03 Oct 2018
الرئيس السادات يتحدى إسرائيل أن تعلن عن خسائرها فى الثغرة !
—————————————————————–
الفيديو ده مهم جداً ، لأنه من الفيديوهات النادرة ، وفى نفس الوقت ، هو فيديو توثيقى تم تسجيله فى عام 1975 ، لنتائج حرب أكتوبر ، بــ يظهر فيه الرئيس السادات و هو بيجاوب على سؤال لصحيفة الوطن الكويتية عن إحتمالية تجدد الحرب مرة أخرى بين مصر وإسرائيل ، كترجمة لحالة التصعيد والشحن المعنوى اللى بتقوم بيها صحف العدو الإسرائيلي !
والحقيقة إن إجابة الرئيس السادات كانت حاسمة وقوية ولا تحتمل أى معانى مزدوجة .. ومش كدة وبس .. لكن كمان الرئيس السادات كان بيعلن جاهزية مصر لخوض الحرب مجدداً ، وبيحذر إسرائيل من ده وبيتحدى القيادات الإرائيلية إنهم يعلنوا عن خسائرهم الحقيقية فى الحرب ، وبالتحديد فى ثغرة الدفرسوار !
- رد الرئيس السادات كان بيتلخص فى الأتى: – إحتمالات الحرب واردة في كل لحظة ، والقوات المسلحة متوقعة ده فى كل لحظة … (يعنى إحنا جاهزين لهم)
– مصر تعطى عملية السلام كافة الإمكانيات لكي تنجح .. لكن إذا ما اعتدت إسرائيل، فنحن جاهزين لذلك، وعليها أن تتحمل تبعة ما ستلاقيه … (يعنى إحنا دعاة سلام ، لكن اللى عايز يجرب .. يقرب).
– النقطة الأهم كانت الحديث عن إن مصر سلمت للإسرائيلين 39 جثة من جنودهم من شهر واحد فقط ، و ده معناه إنهم لسة ماكانوش اخدوا جثث قتلاهم فى الحرب … و بــ يتحدى الرئيس السادات إسرائيل إنها تعلن عن خسائرها ، مش بس فى الحرب ككل ولكن يعلنوا خسائرهم حتى فى ثغرة الدفرسوار فقط.
مصر كانت منتصرة .. و بــ تتحدى بمنتهى القوة .. واللى ينكر ده ، فهو إما مغرض أو مغيّب
فكرهم ونكد عليهم
لمشاهدة الفيديو ومتابعة تعليقاتكم