02 Apr 2022
الإختيار 3 … !!
——————
شخصيات حقيقية سيتم تجسيدها السنة دى فى مسلسل الاختيار اهمها شخصية أول جاسوس مدنى منتخب … مندوب جماعة الشيطان فى القصر الجمهورى .. وصاحب الطلب الشهير بالحفاظ على حياة الخاطفين والمخطوفين … علشان يحمى جرذان عشيرته اللى خطفوا الجنود المصريين …. وهيقوم بتجسبد دوره الفنان صبرى فواز و طبعا مش محتاجين نقول إن نسخة الاختيار فى رمضان السنة دى هتجيب حالة من السعار والحرقان المزمن لكل أعضاء الجماعة والمنتمين ليها وحتى اللى مش من الجماعة بس بيحترمهم 😉 .. لأنه هيكون مرتبط بأحداث مهمة عايشناها وعيشنا احداثها كلنا … وبالتالى مافيش مجال لإنكار الحقائق .. واللى هيتم تقديمها من خلال شخصيات حقيقية معظمهم لسة عايش لحد النهاردة بإستثناء شخصية أو اتنين ..
المسلسل هيحتوى على أحداث حقيقية .. وهيبقى فيها أسرار ومفاجأت يمكن بيتم تقديمها لأول مرة …
يقوم بتجسيد الشخصيات الرئيسية كالاتى:-
- خالد الصاوى يقوم بتجسيد شخصية خيرت الشاطر نائب المرشد
- الفنان عبد العزيز مخيون هيجسد شخصية محمد بديع مرشد الاخوان
- الفنان صبرى فواز هيجسد شخصية محمد مرسى اول جاسوس مدنى منتخب
- الفنان ياسر جلال هيجسد شخصية الرئيس السيسى
- أما شخصية المشير طنطاوى فإحنا لسة مش متأكدين لكن فيه كلام عن ان اللى هيقوم بدوره هو الفنان أحمد بدير … لكن ده مش أكيد .. وهنعرف مع عرض المسلسل
اما الفنانين أحمد عز وكريم عبد العزيز واحمد السقا هيقوموا بتجسيد أدوار شخصيات أمنية حقيقية ولكن بأسماء مستعارة
مشاهدة ممتعة للجميع … وحالة سعار أكثر امتاعاً للجماعة ومراكيبها ..
حفظ الله مصر برئيسها وجيشها وشعبها 🙏