26 Sep 2015
التوربيني المصري انطلق
——————————–
من اكتر من سنه و نصف …. و تحديدا في 29 مارس 2014 نشرنا مقال باسم “خليهم يتسلوا” …. كنا بنشرح فيه قرارات ترتيب البيت في الجيش المصري بعد تعيين الفريق اول صدقي صبحي وزير دفاع و الفريق محمود حجازي رئيس اركان …. و في الوقت اللى كان فيه المغيبون و الجهلاء و نوشتاء الغبره فرحانين و بيقولوا انه تم اقصاء اللواء احمد وصفي من قيادة الجيش الثاني الميداني و اعطاؤه وظيفه شرفيه …. كنا عكس الناس دي كلها 🙂 🙂
و قلنا ان دي اخطر نقله نوعيه و حنشوف نتايجها بعد فتره …. لان اللواء احمد وصفي بعد سنه كامله في الحرب على الارهاب في سيناء في حروب الجيل الخامس …. تم سحبه و تعيينه رئيسا لهيئة تدريب القوات المسلحه بالكامل …. لنقل الخبرات العمليه المستفاده في مواجهة حروب الجيل الخامس الى وحدات الجيش المصري كاملا سواء قوات بريه او بحريه او جويه ….. و مع الوقت …. و مع نقل الخبرات المستفاده ….. اعتقد اللى بنشوفه دلوقتي في سيناء باين جدا و واضح وضوح الشمس 🙂 🙂
طب ايه اللى فكرنا بالمقال ده دلوقتي ؟؟ …. لان التاريخ بيعيد نفسه 🙂 و يمكن كمان سنه او اتنين نفكركم بالمقال ده 🙂 🙂
الوزاره الجديده تم تعيين اللواء العصار وزيرا للانتاج الحربي …. طب ده معناه ايه ؟؟؟ …. اقولكم .
للي ميعرفش مين هو اللواء العصار خلينا نقوله ان اللواء العصار بيعتبر من افضل خبراء التسليح على مستوي العالم …. و بيصنف انه من افضل عشر خبراء على مستوى العالم في مجال التسليح و هو و فريق عمله بيعتبر مهندس الصفقات التسليحيه للجيش المصري طوال السنوات السابقه … طب و ده معناه ايه.
ده معناه الاعلان المصري الرسمي بانطلاق مرحلة جديده لمصر في مجال التصنيع الحربي الثقيل …. و خلونا نكون محددين شويه.
الهيئة العربيه للتصنيع و المصانع الحربيه ليها بنيه اساسيه جباره سواء في المنشئات او الخبرات …. و بالفعل بتقوم بتصنيع و تطوير و تجميع العديد من الاسلحه الكتيره جدا و اللى محدش بيتكلم عليها تحت ضغط الاشاعات الاعلاميه المصريه انها مش بتعمل غير حلل و صواني و بوتاجازات فقط.
المصانع الحربيه المصريه يا ساده بتقوم بانتاج طائرات التدريب عاليه التقنيه و الهليكوبتر الجازيل و الدبابات الاحدث في العالم و لانشات الدوريات الساحليه و مجنزرات وعربات نقل الجنود بكل انواعها و المدافع بكل انواعها و كل انواع الذخائر و حاجات تانيه كتييييير لا داعي لذكرها …. لكن مكنش بيتم التركيز علي كل ده لاسباب سياسيه و اوضاع دوليه لا داعي لذكرها.
لكن مع الاعلان عن تعيين اللواء العصار اللى ليه شبكه علاقات دوليه جباااااره مع اباطرة التسليح على مستوي العالم و بعد صفقات التسليح النوعي الاخيره …. اعتقد اننا داخلين مرحله جديده راس براس مع الدول الكبري في مجال التصنيع الحربي ….. و بالذات مع الاتفاقات الاخيره بنقل خبرات تصنيع كورفيتات الجاويند الفرنسيه الى الترسانه البحريه … و اقامه اكبر مصنع روسي لصيانه و تجميع و نقل التكنولوجي للطائرات الهليكوبتر الحربيه الروسي 🙂 🙂 و اتفاقيات تصنيع الطائره بدون طيار الفرنسيه و غيره كتيييير من التفاقيات اللى تم الاعلان عنها و اللى محدش يعرف عنها حاجه.
العالم كله و المتخصصين يعرفوا كويس جدا يعني ايه اعلان مصر عن تعيين اللواء العصار وزيرا للانتاج الحربي …. مصر تخلصت تماما من الضغوط الدوليه …. مصر غيرت المعادلات الدوليه تماما ….. احنا داخلين على مرحله تانيه خاااااااالص 🙂 🙂 ….. وسع يا جدع …… قطار العملاق المصري التروبيني انطلق …. و اللى يحصلني مش حيعرف يوصلي اصلا 🙂 🙂