03 Dec 2018
مصر القوة والسلام .. “Egypt Defense Expo – EDEX”
——————————————————————
من 5 سنوات فقط كان عندك أزمة داخلية طاحنة
من 5 سنوات فقط كانت مصر فى مهب الريح
من 5 سنوات فقط كانت مصر تحت حصار إقتصادى وسياسى ومقاطعة كاملة من كل الغالبية العظمى لدول العالم ، وتعليق عضويتها فى معظم المنظمات الدولية
من 5 سنوات فقط كان ممنوع عليك مش تصنع سلاح .. لأ .. تشترى اصلا سلاح
من 5 سنوات فقط كلنت مصر بتستلف علشان تجيب تكلفة السلاح والذخيرة اللى بتستخدمها فى مكافحة الإرهاب
من 5 سنوات فقط مصر كانت بتبعت طياراتها تعمل صيانة فى أميريكا ، وكانوا بيحجزوها عندهم ، ويقولولنا لما نفضى هــ نبقى نبعتللكم
النهاردة فى 2018 ، مصر بتعمل معرض EDEX للمنتجات و الدفاعات العسكرية تحت رعاية رئيس الجمهورية بمشاركة 41 وأكثر من 300 شركة .. وبحضور 7 وزراء دفاع و 7 وزراء تصنيع وإنتاج حربى .. من ضمنهم فرنسا وكوريا الجنوبية وقبرص واليونان والكاميرون والعديد من الدول العربية والأفريقية .. وغيرهم من دول العالم .. وشركات من أميريكا وفرنسا والصين وإيطاليا وروسيا وغيرهم .. فى تجمع لأكثر من 10000 زائر من كبار العسكريين والمصنعين للمعدات الدفاعية كلهم جايين يشاركوا فى المعرض ويسوقوا منتجاتهم ، لكن الأهم إنهم جايين يشوفوا الطفرة التسليحية والتكنولوجية اللى وصلت لها الصناعات العسكرية المصرية
النهاردة إنت مش بتشترى سلاح .. لكن بتصنع اسلحة دفاعية .. وكمان عملت إتفاقيات لأخذ حق تصنيع اسلحة متطورة من الدول الغربية فى مصانع الإنتاج الحربى والترسانة البحرية المصرية ، زى مثلا تصنيع الفرقاطة جوويند … والبقية تأتى
مصر بتخطى خطوات جبارة فى فى وقت وجيز جداً .. وميزان القوة بيتقلب لصالحك فى مواجهة قوى الشر .. صحيح المشوار لسة طويل .. لكن بالمستوى ده ، إحنا هــ نفرق كتير جدا فى غضون سنوات قليلة ..
ولأن خطواتنا جادة جداً ، وسريعة جداً ، وقوية جداً ، وواثقة جداً جداً جداً .. فــ هو ده سبب الحرب اللى بيتم ممارستها عليك وعلى عقلك .. و مش كان احسن عملنا سندوتشات مهلبية ، ومعارك تزييف وعى إعلامية .. وضرب سياسى من تحت الحزام .. وحروب جيل رابع وخامس و خماشر تمناشر .. إحنا ورانا حاجة .. 🙂
لكن مصر مكملة و بتنتصر ..
إفخر ببلدك وقول تحيا مصر وإنت مليان ثقة وعزة وفخر : ).. و آمن بحلمك علشان تحققه