7 Apr 2017
اللعبة والهدف .. والمشروع القديم
ابحث .. فكر .. أربط .. حلل ..
———————————-
أصدقاؤنا أصدقاء صفحة كلام في الصميم …. بعد الضربه الاستراتيجيه الاعلاميه التليفزيونيه اللى قامت بيها امريكا على قاعده الشعيرات الجويه السوريه …. و قبل ما نقول ليه ازاي هي استراتيجيه و في نفس الوقت تليفزيونيه …. و زي ما اتعودنا مع بعض في تأصيل الامور …. و اننا دايما مش بنقع في فخ تفاصيل الصوره المفروضه علينا … و اننا دايما بنبص للامور من فوق و نجمع صور البازل عشان نشوف الصوره الحقيقيه …. فإحنا بنستسمح حضراتكم و بنعتذر لو المقال طلع طويل شوية … و هو محتاج ترمس شاى بحاله ….. و مع ان الكلام اللى حنقوله ده بقالنا اكتر من 3 سنين بنشرح فيه بالتفصيل الممل في عشرات المقالات … لكن في الاعاده افاده … و خلينا نلخص عشرات المقالات في مقال واحد و نعرف احنا كنا فين و بقينا فين و رايحين على فين …. لان المهم اننا دايما و ابدا في ظل آتون حرب الوجود الدائره الان في منطقتنا …. يجب أن ننظر للأمور من منظور مصلحة الدوله المصريه اولا و اخيرا .
شوف يا سيدي … يا ترى ليه قلنا قبل كده إن الدوله المصريه غيرت تاريخ المنطقه و العالم الحديث … و ليه روسيا من 3 سنين استقبلت رأس الدوله المصريه استقبال اسطوري و استقبلته داخل غرفة عمليات الجيش الروسي في رساله للعالم وقتها و وافقت على صفقات تسليحيه و غير مسبوقه كان اكبرها مباركتها لتسليم مصر حاملتي الطائرات الفرنسيتين الميستيرال … و بعدها قامت فرنسا و المانيا بتسليم مصر بصفقات تسليحيه استراتيجيه سواء من طائرات او قطع بحريه …. و بعدها امريكا من يومين اعلنوا عن دعم مصر الكامل سواء العسكري او الاقتصادي …. و حتي انجلترا فضخت اكتر من 26 مليار دولار استثمار مبدئى مباشر في قطاع الغاز …. طب منين الناس دي بتدور على مصالحها و كان معظمهم داعم بشكل مباشر او غصب عنه في مؤامرة تقسيم المنطقه و هدمها و منين دلوقتى بيعلنوا دعم مصر !!!!!
بص بقي … و لان السياسه هي علم معقد جدا …. و بحر كبييييير ممكن تغرق فيه بسهوله … لكن لو جاوبت على السؤالين دول … حترتاح و حتنظم تفكيرك … و تقدر تعرف احنا فين و رايحين على فين .
ياترى لو لم تنجح 30 يونيو في مصر … كان شكل العالم دلوقتي عامل ازاي …. و مئات الالاف من المسلحين و الكلاب السعرانه اللى على الارض دلوقتي …. كانوا حيروحوا على فين بعد كده ؟
طب بما ان 30 يونيو نجحت و الخطه فشلت …. مصير الكلاب السعرانه اللى على الارض ايه ؟؟ …. و المفروض يروحوا فين ؟؟؟
لو جاوبت على السؤالين دول … حتعرف احنا كنا فين … و بقينا فين … و ليه روسيا دخلت المنطقه بقلب جامد و حطت رجليها سواء في سوريا او محاولاتها في ليبيا …. و ليه اردوغان طايح في اوروبا و بيشرحشح ليهم و هم لا حول و لا قوه … و ليه قطر و من يساندها خلف الكواليس حيموتوا و بيصرفوا المليارات على اخر جهدهم يمكن يلحقوا مكان خلف مقاعد كراسي اللاعبين الرئيسيين اللى حيديروا العالم الـ 100 سنه القادمه ….. و ليه امريكا ضربت القاعده الجويه في الشعيرات …. و ليه الجميع بقي بيراهن على مصر اللى فرضت نفسها و حجزت اول كرسي في الصفوف الاولى للاعبين الرئيسيين ….. سواء بإقتناع … او وهو بيعصر على نفسه لمونه لان مضطر أوغصب عنه ……… إزاي !!!!! … تعالوا بقي نفكك الامور واحده واحده و نتكلم بالعقل .
مش حنكرر الكلام اللى شرحناه كتيييييير إن القصه كلها كانت حرب على مصادر الطاقه و ان مصالح أهل الشر تلاقت ما بين مد خط غاز قطرى الى تركيا و منه الى اوروبا لضرب روسيا اقتصاديا ثم تفكيك دول المنطقه كلها للاستيلاء على ثروات شرق البحر المتوسط من الغاز و البترول و باقي ثروات باطن الارض … و الاستيلاء على ثروات البلاد دي اللى فوق الارض و المتمثله في تجارة الرقيق الابيض و بيع النساء و الاطفال في شبكات تجارة الرقيق الابيض لاوروبا و امريكا و اسيا … او تجارة الاعضاء البشريه …. و اللى اذدهرت بالفعل طوال الخمس سنوات الماضيه في سوريا و العراق ….. الكلام ده شرحناه بالتفصيل … لكن احنا حنتكلم على اساس ان الخطه دي نجحت و تكللت بنجاحهم في الجائزه الكبرى و هي مصر … و اللى الكتله البشريه فيها اصبحت وقود هام سواء في توريد النساء و الاطفال لتجار البشر … او في توريد مئات الالاف من المقاتلين الى جيش الشيطان .
اللى فات ده مكانش الهدف الاستراتيجي لاهل الشر … و لكن كان هدف مرحلي … لان الخوطه اللى بعد كده كانت توجيه الكام مليون من جيش الشيطان ده الى الهدف الحقيقي و الى مكانين لا ثالث لهم …. المكان الاول الى محاربة روسيا الكافره … و المكان التاني تحرير مسلمين بورما من الصين الكافره ….. و اهو روسيا و الصين لوحدهم بيتخطى سكانهم 2 مليار نسمه ….. و اهو يورونا نفسهم في استنزاف حرب طويييييله في جبال التبت و جبال افغانستان و الشيشان و كازاخستان و داخل روسيا نفسها ….. ده غير تصدير الثورات الملونه سواء داخلهم او على حدودهم زي ما عملوا مع روسيا في اوكرانيا و مع الصين في سنغافوره ….. و معاهم ربنا بقي … و نبقي نشوفهم كمان 200 او 300 سنه … ده لو كانوا لسه عايشين …. و احنا كغرب نتمتع بثروات الشرق بكل انواعها سواء التعدينيه أو البشريه …. و اتباع الشيطان من المتأسلمين فرحانين بنفسهم و بيهللوا ويقولوا تكبيييييير ….
و ده كان باين جدا في مصطلحات و ادبيات الجماعات المتاسلمه دي … لان كل اللى بيحركهم نفس الخواجه اللى أنشأهم …. فعادي انك تلاقيهم بيتعالجوا في مستشفيات اسرائيليه … و عمرهم ما حاربوا او دعوا الى حرب اسرائيل …. و تلاقيهم مع الامريكان حبايب … فالسلاح و التدريب و الدعم كان عن طريق الامريكان …. و تلاقيهم بيهللوا مع اي ضربات امريكيه … و مثلا تلاقيهم اتخرسوا لما امريكا قتلت 500 طفل و امرأه في الموصل من اسبوعين … و هللوا لما ضربت امريكا قاعده جويه سوريه كانت فاضيه و مفيهاش صريخ ابن يومين بحجة مقتل 100 قتيل من تسريب غاز كيماوى كان مخزن في مخازن كلابهم السعرانه و اللى اتضرب بطيارات سوريه….. و دايما و ابدا تلاقيهم في ادبياتهم يقولك روسيا الكافره … و عمرهم ما طلع منهم اسرائيل الكافره او امريكا الكافره …. لكن الحرب وجوبيه على روسيا فقط !!!!! … و ده كان تحضيرا لما سيأتى بعد ذلك …. و طبعا روسيا كانت عارفه الكلام ده و كانت واقفه على حد السكين …. فهل تضرب عسكريا اوكرانيا عشان تامن حدودها و تدخل سوريا بجيشها و تواجه الغرب عسكريا … و لا تعمل ايه ؟؟؟ ….. كانت في موقف لا تحسد عليه بالمره .
طيب ده كان الاجابه على السؤال الاول …. طب بالنسبه للسؤال التاني …. لما نجحت ثورة 30 يونيو …. و تم ايقاف تنفيذ المخطط ده على الارض …. و دول كتير من اوروبا بدأت تشم نفسها لما لقت دوله و شعب وقف منفردا في وجه مخطط الشيطان … و رسخ النموذج الناجح في مواجة اشرس و اخطر تنظيم ارهابي يدير العالم بكل ادواته …. و نجحت مصر في مواجهة كل ضغوط الحصار السياسي و الاقتصادي و العسكري على الارض … و اللى كان مسحيل ان تصمد امامه اي دوله ….. و احنا مش حنكرر كلامنا اللى شرحناه بالتفصيل في الموضوع ده …. لكن العالم كله محتاج من مصر ايه ؟؟؟
العالم كله محتاج خبرة مصر في تطبيق نموذجها الناجح في سيناء و ليبيا …. فمصر دولة شريفه … لم تبيع نفسها لا لروسيا و لا لامريكا و الغرب …. فلا مولت جماعات ارهابيه و لا سلحت ميليشيات … و مواقفها السياسيه الثابته المعلنه … هي ما تطبقه على الارض ….. و كل يوم يعترف العالم ان السياسه المصريه و الاسلوب المصري هو الأصح … فمع تفاقم الامور في سوريا و العراق و اليمن بعد اقتناع الجميع ان اسلوبهم في معالجة الامور هناك كان خاطىء تماما …. فالكل ينظر الى النموذج المصري في معالجة الامور في ليبيا باعجاب …. و يحتاج الى مصر الان .
فاننا نؤكد لكم ان ما تم تحضيره في ليبيا طول الستة أعوام الماضيه و ما تم صرفه هناك على ميليشيات الشيطان هناك … هو أضعاف ما تم صرفه في سوريا و العراق …. و لكن معالجة مصر للامور كان قمة في الذكاء و الفاعليه على الارض …. فمصر عملت الى بناء مؤسسات الدوله الشرعيه هناك …. من برلمان شرعي منتخب و انشأت جيش وطنى ليبي تم تدريب كوادره في مصر …. و مساعدته لوجيستيا و معلوماتيه و حتي أخذ بزمام الامور هناك ….. و بدأت تتفكك الجماعات المسلحه هناك …. و حتي المحاولات المضيه اللى كانت بتتعمل هناك لانشاء ما يسمى بالجيش المصرى الحر المزعوم …. و اللى اتعمل هناك اكتر من مره … و كان بيتم تسليحه و تدريبه باحدث الاسلحه …. كان بيتساب يتدرب و يشرب اللبن بالليل و يكبر و لما يبقي شحط و قد هدومه … كانوا بيقوما الصبح يلاقوه اختفي في ظروف غامضه 🙂 🙂 …. و ده بصراحه بيفكرنى بمسرحية كوميديه اسمها “عفرتو” …. كان فيها مزاد …. و كان كل واحد يوصل لاخر المزاد … كان العفريت بينادي و يقول …. ” زعفراااااان ” …. يجي العفريت زعفران يخطفه و يمشي من غير حس و لا خبر …. فـ يبداو المزاد من جديد ….. 🙂 🙂 …. ربنا يخاليلنا زعفران و ميحرمناش منه يااارب 🙂 🙂 …
و حتي في العراق ….. فالدوله العراقيه مقدرتش تواجه تنظيم داعش على الارض الا بعد تطبيق النموذج المصري بتقوية جيشها الوطني بمساعدات لا تتيلوها من الدولة المصريه …. اللى عملت مع الحكومه العراقيه بتكوين جيش وطني عراقي خارج نطاق الطائفيه و الايدلوجيات العرقيه …. و نبذه لمليشيات الحشد الشعبي لتكون خارج نطاق تنظيماته العسكريه .
فالجيش المصري هو الجيش الوحيد في التاريخ اللى قدر و نجح و انتصر عسكريا و استراتيجيا في حربه ضد الميليشيات المسلحه …. و ده اللى فشل فيه الجيش الروسي في افغانستان و الامريكي في افغانستان و العراق و لبنان و الصومال و فيتنام و فشلت فيه كل جيوش المنطقه جمعاء … و حتي سوريا فلم تنجح على الارض الا بعد مساعدتها من روسيا و ايران ….. و الدوله المصريه هي الدوله الوحيده اللى نجحت سياسيا في مواجهة هذا التخطيط و التنظيم الشيطانى …. و نجحت في فرض نفسها كلاعب اساسي على طاولة ادارة المنطقه بالكامل ….. و ده يفسر سر محاولات الجميع في محاولات دعم او احتواء الدوله المصريه سواء من الشرق او الغرب …. و كل المحاولات ضد ذلك هي مجرد محاولات لتقليل النفوذ او الوزن النسبي لنا و اللى كلها ستكون مجرد محاولات واهيه و الخسارة لها مضمونه ….. لان بالفعل قضي الامر الذي فيه تستفيان … و الامر بقي واقع و اللى ذاكر ذاكر خلاص .
اما بالنسبه لتركيا …. فلو فكرت كأنك بتفكر لروسيا …. فبعد ما كانت تركيا رأس الحربه لضرب الدوله الروسيه … فأكيد احتواء تركيا و لو مرحليا و و عكس اتجاهها الى مواجهة الغرب بكلابها السعرانه على الارض بدلا من روسيا هو نصر استراتيجي رائع لروسيا …. و أردوغان عارف ده كويس …. فبيلعب للجميع في الازرق …. فمئات الالاف من المقاتلين اللى اشرف على تسليحهم و دخلهم سوريا و العراق حيوديهم فييييين ؟؟؟ …. فجميع محاولات توطينهم في ليبيا فشلت … فيا اما يطلقهم على اوروبا او ان اوروبا تتصرف و تشوفلهم حته توديهم فيها ….. عشان كده بيشرشح ليهم و لا هامه حاجه … ما كلهم ملطوطين معاه في القذارة دي …. فهو بيضغط علي اوروبا لتوطينهم ليبيا بالقوه او السودان بتمويل قطرى للهجوم على مصر و اعادة انتاج المشروع القديم اللى فشل بنجاح ثورة الشعب المصري في 30 يونيو ….. و اوروبا بيقولوله متفقناش على كده … محنا مش حينفع نوطنهم على سواحلنا الجنوبيه و بعدين نلاقيهم ناطين عندنا من البحر …. و مصر واقفه بالمرصاد للكل و لاي تصرف ضد مصالح امنها القومي .
فالقصه على الارض خرجت من نطاق السيطره … و المواجهه الحتميه مع الكلاب السعرانه سواء على الاراضي الاوروبيه و اراضي الشرق الاوسط اصبحت مسألة وقت مش اكتر …. و عشان كده الكل محتاج مصر … و حتي ترامب كان بيقول ان امريكا حتعم مصر عسكريا بشكل غير محدود و لا مسبوق …. فالمصيبه جايه على دماغهم قريب جدا .
اما ما حدث اليوم من ضرب قاعدة الشعيرات الجويه السوريه …. فده مجرد اعادة ترتيب للاوراق سواء في داخل امريكا … او فرض اوراق قوة جديده على الارض لتسوية الازمة بقواعد جديده بعد امتلاك الروس كل الاوراق في آخر سنتين على الارض السوريه … فأمريكا بتقول احنا هنا و رجعنا و التسويه لازم تكون بما لا يتعارض مع مصالحنا ….. فالضربه كانت غريبه جدا …. 59 صاروخ لم يصيب القاعده الجويه منها الا 23 صاروخ فقط …. و الباقي مجهول المصير …. فيااما تم اسقاطهم او اعطابهم في الجو …. و تم تفريغ القاعده من الاسلحه الهامه و العسكريين تماما …. فالضحايا كانوا فقط 5 مزارعين في الحقول القريبه من المطار سقط عليهم صاروخ بالخطأ …. و حتي روسيا اعلنت بعدم خروج القاعده من الخدمه او تدميرها و انها ستعود الى الخدمه في وقت قريب جدا .
المهم بقي من كل ده … و دي الرساله و الخلاصه اللى عايزين نوصلها ليكم ….. مصر عمرها ما كانت و لا حتكون حليف لأحد … لا لروسيا و لا لامريكا …. و علاقاتها حتكون متساوية مع الجميع ….. لاهي حتكون مطيه لروسيا و لا حتلاقي يوم جندي روسي قاعد في قاعده عسكريه على الاراضي المصريه عشان بوتين اهدي جاكيت الجيش للرئيس السيسي و استقبله دخل غرفة السيطره و التحكم الخاصه بالجيش الروسي ……. و لا حتكون عسكري و شرطي منطقة باسلوب الكاو بوى الامريكي عشان الرئيس السيسي داخل البنتاجون لاول مره كرئيس عربي … يعني مش حنبقي مرتزقه للامريكان ….. هو كل ما في الامر ان مصالحهم الان ممكن تتوافق معانا ….. و ممكن جدا تتعارض بالغد …. فمصر تتعامل معهم راس براس …. فلا املائات و لا شروط …. و تتعامل بمبدأ السياسي المحنك ” عدوى العزيز و صديقي اللدود ” …. فالسياسه هى مصالح … و مصر الان تفرض على الجميع … على العدو قبل الصديق ان يراهن على مصالحه مع المصالح المصريه .. لانه سيضمن مكسبه في الاخر ….. سواء المكاسب السياسيه و الاستراتيجيه … او المكاسب الاقتصاديه …. .
فمثلا مناورات النجم الساطع اللى طلب الامريكان انها ترجع و قبلها مناورات القوات الخاصه الروسيه مع مصر … هم من سعوا لها مش احنا …. أصل نفسهم يعرفوا ايه موضوع زعفران ده … 🙂 🙂 …. و فمثلا بعد ما كان ترامب بيقول ان امريكا اولا و انه حيقلص الاستثمار الامريكي بالخارج و كمان المساعدات … طلب بالامر من المستثمرين الامريكيين انهم يتوجهوا الى مصر في مشروعات بالمليارات …. فهو رجل اعمال يبحث عن المكاسب ….. فخيرات ربنا اللى بمئات المليارات اللى موجوده في شرق البحر المتوسط و اللى مصر بدأت تنتج منها و اللى حيبان على البلد من 2019 بكميات مهوله لازم الغرب يمد ايده فيها … فمصر حولتهم من واضعي يد غصبا … الى شركاء اقتصاديين و مستثمرين …. و ده اللى ناس بتستغرب من انه منين انجلترا بلد الشيطان كانت هي رأس المؤامره على مصر … و بعتت بريتش بتروليم بعشرات المليارات لاستثمارها في مصر !!!! …… دي بقي اسمها السياسه … و اسمها النجاح المصرى في فرض الاراده الحاكمه على الجميع 🙂 🙂
كفاية كده النهارده و نكمل في المقال القادم
تحياتنا