29 Mar 2016
التفكير بالتمني
————–
في الاول من يوليو الماضي ….. نزلت أخبار كتيييير عن احتلال داعش لمدن العريش و رفح و الشيخ زويد …. و إنه تم طرد الجيش المصرى تماماً و الاستيلاء علي معداته و قتل و أسر المئات من الجيش المصرى …. و رفع علم داعش على مباني المؤسسات الوطنية هناك. 🙂 .. ولللأسف كان بيخدم علي الكلام ده قنوات فضائية و إعلاميين و صفحات علي مواقع التواصل الاجتماعي بتناغم و حرفيه !!
و عامة في الوقت اللى احنا فيه ده متوقع من الناس دي بالذات .. إنها تعمل كدة !
و مع إن ساعتها قلنا للناس محدش يصدق الاعلام … و خدوا معلوماتكم من البيانات الرسمية …. لكن للاسف لقينا ناس كتير كانت بتفكر بالتمني …. فبالرغم ان مستحيل ان شوية صيّع يحتلوا مدن من الجيش المصرى …. لكن ده كان أمنيتهم … فــ صدّقوا و روّجوا .. و نزلوا يظيّطوا كالعادة … فين الجيش !!؟ … فين المخابرات !!؟ … فين السلاح !!؟ …. جيش مهزوم … فين حق العسكري الغلبان !!؟
و ما عدّاش كام ساعة .. و نزل البيان الرسمي بالصور و الفيديو و تسجيلات لاسلكية لعوائهم و استغاثاتهم …. و الناس اكتشفت ان الجيش هو اللى كان عازمهم علي مفرمة ، و تم قتل المئات منهم .. !
و كل الناس اللى كانت بتفكر بالتمني بعد الصدمة …. فيه منهم اللى ما طلعلّوش صوت خالص … أما بقى اللى استوعب الموضوع ، فــ اشتغل على نغمة استخدام القوة المفرطة مع الارهابيين، تبعا لمبدأ الخاطفين و المخطوفين 😉
نفس الموضوع بــ يتكرر دلوقتي …. طيارة اتخطفت …. نفس الناس اللى بتفكر بالتمني …. بتأكد انه طلع على الطيارة حزام ناسف و قنابل ومدرعتين و 3 غواصات ونظام صواريخ S400 .. و داخلين يزّيطوا و يقولوا نفس الكلام … فين المطار !!؟؟ .. و فين الامن !!؟؟ .. وفين التدريب !!؟؟ .. و الفشل الامني و القصة الجميلة بتاعتهم دى !
احنا مش هــ نقولكم غير حاجة واحدة بس ……
ياريت كل واحد بيفكر بالتمني …. مايعلاش بأمنياته و يزيّط أوى …. لان كلها ساعات و كل حاجه هــ تبان …. هــ تبان فين ؟؟؟؟ … في البيانات الرسمية !!
و ياريت كل واحد له واحد صاحبه منزل تحليلات و انتقادات و تأكيدات استراتيجية لوزعية مهلبية بالملوخية …. ياخد لها صورة بس …. عشان يبقي يبعتها له … و …. و فوقيها بوسة 🙂 🙂 🙂
تحياتنا للجميع