاء يتحركون بحريه …. لكن لما شافوا الشاب الايطالي مقدروش يمسكوا نفسهم ….. ايديهم اكلتهم …. 🙂 🙂  … فعذبوه و قتلوه ….. عشان يتم محاصره مصر و فك التحالف المصري الايطالي … و ضرب الاستثمارات المستقبليه في ثرواتها في مجال الطاقه … و يتفاني النوشتاء و العملاء في ارسال الرسائل الى الاعلام الايطالي بادله مزيفه و مفبركه لتهييج الراي العام الايطالي على مصر و شعبها و حكومتها.

و بعد ما انقذت مصر النفوذ الفرنسي في المنطقه و انقذت صناعة الطائرات الحربيه الفرنسيه … و كانت اول دوله تشتري الرافال بعد ما كانت تحاصرها امريكا وتستخدم نفوذها لوقف تسويق انتاجها …. تعيد اقوى و اقدم القوات الجويه في المنطقه ما فعلته سابقا مع فرنسا لما اشترت الميراج …. لتتسابق بعدها الدول على شراء الطائره الفرنسيه …. فتقوم مصر بشراء الرافال ….. لتتسابق الدول على شراؤها …..و تقوم فرنسا بفتح ترسانه احدث اسلحتها سواء الجويه او البحريه او التقنيه الى مصر ….. فيتم تاديب فرنسا في احداث باريس الاولى و الثانيه و ما زال العرض مستمر.

تعلن مصر و السعوديه عن ضربه استراتيجيه هااائله بالمنطقه بالاعلان عن انشاء جسر الملك سلمان بين السعوديه و مصر و اللى حيغير موازين القوى الاقتصاديه في الشرق الاوسط … و تعلن السعوديه ان ارامكو تتجه الى انها لن تصدر برميل بترول واحد الى اوروبا الا عن طريق خط سوميد المصري في محور قناة السويس الجديد …. و تحديد اسرائيل اقتصاديا في قتل اي امل لها في مشروعها المنافس لقناة السويس ….. و ياتي ملك السعوديه الى مصر بكامل الحكومه السعوديه …. و بأكثر من 120 رجل اعمال سعودي ليتم الاعلان العلني علي بداية عهد التكامل الاستراتيجي الاقتصادي المصري السعوديه …… و  يتم الرد الامريكي الخايب عليها انه في دلائل تشير لتورط السعوديه الارهابيه الوحشه في احداث 11 سبتمبر …  🙂 🙂  …. فتضرب السعوديه بسرعه و ترد انها في طريقها لبيع كل اصولها في امريكا … فنسمع بعدها صوت صرصور الغيط الحزين من ادارة اوباما  🙂 🙂 

و لان كره الجليد تحركت … و محدش عارف يوقفها …. و بالرغم من حصار مصر اقتصاديا و ضرب السياحه …. و حرب الدولار المنظمه لتركيع الاقتصاد المصرى باي وسيله …. و جعير و حرب النوشتاء و الاعلاميين بكل ما أوتوا من قوه لضرب الجبهه الداخليه بأي شكل … الا ان كل ده مش جايب نتيجه خااااالص …. و تقفز مصر بسرعه و يمتد نفوذها و تأثيرها الخارجي سواء افريقيا او اقليميا او عالميا ….. و يتم تنفيذ عشرات المشاريع العملاقه داخليا … بمئات المليارات … بمعدلات تنفيذ غير مسبوقه في اي دوله في العالم … و اللى حيبات تأثيرها في اقل من سنتين من الان ….. فتاتي المانيا برجليها الى مصر …. بمبدأ ….. ” اللى متعرفش تكسره … حاول تصاحبه ” ….. و ياتي وفد برئاسه نائب ميركيل مع اهم رجال الاعمال الالمان …. عشان يحطوا رجلهم في مصر …. و تعرض المانيا صفقات اقتصاديه استثماريه كبيره على الحكومه المصريه و صفقات تسليحيه جديده تتمثل في غواصتين جداد غير الاربعه اللى اتعاقدنا عليهم.

و ياتي الى مصر الرئيس الفرنسي ايضا بوفد كبير من رجال الاعمال الفرنسيين ليعرضوا مشاركة مصر في العديد من المشاريع الاستثماريه ….. و صفقات التسليح … قوم ايه بقي يا مؤمن ….. و قبل ما يطلع الوفد الفرنسي من باريس …. تيجي منظمه العفو الدوليه و تفتكر موت مواطن فرنسي عام 2013 في مصر و تقول ان الحكومه المصريه بتاعه الزولم و الكمع  قتلته  🙂 🙂   …. و يرسل شخصيات مصريه مذكرات الى الحكومه و الاعلام  الفرنسي  يقولهم بلاش تدعموا مصر و بلاش تشاركوها ….  و لما يوصل الرئيس الفرنسي … يروح يقابله مبعوثين الكوله الصاوريه الاستاذ خالد على و الاخت الفاضله جميله سماعين …. فيقولوله ….. ازاي تدعم نظام قمعي و قاتل و ديكتاتوري …. و يجب اقصاء النظام المصري …. و ازاي فرنسا تبيع القيم الفرنسيه الانسانيه لنظام كمعي …. و لازم يتم حصار مصر اقتصاديا و عسكريا بدلا من مساعدتها لانها تكمع الحريات فيكون الرد الفرنسي …. ان من الغريب ان تقولوا ان النظام المصري ضد الحريات في حين انه سمح لكم بارسال مذكرات لنا في رنسا و ترككم تأتون الى هنا لتتحدثون عنه هكذا بمنتهي الحريه و ان دعم مصر امر غير قابل للنقاش لانها صمام امان المنطقه كلها …. و يرجعهم من عنده ” قفاهم يقمر عيش”  🙂 🙂

و يرد عليهم عمليا في المؤتمر الصحفي ليصيبهم بالجنون … ان مصر دوله حضاره …. و اننا كفرنسا نعتبر الشريك السادس اقتصاديا لمصر … و اننا نوعدكم اننا سنبذل قصارى جهودنا لنفوز بمركز افضل …. ندعم مصر بكل ما اوتينا من قوه …. فالدوله المصريه لا غني عنها لفرنسا … فهى صمام الامن و الامان للمنطقه و لاوروبا.

و بعد هوجه روجيني … ايني الايطاليه تعلن ان مصر في طريقها الى التوقف عن استيراد السولار و البنزين في اقل من خمس سنوات …. و انها ستعلن عن كشف غازي جديد اكبر من الحقل الضخم اللى تم الاعلان عنه من شهرين.

اصدقاؤنا …. مصر لم تذهب الى احد …. و لكن هي من تجبر الجميع على احترامها … و على الفوز بمشاركتها …..

شاء من شاء و ابي من ابي …. المارد المصري يستيقظ …. فمصر تعد نفسهل لتصبح قوى اقليميه كبرى … في المدي القريب …. و قوى عالميه في المدي المتوسط … و الكل الان يبني شراكاته مع مصر ليبني مصالحه معها.

سيبكم من النوشتاء و العيال بتوع الفيس و اللى بيحاربوا الاقتصاد بالدولار و بتوع الاعلام اللى بيسودوا الدنيا في عنيكم ….. اللى عايز يشوف الحقيقه … يقارن مصر عام 2011 و 2016 … و ما بينهما … و هو يعرف مصر رايحه فين .

تحياتنا

لمتابعة تعليقاتكم