إوعي يضحكوا عليك

4 May 2016

إوعي يضحكوا عليك

شبــــــاب مصــر بخير

———————

سيبك من العالم الافتراضي و إوعي تدي عقلك  لصفحات الانترنت اللى بيديرها يا اما مراهقين مضحوك عليهم …. يا جهات خارجيه بتلعب بعقلك و بتصورلك ان الدوله في وادي و الشباب متمرد على الدوله و بيكرهها ……. قطع لسانهم.

سيبك من العالم الافتراضي اللى بتشوفه كل يوم على شاشات بالوعه المجارير في الفضائيات و اللى بتطفح علينا كل يوم بأفكار مغلوطه ان الشباب المصري كاره بلده و متمرد عليها و انه شباب بايظ …… قطع لسانهم.

اوعي يصورولك ان الـ 200  نفر اللى بيجعروا على سلم نقابه الصحفيين و اللى همّ همّ كانوا من شهر بيجعروا على سلالم نقابه الاطباء بيمثلوا الشباب المصري …… او ان ال الالفين نفر اللى بيتلموا  و بيختاروا اي مناسبه وطنيه عشان يحاولوا يعكننوا علينا …. بيعبروا عن الشعب المصري او الشباب المصري ….. قطع لسانهم.

ففي الوقت اللى حضرتك بتقرأ فيه البوست ده …… فيه مئات الالاف من الشباب في الجيش المصري بطول مصر و عرضها شايل في ايده السلاح  عشان يحميك و يحمي حدود بلدك و بيموت فدا تراب بلدنا ….. و في الايد التانيه ماسك فيها فاس بيحفر في الصخر عشان يعملك مشاريع و ينمي بلدنا و عمره ما طلب منك حاجه و لا حملك جميله.

و في الوقت اللى حضرتك بتقرأ فيه البوست ده ….. فيه مئات الالاف من شباب الشرطه المصريه بطول مصر و عرضها بيأمن حضرتك و اهل بيتك و بيستشهد منهم كل يوم شاب جديد.

و في الوقت اللى حضرتك بتقرأ فيه البوست ده ….. فيه ملايين الشباب اللى شغالين بطول مصر و عرضها و بيواصلوا الليل مع النهار لانجاز مشاريع قوميه عملاقه بمعدلات تنفيذ غير مسبوقه عالميا …. في محطات كهرباء و طرق و شق ترع و بناء مئات الالاف من الوحدات السكنيه و مزارع الاسماك و التجمعات البدويه و مصانع الرخام و الحديد و الصلب و استصلاح مئات الالاف من الافدنه و زراعه محاصيل استراتيجيه و غيرها كتييييييييير من المشاريع و الانشطه الصناعيه و الزراعيه و الخدميه…. و اللى اتكلمنا على جزء صغير جدا منها في اكتر من مقال و ده مقال منهم

و في الوقت اللى حضرتك بتقرأ فيه البوست ده ….. مصر بتتبني من جديد بعقول و ادين شبابها …. و لا عزاء لشله و عصابة الفاشلين …… فهم مجموعه من المرضي النفسيين …… و خطه علاج بعضهم و عزلهم تجري على قدم و ساق ….  🙂 🙂

الظاهر ان العباسيه و المعموره  ….. حتحتاج تدخل للهئيه الهندسيه للقوات المسلحه قريب …… حنحتاج اضافة عنابر جديده اسرع مما نتوقع  🙂 🙂  …..

تحياتنا .

لمتابعة تعليقاتكم