4 Aug 2015
تحركات على رقعة الشطرنج – اربط – ناقش – فكر
————————————————–
بعد القضاء على مشروع الشرق الاوسط الجديد ….. و القضاء على منظومة الجيل الرابع من الحروب – مصر تثبت اقدامها بتحالفات عسكريه و اقتصاديه و عسكريه في البحر المتوسط لحماية نفسها و ثرواتها من حقول الغاز في البحر المتوسط – لتحل محل النفوذ الامريكي
امريكا تجس النبض باستفزازات ايرانيه تجاه الخليج – تاني يوم الجيش المصري يصل الخليج في مناورات موسعه مع الامارات و السعوديه و البحرين و التصريح الشهير “مسافة السكه” – النتيجه ايران تجيب المرشدير العظيم و منسمعش لها صوت لاكتر من سنه.
امريكا ترد بدعم تركيا و اتجاهها للاستجابة للغباء الاوردغاني بالموافقه على اقامة منطقة عازله في سوريا في مقابل استخدام قاعدة انجريليك الجويه – روسيا ترد بوقف خط السيل الجنوبي و نقله عبر تركيا و توقيع عقود استراتيجيه مع الدوله التركيه (الدوله التركيه مش النظام التركي ) – النتيجه وقف المخطط في وقتها.
مصر تمد جناحها و تبسطه على افريقيا و تقيم في المقابل علاقات استراتيجيه سياسيه و عسكريه و اقتصاديه مع فرنسا العنصر الفاعل في افريقيا (التقاء مصالح 😊 ) – امريكا ترد بتكثيف الزيارات للغرب و الشرق و العمق الافريقي – معركة تكسير العظام ما زالت قائمة بلا رحمه
محاولة تجربة الجيش المصري باستدراجه خارج حدوده بذبح الاقباط في ليبيا – النتيجه في هجمه واحده الجيش يدمر البنيه التحتيه للمعسكرات الارهاب الغربيه في شرق ليبيا بالكامل – بلاش تلعب مع الاسد و آدي داعش و ماعش اللى بقالكم سنين بتمثلوا انكم مش قادرين عليهم …. هي بس عايزه راجل 😊😊
مصر تبدع بقوتها الناعمه الهادئه و تنجح في اقناع السعوديه و الخليج لتغير استراتيجيتهم نحو سوريا للحفاظ على الدوله السوريه و ليس تقسيمها (صحة الرؤية المصريه) للقضاء على النفوذ الايراني في سوريا مع الحفاظ على الدوله السوريه – الرد دعم ايران في اليمن (دمشق في مقابل صنعاء)
الرد على مصر داخل سيناء و الحدود الغربيه عسكريا – الرد المصري صينية المكرونه باللحمه المفرومه – رد عسكري لم يسبق له مثيل قضي على ترتيبات لسنوات طويله و قضي على الجيل الخامس للحروب الى الابد ….قلنا قبل كده بلاش تلعب مع الاسد 😊😊
منع التسليح عن مصر – مصر ترد بصفقات تسليح نوعي يقلب موازين القوي العسكريه النوعي في المنطقه – النتيجه …. الافراج الفوري عن كل صفقات السلاح المصري لدي امريكا و الموافقه على كل طلباتها لانقاذ ما يمكن انقاذه من تواجد امريكا في المنطقه
مصر تنجح في الحصول على الدعم الروسي في اليمن (روسيا باعت ايران في اليمن ليحل حليف مكان حليف 😊😊 ) و مصر السعوديه الامارات يتجهون لحسم المعركه على الارض في اليمن – السعوديه تكشر انيابها لامريكا لاول مره و تتجه لابرام اول اتفاقية شراكه استراتيجيه مع روسيا – الرد استبدال داعش بالبعبع الايراني رسميا لمواجهة العرب و ابرام المعاهده النوويه اللى محدش قراها و لا حيشوف شروطها ابدا و الاستجابة لطلب تركيا (اللى كان من اكتر من سنه ) لاجتياح شمال سوريا و البداية بتسريع تقسيم سوريا على الارض
- الرد كان اقوي مما يتخيله احد ….
- اعلان القاهرة بين مصر و السعوديه – الاعلان الرسمي عن تمديد وجود الجيش المصري في البحر الاحمر و الخليج العربي لمدة 6 شهور اخري (ايران صوت صرصور الغيط الحزين)
- اعلان ستيفان دي مستورا لاول مره ” على العالم ان يستمع الي المقترحات الروسيه لحل الازمه السوريه …. ” يعني الحل في ايد روسيا اللى هو ليه دعم مصري كامل لانه يتلخص في المحافظه على الدوله السوريه
- تحرك دبلوماسي اقتصادي فاعل للضغط على تركيا و تحجيمها من روسيا و مصر و السعوديه …. النتيجه الاكتفاء حاليا بالضربات الجويه بلا اجتياح تركي للحدود كما كان مقرر
- وصول وفد رفيع المستوي اماراتي لدمشق ….. تحركات مكوكيه لوزير الخارجيه الروسي بدعم مصري و اخبار عن توافق سعودي مصري سوري روسي لحل ما …. الرد كيري يحضر الى القاهره و قطر لانقاذ ما يمكن انقاذه.
الخلاصه :-
————
دور الشطرنج لسه شغال …. و احلي حاجه … ان التحالف الشرقي هو من يفرض شروطه و ايقاعه على اللعب …. ايقاع الاسلوب الشرقي الهادي الراسي الثابت …. و القضاء على اسلوب الكاوبوي الفوضوي
ايه …. تهت مننا و من الاحداث …. عامة اللى متابعنا من زمان مش حيتوه لانه حيلاقي كل نقطه من دول تم شرحها بالتفصيل في مقالاتنا على مدار اكتر من سنه و في كل مقال كنا بنتوقع الخطوه اللى بعديها 😊😊
مصر بتحارب – مصر بتنتصر – مصر تفرح