20 Dec 2019
الأطماع العثمانلية في المنطقة – الإجابة بالخريطة !!
——————————————————
إلحاقا بالمقال السابق عن التحركات و الأطماع التركية في شرق المتوسط …. (البحرية المصرية و حروب الغاز)
و بدون الخوض في تفاصيل كتير … و لأننا دخلنا في الجد بعد التصريحات العثمانلية العلنية المتكررة عن أطماعهم في المنطقة و حقوقهم المزعومة برجوعهم لحكم المنطقة مرة أخرى و إحتلالها مثل ما فعل السفاحين أجدادهم من 500 سنة ….. فإحنا هنلخص الموضوع و ياريت نركز في الخريطة اللى بتلخص الموضوع و حنتكلم بشكل محدد و بعناصر محددة :-
• تركيا بعد ما إستخدمت عشرات الآلاف من عناصر الإخوان في داخل سوريا و استدعاء آلاف الجهاديين من الخارج لتكوين عشرات الميليشيات … إستخدمتهم لتدمير سوريا اللى قاموا بتهيئة الأرض بتفكيك الدولة السورية و تفكيك مصانعها و سرقة آثارها و ثرواتها النفطية و نقلها الى تركيا بخلاف تجارة الأعضاء لصالح مستشفيات في اوروبا و التوسع في تجارة الرقيق الأبيض من بنات سوريا … لتقوم تركيا بإحتلال الشمال السوري و العراقي …. ثم إستخدام نفس العناصر بتغير الديموغرافيا السكانية بتوطين مئات الآلاف من الإخوانجية السوريين العثمانلية في الشريط الحدودي المحتل و إحلال اللغة التركية محل اللغة العربية …. تمهيدا لمرحلة لاحقة بالتوسع العسكري لاحقا عندما تسمح الظروف الدولية بذلك
• أما في البحر المتوسط … فلو بصينا على الخريطة هنلاقي إن الحدود البحرية المعترف بها طبقا لقانون البحار الدولى و هو المرجع القانوني الوحيد المعترف به دوليا لتحديد الحدود البحرية ….. موجودة بالخط الأصفر…. و اللى بيدي لتركيا مناطق محدودة في مياه البحر المتوسط بينما تعطي قبرص و اليونان المساحة الأكبر لأنها تعتمد على جيولوجيا الأرض و حدود الجرف القاري …. و هو على فكرة نفس القانون اللى أعطي قطر حدود بحرية كبيرة داخل الخليج مقارنة بالسعودية و اللى طبقا له بتخّرج منها الغاز الخاص بيها.
• اللى باللون الأزرق ده بقي هو الحدود البحرية اللى عايزة تركيا تسرقها من مياه قبرص و اليونان بما فيها جزر يونانية بما يخالف القانون الدولي …. ولأن المجتمع الدولى حيرفض أطماعها لأنها غير قانونية …. طلبت من مصر التواطؤ معها و مساعدتها لسرقة مياه مملوكة لدول أخرى بأن تقوم بترسيم الحدود البحرية معها … و في المقابل ترمي لمصر عضمة عشان تطمعها … بأن مصر تاخد جزء من مياه قبرص و اليونان و هي المخططة على الخريطة بالخط الأحمر …. و ده اللى رفضته مصر تماما بالتورط في نهب ممتلكات الأخرين لأننا عمرنا ما تآمرنا على أحد .. و لا خالفنا القانون الدولى و لا بناكل حرام زيهم .. و لا عندنا أيدولوجية توسعية و لا مطامع في أراضي و مياه أي دولة أخرى.
• و لأن مصر لا تخالف القانون الدولي … و لأننا محتاجين نستفيد بثرواتنا بشكل قانوني …. رسَّمنا حدودنا البحرية مع قبرص و ده لهدفين … الأول عشان نقفل الباب على المطامع التوسعية العثمانلية التي لن تنتهي و لن تقف عند هذه الحدود فقط … و ثانيا إن مفيش شركة غاز تقدر تحفر و تنقب عن الغاز إلا في وضع قانوني سليم و في مياه تم ترسيم حدودها بشكل قانوني و معترف به في الأمم المتحدة …. و ده السبب اللى خلانا نطلع الغاز من حقل ظهر اللى أفاد إقتصادنا جدا الفترة اللى فاتت.
• رد فعل تركيا كان إطلاق أبواق عناصرها في الداخل من حريم السلطان و أغواتهم في الداخل بإطلاق الإشاعات أن مصر تنازلت و باعت حقوق المصريين في مياه البحر المتوسط لصالح قبرص …. و شوفنا مئات البرامج و آلاف المقالات و البوستات من المعارضين اللى بيصرخوا و بيلعنوا الدولة المصرية لإنها باعت حقوق المصريين …. بس محدش قال إنهم بيتكلموا عن رفض مصر للتقسيم في السريقة بتاعة تركيا و قبول العضمة اللى إترمت لينا.
• في الوقت ده مصر استغلت ان تركيا كانت مشغولة بتدمير و سرقة سوريا و شمال العراق …. و إكتشفت حقل ظهر عام 2015 اللى بيحتوى على 30 تريليون قدم و عملت معجزة محدش كان عامل حسابها …. إنها بدأت الإنتاج من الحقل في غضون أقل من سنتين فقط في 2017 فقط بمليار قدم مكعب يوميا متخطية كل المعدلات العالمية في الحفر و التنقيب … و تصل بإنتاجه إلى 3 مليار قدم مكعب يوميا في 2019 …. و ده معدل غير مسبوق …. و عشان نعرف قيمة المعجزة دي … فإسرائيل مثلا إكتشف حقل ليفياثان في 2010 …. و حتي اليوم لم تستطع أن تنتج قدم واحد منه حتي الأن …. و قبرص إكتشفت حقل أفروديت في 2011 و لم تستطع أن تنتج منه قدم واحد حتي الآن.
• تركيا في الوقت ده كانت بتجهز الأرض في ليبيا بمدها بآلاف الإرهابيين بأسلحتهم لتمكينهم على الأرض و إستنزاف مصر من حدودها الغربية لغاية لما تفضي من سوريا …. أو لجر الجيش المصري لدخول ليبيا لإستنزافه هناك في وقت كان الإقتصاد المصري يحاول التعافي …. لكن مصر لعبت هناك بذكاء … فقامت بتدعيم إنشاء مؤسسات الدولة الوطنية الليبية من برلمان منتخب و دعمت إنشاء جيش ليبي وطني قم بمحاربة مئات الميليشيات الليبية الإرهابية حتي محاصرتها في طرابلس .
• لما الدنيا قفلت على تركيا في شمال سوريا … بدأت تركز على ليبيا … و لما شافت ان الموضوع حيفلت منها لما الجيش الوطني الليبي قدر يحرر أكتر من 90% من الأراضي الليبية …. قامت عملت الإتفاقية الكوميدية بتاعة ترسيم الحدود البحرية و اللى بتظهر على الخريطة بالخطوط الزرقاء و أعلنت إنها هتدعم حكومة الميليشيات الإرهابية عسكريا و إقامة قاعدة عسكرية تركية على الأراضي الليبية.
• تركيا بتحاول تسابق الزمن الأسبوع الحالي باستغلال إنشغال أمريكا داخليا .. و أملا في فرض أمر واقع في حالة عدم نجاح عزل ترامب …. و ده بعد نجاح القومي بوريس جونسون اللى مش بيطيق الإخوان …. لأن الوضع حيختلف تماما لو نجا ترامب و أصبحت أمريكا و بريطانيا يتم حكمهم بواسطة قوميين و ليس من التيار الليبرالي بتاع حقوق الأنسان و الإسلام السياسي.
• و عشان هرى حريم السلطان اللى وسطينا و اللى شغالين موالاه للقواد بتاعهم في تركيا بنشر أكاذيب إن الموضوع منافسة بين تركيا و مصر و إن تركيا بتدعم طرف شرعي في وجة أطماع مصر في ليبيا …. و إن مصر بتحارب مصالح دولة تركيا المسلمة الكيوت الحلوة ….. فياريت ناخد بالنا من حاجة مهمة …. إن ليبيا على حدود مصر و في بؤرة أمنها القومي … و مصر بتدعم الدولة الليبية الوطنية و برلمانها المنتخب ديمقراطيا و بتدعم جيشها الوطني اللى مفيهوش مرتزقة واحد.
• في حين تركيا أعلنت صراحة أكثر من مرة أنها تعمل على إعادة إحتلال الدول العربية و بتعلن عن أطماعها التوسعية ….. و بتدعم في ليبيا مجلس رئاسي غير منتخب و معين من قبل دول أوروبية طامعة في ثروات ليبيا و هو فاقد الشرعية القانونية و هو و العدم سواء ….. و بتدعمه مليشيات إرهابية مثل تنظيم أنصار الشريعة الإرهابى …. و الجماعة الليبية المقاتلة «فرع تنظيم القاعدة فى ليبيا» …. و مرتزقة أجانب تم نقلهم من سوريا عبر تركيا إلى طرابلس … و مجالس شورى ثوار بنغازى ودرنة وإجدابيا الإرهابية ….. و ميليشيات تحالفت بعد تفكك تنظيمات فجر ليبيا الأرهابية …. و كتيبة راف الله السحاتى الإرهابية …. و مليشيا الإرهابى بشير البقرة … و غيرها من عشرات الميليشات الإرهابية التي تدين بالولاء لتنظيم داعش و القاعدة … اللى كلهم بيدينوا بالولاء لمفتيهم الصادق الغرياني مفتي جماعة الإخوان الإرهابية….. بخلاف الدعم التركي بآلاف الدواعش اللى طلعوا من سوريا اللى كانوا بيحاربوا تحت أماء داعش و النصرة و غيرها من عشرات التنظيمات الإرهابية.
• و لو بصينا تاني على الخريطة …. حنلاقي إن الحدود البحرية التركية المزعومة …. هي على الجانب الشرقي المحرر و على الحدود المصرية مباشرة …. يعني موطىء قدم لتركيا لإقامة قواعد عسكرية تقدر لاحقا من إستخدامها للتوسع داخل مصر من الجبهة الغربية و هي النوايا اللى بيعلنوها بكل وضوح بعودة العثمانلية لحكم المنطقة…. و دي طبعا أحلامهم لأنها لن تحقق أبدا.
• مصر تحركت عسكريا في حدودنا البحرية ومنعت أي تحرشات أو إختراقات تركية سواء جوية أو بحرية زي ما بتعمل مع اليونان و قبرص …. و بدأت في تشكيل تحالفات دولية مؤثرة لمحاصرة الأطماع التركية و إيقافها …. فإنجلترا أعلنت دعمها لموقف مصر و كذلك البرلمان الأوروبي و الإتحاد الأوروبى و حلف الناتو بذات نفسه و كذلك بدأنا ناخد إيطاليا معانا على الخط ….. و مصر أخدت الملف الى مجلس الأمن و بدأت تستخدم نفوذها و ثقلها السياسي في المنظمة الدولية … و بإختصار …. الكل رافض لكن بيلعب حسب مصالحه الإقتصادية لأن الثروات الموجوده بالفعل تستحق …. ده غاز و بترول و عقود إعادة إعمار بمئات المليارات …. و من الآخر …. إنسوا الأطماع التركية …. لكن القصة حتاخد وقت حسب تقسيم المصالح الإقتصادية بين كبار المنطقة….. و الأمر ده عادي جدا لما الشعوب تدمر بلادها و جيوشها الوطنية فتفقد إرادتها في حماية مصالحها.
• رجب أحمق بغبغان بدأ يصطدم بالواقع لما لقي نفسه بيتباع .. وأصبح بيلوش بالمعني الحرفي للكلمة …. فأمريكا مثلا رفعت حظر السلاح عن تسليح قبرص و أعترفت بمذابح الأرمن ….. و من يومين قال إنه بيعرض على امريكا تقاسم بترول سوريا في مقابل استخدام جزء من عوائده في توطين السوريين محل الأكراد في شمال سوريا …. و لما أمريكا رفضت و عطته الصابونة … طلع بالأمس يقول …. أنه إتعرض علية سرقة بترول سوريا و هو يا عيني يا ولاداه اللى رافض 😊 😊 …. و بعدها طلع مستشارة يقول إنه عرض على إسرائيل إنها تفك الإتفاق مع مصر في مقابل إنها تصدر الغاز الإسرائيلي عبر تركيا و حسب الشروط اللى تراها إسرائيل … و كان رد إسرائيل تاني يوم بموافقة الحكومة الإسرائيلية على تفعيل الإتفاقية المصرية …. فيطلع بعدها بيوم يقول إن إسرائيل هي اللى إتحايلت عليه أنها تصدر الغاز بتاعها عن طريق تركيا و هو على نغمة واحدة “ماخدوش يا بابا … ماخدوش يا بابا 😊 😊 ” ….. و النهاردة بعد ما لقي التحركات المصرية في مجلس الأمن و التحركات الأوروبية في الجمعية العامة للأمم المتحدة ….. طلع يقول … عار أن تخضع مصالح الشعوب الإسلامية لقرارات مجلس الأمن 😊 😊 …. لا بالصراحة … و إنت يا عم رجب خير من يمثل الشعوب الإسلامية … يا بتاع الدعارة إنت يا نايتي يا طعم 😊 😊
• بعيدا بقي عن الكلام السياسي و العسكري لأن له ناسه و دول ناس محترفة و بيعرفوا كويس جدا يعملوا إيييه ، و إزاي يحموا مصالحنا …. المهم بقي إحنا دورنا إييه ؟؟؟ …. حضرتك مطلوب منك في الوقت ده حاجتين مهمين …
• أولا الثقة في القيادة و الجيش و الثبات التام … فدائما و أبدا المجد للثابتين
• ثانيا عدم الإنجرار وراء أغوات الداخل من حريم السلطان اللى عايشين وسطنا و بيقوموا بدورهم في تفكيك الجبهة الداخلية و هز ثقتها بنشر الأكاذيب …. دول ناس مكنش عندهم مشكلة أصلا إنه يدخل مراته خيمة عشان تجاهد بجسمها و شرفها خدمة لإخوانه المجاهدين و هو واقف على بابها ….. و بيبرر ده بحجة نصرة الإسلام … و الإسلام منهم برىء …. فما بالك ممكن يعملوا إييه في بلدهم و فيكم أنتم …. فمثلا حتلاقوهم بينشروا إن مصر حتحارب تركيا و حتدخل ليبيا تحارب …. أو إن الجيش التركي جيش ضخم و كبير و لا قبل لنا به … أو إن مصر بتقف مع الكفار الأوروبيين ضد مصالح المسلمين الأتراك المسالمين …. و غيرها من المزايدات الخايبة.
• الناس دي ماتدهومش فرصة و لا تسمعوا كلامهم …. لو تركيا في الناتوا … فالناتو اتبرى منها … و لو عندهم جيش جرار … فـ فلسطين أقرب ليه من ليبيا … يروح يحررها بدل ما يحتل سوريا و العراق و ليبيا …. و لو هو خايف على مصالح المسلمين …. يتخاللي عن الـ 5 مليار دولار اللى عايش عليها من عرق فخاذ البغايا و يلغي الدعارة و الشذوذ و التعاون العسكري و الإقتصادي و السياحي مع إسرائيل و يوقف الشركات التركية اللى بتبني السفارة الأمريكية في القدس و يوقف بيع الأسمنت و الحديد اللى بيتبني بيه 90% من المستوطنات.
• وبالنسبة للناس اللى بتتكلم على الحرب و بتسخن … و بتطالب الجيش المصري إنه يخلص الموضوع في ليبيا … نحب نقولهم إن حضرتك قاعد على الفوتيةده في البيت و ماتعرفش يعني إييه حرب و لا تكلفتها …. و كون إن مصر بتحارب حرب عسكرية حقيقية بقالها 7 سنين و الجيش ماحسسش حضرتك إن فية حرب … مش معناها إنك تقعد تعمل فيها خبير عسكري …. و معلومة صغيرة كدة … الصاروخ اللى اتضرب في الهوا من الغواصة المصرية “الهاربون” تمنه 3 مليون دولار ….. و ده صاروخ واحد …. طب تخيل بقى كدة ثمن الحرب الحقيقية يبقي كام .
• يا ريت محدش يقلق …. لأن مصر بخير و أمنها القومي بخير …… مصر فيها اللى يقدر يأمن أمنها القومي كويس جدا … ياريت كل واحد يحط في بطنه بطيخة صيفي و مش مطلوب منك غير إنك تشتغل و تنتج و تحب بلدك و ماتصدقش إشاعات … و اللى هتكثر كتيييييير جدا و حيتم الضغط النفسي عليك بشدة …. فياريت تعرف إن كل اللى ممكن يحصل ده هجص و ملوش أي قيمة .
تحيا مصر و تحياتنا لحضراتكم .. وحفظ الله مصر