10 Feb 2018
العملية الشاملة سيناء 2018 … القوة الغاشمة
————————————————–
منذ فجر الامس و بشكل مفاجىء… بدأت القوات المسلحة بتنفيذ توجيهات و أمر القائد الاعلي للقوات المسلحة بتطهير سيناء و حدود مصر من دنس الجماعات الارهابية المسلحة على كافة الاتجاهات الاستراتيجية …. و لا يمكن ان نغفل المصطلح الاشهر اثناء إعطاء الاوامر المباشره باستخدام كل القوة الغاشمة …. و هو مصطلح جديد علي الشعب المصري المدني … و الذي الكثير منه لا يعرف مدي قوة اقدم و اعرق جيوش العالم و اقوى جيوش المنطقة وبالذات عندما يتحرك … و لا يعلم معظم الناس ما يحدثه من رعب في اجهزة الدول المحيطة عندما يكشر عن انيابه و يتحرك بكل قوته و افرعه و اسلحته و على كافة الاتجاهات الاستراتيجية في عمليات عسكرية كااااملة …. و هو التحرك الذي لم يحدث من قبل بهذا الشكل المرعب منذ حرب 1973 … و بعيدا عن الشيفونية و النرجسية الوطنية و اسلوب التهويل الاعلامي …. فـ عندما نستخدم مصطلح مرعب … فنحن بالفعل نعني مرعب بكل ما تحمله هذه الكلمة من معاني ….
طب ليه دلوقتي ؟؟؟؟ … و ايه اللى حصل و اللى يكون رد فعله تحرك الجيش المصري بهذا الشكل الغير مسبوق ؟؟؟ و ايه الهدف من كل ده ؟؟؟ و هل معقول ان شوية ارهابيين ممكن يتحرك علشانهم الجيش المصري بجلالة قدره بهذا الشكل ؟؟؟؟ و هل العمليات دي هـ تنهي العمليات الارهابية و مش حـ نشوفها تاني ؟؟؟؟ … و لان الكلام النهارده حيكون كتير … فاحنا بنعتذر للمره المليون ان المقال النهارده حيكون طويل شويه … فياريت نحضر كوباية الشاي اللى المره دي حيكون على حسابنا.
شوف يا سيدي … و بالراحة كدة و واحده واحده مع بعض … و قبل ما نبدأ … لازم نتكلم على نقتطين مهمين جدا جدا و كانوا اكبر مصدر رعب لكل اجهزة مخابرات اهل الشر و من يعمل جاهدا لتخريب و تدمير المنطقة .
النقطة الاولي … و هي انتم يا مصريين … فبعيدا عن عويل الصفحات إياها … و القطيع اللى بيعيط و يولول من امبارح … فــ لأول مره يكون هناك عمليات عسكرية … و الشعب يلتزم بعدم نشر اخبار عسكرية او فتاوي او مساعدتهم في نشر الاشاعات او بث الاحباط …. و التزام الجميع التااااام ببيانات المتحدث العسكري لدرجة اي حد كان بينشر خبر و لا فتوى كان بيتاكل من الناس 😊 …. فالمصريين اهملوا تماما كل الاخبار المضروبة … و اصبح الوعي الشعب في أوج تألقه …. و كل ده وسط دعم معنوى كاااامل من كل فئات الشعب المصري الحقيقي للعمليات الجاريه …. و ده بيبقي اسمه تماسك الجبهة الداخلية … و عشان تعرفوا قيمته …. فحروب الجيل الرابع و الخامس و اللى نجحت تماما في بلاد عريقه و صاحبة حضارة حوالينا … سر نجاحها كان تفتت و استسلام جبهتها الداخليه …. فــ انتم ماتتخيلوش مدي الرعب اللى سببتوه لاهل الشر جميعا بشكل اكبر بكتييييير من العمليات العسكريه ذات نفسها …. لان الرساله خلاص وصلت … فلو حد اتجنن في عقله و حب يقرب … فـ وقت الجد حتتحقق بالفعل مقوله جيش طالعله شعب و شعب طالعله جيش …. فاستمروا يا مصريين في تماسككم و دعم جيشكم و دولتكم ….. فقوة تماسك الشعب المصري هو سلاح ردع حااااسم اقوى مليون مره من قوة الرافال و الميستيرال
النقطة الثانية …. و هو عنصر المفاجئه بكل حجم هذه القوات و اللى اثبت فيه الجيش المصري انه مهما بلغت قدرة اجهزة معلومات اي دوله في العالم … الا انه دائما و ابدا لا يستطيع احد ان يتوقع تحركاته … فالمرة الاولي التي خدع فيها كل اجهزة مخابرات العالم كانت في حرب 73 و التي سميت انذاك بالزلزال …. و المرة الثانيه كانت عام 1996 في مناورة بدر الكبرى و التي فاجىء فيها الجيش المصري العالم اجمع بحجم المناورة المفاجىء لينقل ثلثي معداته كامة داخل سيناء ليدب الرعب داخل اسرائيل لاول مره منذ 73 لفشلها في توقع حجم المناوره و حجم و تحرك القوات الهائل المشترك فيها …. لترفع حالة تأهب جيشها للدرجة الاولي و يحدث ازمة كبييييره ساعتها مع اسرائيل و الامريكان.
و للمرة الثالثة يتحرك الجيش المصري كاملا بكل فروعه المختلفه في تحرك مفاجىء للجميع …. وتفشل كل اجهزة معلومات دول اهل الشر في توقع ما يحدث الان …. و عشان نكون عارفين … فـ عمليات شاااملة في كل مساحة مصر بكل هذا العتاد يتطلب ترتيبات ضخمة جدا لشهور طويلة من المستحيل إخفاؤها من الاعداد و التخطيط و المعلومات المخابراتيه و اعداد خطط العمليات العامه و التفصيلية و تحرك و تأهب القوات …. و اللى في ظروف مشابهه في معظم دول العالم … بيتم الاستعانه و التنسيق مع الحلفاء من الدول المختلفة سواء في التخطيط او جمع المعلومات او حتي في تأمين العمليات … لكن طبعا و دائما و ابدا … الجيش المصري قصته مختلفة عن الجميع…. لان في الوقت اللى الرئيس كان في عمان و طلع على الامارات و تاني يوم كان في منطقة الحمام بيشوف الصوب الزراعية … و كان طالع اليوم على افتتاح المنتدي الافريقي للعلوم … قوم بقدرة قادر … تلاقي الجيش داخل في عملية شاملة ….. بصراحة … ملعوبة 😊
نيجي بقي للاجابة على الاسئلة … ليه دلوقتي و ليه بالشكل ده … و هل الموضوع يستاهل … و ايه الرسالة و لمين ؟؟؟؟؟
شوف يا سيدي … طبعا اللى متابعنا من زمان حيكون عارف اجابات كل الاسئلة دي لاننا شرحناه في مقالات دورية و متعددة تفصيلية على مدي الاخمس سنوات السابقة …. لاننا قولنا مرارا و تكرارا … ان كل ما يحدث في منطقتنا من تقسيم الدول و هدمها و تقطيع اوصالها و تدمير جيوشها الوطنيه و تهجير و استعباد شعوبها و طمس هويتهم التاريخية …. كان هدفه الاستيلاء على مصادر ثروات الطاقه في شرق المتوسط و البحر الاحمر ….. عن طريق استخدام الاسلوب العسكري اللى فشلت في مواجهته اعتي الجيوش النظاميه في العالم و إتهزمت امامه هزيمة مذله … سواء الجيش الامريكي في فيتنام و الصومال و العراق … او الروسي في افغانستان …. فالنجاح مضمون مسبقا لمن يستخدم هذا الاسلوب العسكري ..
فقاموا بإنشاء ميليشيات من الكلاب السعرانه على الارض تتكون من وحدات كوماندوز من صفوة الصفوة من نفس نسيج شعوب المنطقة … و الذين يحتمون بالمدنيين و يقيمون وسطهم … يقوم بتدريبهم ارقي العسكريين في المعاهد العسكريه العالميه … و يتم تسليحهم باحدث المعدات … و تجهيز الخطط العسكريه داخل ارقي الاكاديميات العسكرية العالمية و تسخير كل الامكانيات المخابراتية و المعلوماتية و صور الاقمار الصناعية المحدّثة لتسهيل مهامهم … بل و تدخل الطيران الحربي لدول التحالف الغربية لمساندتهم في عملياتهم … او حمايتهم لو تلب الامر … سواء في عملياتهم او حتي في حماية انسحابهم من مواقع العمليات المختلفة …. ده بخلاف تسخير اكبر المؤسسات الاعلامية للتخديم على عملياتهم … سواء بنشر الاشاعات لاستهداف شعوب اهدافهم او حتي بحمايتهم بتحويل بعضهم لاصحاب قضيع عادله.
و اختصارا للكلام اللى شرحناه قبل كدة بالتفصيل الممل …. مافيش اي دولة او جيش نظامي في المنطقة قدر يقف امام هذه المنظومة الشيطانية الا الجيش المصري … و حتي الدول الاوروبية … كانت بتترعب لما بيتم تهديدها بجيش الكلاب المسعوره دي لو لم تغض الطرف على نقل المحاربين او نقل اموال المنظمات دي سواء في تجارة البشر او الاثار او البترول ما بين بنوكها في عمليات تمويل و غسيل اموال ….
و عشان نكون عارفين …. انه بالرغم من الحصار الاقتصادي و السياسي على مصر …. مصر قدرت تصمد و تحدث جيشها و تستخدمه فى انها تبني اقتصادها و تعمل نهضة صناعية زراعية اجتماعية في 4 سنوات …. و كل ده و جيشها بيحارب و بينتصر في حربه على جيش الكلاب السعرانة دي …. و يكون هو اول جيش في التاريخ يقدر ينجح انه يواجه حروب الجيل الخامس و هي الحروب بالوكالة…. و يبتدع تكتيكات عسكرية جديدة لمواجهة هذه جيوش المخابرات الغربية و في نفس الوقت يحافظ على النسيج المجتمعي و ينجو من فخ الاحقاد الطائفية اللى بتتخلق بين عناصر الشعوب في مثل هذه الظروف.
و عشان نفكر كده بتأني … لازم تربط بين بعض الاخبار اللى حصلت الفتره الماضية … و ساعتها حتعرف ايه اللى بيحصل .
1- إذ فجأة يا مؤمن يتم الاعلان عن اختفاء داعش من شمال العراق و من مناطق كبيره من سوريا … لتظهر بعدها فيديوهات موثقه لنقل عشرات الالاف منهم باسلحتهم بسلاطاتهم بـ بابا غنوجهم باتوبيسات مكيفه الى الحدود التركية .. و كذا تصوير عشرات طائرات الشينوك الامريكيه تقوم بنقل المئات من هؤلاء المقاتلين الى جهات مجهولة… لتتواتر انباء عن وصول افواج منهم للاراضي الليبية …. شوف الصدف يا جدع 😊
2- بعدها يطلع الآغا التركي في خطاب رسمي يقول ان صفوة مقاتلي داعش موجودون الان في مصر و في سيناء بالتحديد …. … و التصريح ده لا يعتبر زلة لسان …. و لكنه في عرف السياسة اسمه تهديد صريح … فطبعا قمنا خوفنا احنا بقي 😊
3- بعدها تظهر اخبار انه سيكون هناك تواجد تركي عسكري بالبحر الاحمر
4- بعدها تحتفل مصر بفرض ارادتها بافتتاح حقل الغاز ظهر رسميا …. لنجد ان اسرائيل طلعت تخبط في لبنان و تحاول تعمل توتر عسكري في شرق البحر المتوسط بادعائها لملكيتها لمربع رقم 9 بالبحر المتوسط … و في تناغم تام … يقوم الاغا التركي باعلان انه لا يعترف بترسيم الحدود البحريه ما بين مصر و قبرص و يطالب بحقه في الغاز.
5- الشهرالقادم في مارس يمر 90 عاما على انشاء الجماعة الارهابية …. و لان توجه الدولة المصرية كان واضح من البداية ان مفيش جماعة اخوان تاني …. و لاننا سمعنا تصريحات متوالية منهم بتقول انهم مكانوش متوقعين وصول مصر للانتخابات الثانية و ان المعارضة كانت متوقعة زوال نظام الدولة المصرية …. فان الجميع كان ينتظر عمليات ارهابيه مكثفه خلال الشهر القادم لانهم عايزين يبعتوا رساله اننا لازلنا موجودين على الارض … و ان الانتخابات لا يجب ان تحدث ….. و لان الدولة المصرية كعادتها بتعشق التحدي معهم مثلما قامت بتعويم الجنيه قبل ثورتهم المزعومة يوم 11/11 … فكان قرارها ان الانتخابات تكون في نفس تاريخ الشهر المشئوم … عشان مانسمعش صوتكم تاني
و بغض النظر عن ان الدولة المصرية و الجيش المصري سابقة الجميع بخطوات كبييييرة …. و انه تم تسليح الجيش بالسلاح الرادع اللى يحمي حقوقنا …. و انشأ البنية التحتية لادارة معاركه اذا لزم الامر مثل العديد من القواعد العسكرية سواء على البحر المتوسط او البحر الاحمر و انشاء الاسطولين الشمالي و الجنوبي …. لكن لو حضرتك حطيت الخمس نقط السابقه جنب بعض … و مع التصريح المتكرر من الرئيس ان مصر تحارب حرب وجود …. و انه اللى عايز يوقف مصر لازم يتخلص من جيشها الاول … و ان الجيش المصري سيحمي مصر و شعبها و مصالحها بكل قوته…. تقدر تعرف ليه التحرك ده و بالشكل المرعب ده.
ففي الوقت اللى الجيش مفروش على الارض بطول مصر و عرضها بيبني و يعمر في مشاريع ضخمة في مختلف المجالات … يقوم بعمليات عسكرية على كافة الاتجاهات الاستراتيجية شرقا و غربا و شمالا و جنوبا … بكل الاسلحة و بطاقته القصوي …. فكلنا شوفنا في فيديوهات المتحدث العسكري نوعية الاسلحة و القوات اللى فعلا حجمها و تكوينا مرعب بالفعل …. طائرات الرافال و F16 تحت حماية و قيادة طائرات الانذار المبكر و التحكم المحمول جواً / الأواكس (AEW&C) من طراز E2C هوك 2000 و اللى الواحده منهم بتقدر تغطي مساحة زي اللى موجوده بالصوره بمعظم مساحة مصر و اسرائيل كامله و اجزاء كبيره من لبنان و الاردن و السعوديه و البحرين الاحمر و الابيض لكل الاهداف المتحركة جوا و برا و بحرا سواء فوق مصر او بعض الدول المحيطة ….. بالاضافة الى قوات محمولة جوا و قوات انزال مظلي و مدرعات و حدات خاصة و قطع بحرية تقوم بحماية منصات بترولية و غاز و حماية المجرى الملاحي و السواحل البحريه.
التحديات و الاخطار مرصوده و معروفة و كانت الرسالة واضحة .. و هي وصلت بالفعل …. اللى عايز يجرب ، يقرب … سواء عن طريق ارهابيين او كوماندوز لابسين ارهابيين او حتي جيوش نظامية …. و اللى مستعد يدفع التمن يتفضل…. و اهو شاف بعينه عينه من اللى ممكن يدفعه.
اصل القصة هنا مش عرض عسكرى او مظاهرة للشو الاعلامي …. الاقمار الصناعية و كل اجهزة المخابرات مركزة على تحركات الجيش و بتشوف و بتحسب معدلات اداء و تحركات و تكتيكات و معدلات نفيذ مرعبه …. تخليهم يحسبوها مليون مره قبل ما حد فيهم يفكر بس انه يهدد مصر … مش حتي يتجن في عقله و يقرب مننا.
طب بعد العملية دي و اللى حنتابع نتائجها من خلال البيانات العسكرية القادمة …. هل سيتوقف الارهاب … اكيد لا طبعا … لكن نقدر نقول اننا حنرجع لزمن الارهاب الكيوت الجميل … بتاع واحد خايب يحط قنبلة هنا و لا هناك … و ده الشرطة و جهاز الامن الوطني شغال فيه حلاوه …. بس برضوا بنكرر و بنقول .. اننا بنواجه اجهزة مخابرات لدول كبيرة و اللى بيضربونا بواسطة قطيع عايش ما بينا و بياكل من اكلنا و بيشتغل معانا … و ممكن تلاقي واحد منهم جارك او قاعد جنبك في المكتب و انت بتقرأ المقال ده …. فالارهاب عمره ما حينتهي و بالذات طول ما فيه قطيع عايش وسطنا .
اخيراً …. مصر بتحارب حرب وجود … و ممنوع نشر اي اشاعات او بوستات او تغريدات بيطلقها عناصر الكيان الارهابي …. و بالذات حركات الخرفان المكشوفه بتاعة ” شوفت فلان بيقول اييه … ردوا عليه انتوا بقي يا مصريين ” …. و كلام العيال ده …..
أميتوا الباطل بالسكوت عنه ….. أميتوا الباطل بالسكوت عنه .
الالتزام التام ببيانات المتحدث العسكرى و الدعم لجيشك و دولتك في وقت الحرب هو فرض عين على كل وطني شريف ..
تحياتنا و تحيا مصر