25 May 2016
تنويه ، وشكر ، وإعتذار
————————-
أصدقاؤنا أصدقاء صفحة كلام فى الصميم ..
الكلام اللى هــ نقوله النهاردة كان المفروض نقوله من يوم (11 مايو) .. يعنى من أسبوعين تقريباً .. لكن تسارع الأحداث وإنشغالنا الشديد فى متابعة ما يدور سواء فيما يسمى بأزمة نقابة الصحفيين أو إفتتاح الرئيس للمشروعات الجديدة أو حادثة مطار شار ديجول وطائرة مصر للطيران ، بالإضافة لإنشغال فريق عمل الصفحة فى بعض الأمور ، خلانا نتأخر فى نشر هذا المقال ، واللى بنقدم فيه تنويه وشكر وإعتذار لأصدقاء الصفحة !!
أولا .. بالنسبة للتنويه ، فنحب نقول لكم .. ياترى فاكرين المقال اللى نشرناه على صفحتنا واللى كان مدعم بالفيديو الشهير بتاع الإعلامى خالد صلاح وهو بيعتذر للمصريين عن أحداث نقابة الصحفيين ، وقيامه مع بعض الإعلاميين بدعم موقف النقابة ، وإدعاء إنهم تم تضليلهم ، وإنهم ماكانوش فاهمين الحقيقة ، وإنهم تم جرهم لمواجهة مع الدولة رغم أنفهم وبدون علمهم … فاكرين الفيديو ده والمقالة دى !!؟؟
الفيديو والمقالة حققوا على صفحتنا المتواضعة “صفحة كلام فى الصميم” أكثر من 2000 شير .. وتخطت نسبة المشاهدة للفيديوا والمقال من على الصفحة أكثر من 110 ألف مشاهدة .. يعنى تقريبا ضعف عدد أصدقاؤنا ومتابعينا على الصفحة ؟؟ وده طبعا غير التفاعل على الصفحات اللى بتنشر وبتسرق مننا .. والكلام ده تم فى خلال 48 ساعة فقط من نشر الفيديو والمقال .. لكن المفاجأة إنه بعد الــ 48 ساعة دوول وصل لنا “Report” من الفيسبوك بإنه تم رفع الفيديو من على الصفحة بسبب تقرير وصلهم من قناة النهار للحفاظ على حقوق الملكية “Copy Rights”
يعنى قناة النهار بجلالة قدرها وبكل إمكانياتها ، والإعلاميين بتوعها ، وأعضائها ، ومخرجيها ، ومُعدي برامجها المنتشرين على فالفيسبوك ومنهم ناس على صفحتنا هنا .. سابوا كل اللى وراهم ، ومشاغلهم وقضايا البلد ورسالتهم الإعلامية ، وتفرغوا لعمل “Report” علشان يشيلوا فيديو مدته 4 دقائق من على صفحة “كلام فى الصميم” المتواضعة
الإجراء ده كان ممكن يكون طبيعى جداً .. لولا إن السرعة اللى إستجاب بها الفيسبوك ، كانت شئ ملفت بشكل كبير .. بالإضافة إن الكلام ده ماحصلش مع صفحات تانية نشرت الفيديو ده ، ومنهم صفحة إنتم كلكم عارفينها كويس واللى تعداد أعضائها حوالى 3 أضعاف صفحتنا ، واللى تخصصت فى سرقة مقالاتنا والفيديوهات المنشورة عندنا بنفس كلام والتعليق كوبى و بيست و ده معناه إن الكلام عندنا وجعهم أوى .. وإن نشاط صفحتنا أصبح كبير وواضح وملحوظ وملفت للنظر .. وإن صفحة “كلام فى الصميم” أصبحت من أكبر الصفحات المؤثرة فى محيط الفيسبوك فى إطار الجبهة الداعمة للدولة .. ومن الواضح إننا فى الموضوع ده بالذات حطينا إيدينا فى وسط عش الدبابير ، .. 🙂 🙂 ، بدليل إن قناة النهار بجلالة قدرها إعتبرتنا بمساعدة الفيسبوك هدف يجب الهجوم عليه .. ولذلك وجب التنويه ..
ثانيا .. الإعتذار طبعاً واجب لكل الأصدقاء اللى أخدوا من وقتهم ، وشافوا الفيديو وقرأوا المقال ، وتفاعلوا على المقال والفيديو سواء بــ لايك ، أو بتعليق أو بشير .. وساهوا بشكل مباشر أو غير مباشر فى نشر البوست وخلّى رسالتنا توصل على أكبر نطاق ، و ….. وتوجع أوى 😉 🙂
ثالثاً … الشكر أكيد واجب وضرورى لكل أصدقائنا .. اصدقاء صفحة كلام فى الصميم اللى ساهموا بمجهودهم وثقافتهم وتفاعلهم ودعمهم الدائم لنا ، بالإضافة لحبهم الشديد لمصر بلدنا مهما إختلفنا فى وجهات النظر ، فى وصول صوتنا لشريحة كبيرة من المصريين ، ووصول تأثيرنا لهذا المستوى الكبير ، واللى خلّى بوق إعلامى كبير زى قناة النهار يحطنا فى موقف مواجهة !! .. فشكرا لأصدقائنا جزيل الشكر 🙂
ياريت أصدقائنا يكونوا فهموا الدور اللى صفحتنا بتقوم به .. وإننا لما بنركز على ملمفات معينة ومواضيع سياسية وإستراتيجية بعينها بغض النظر عن كثافة النشر واللى بيزعج بعض الأصدقاء أحيانا وبيخليهم يشتكوا من قلة منشورات الصفحة ، .. إننا بكدة بنحط إيدينا على الموضوعات المهمة ذات التأثير .. و ده اللى خلّى أصدقاء صفحة “كلام فى الصميم” هم أصدقاء من نوع خاص جداً ، ولهم تأثير كبير فى محيطهم الإنسانى ، وده بيثبت كلامنا إنكم فعلا نخبة العقول والثقافات الموجودة على الفيسبوك واللى بتساهموا بوعيكم فى نشر الإيجابية والوطنية وروح الإنتماء الداعمة للوطن …
ولأنه يبدوا زى ما قولنا وزى ما الرئيس السيسى قال قبل كدة إن الفترة القادمة هــ تكون صعبة على الوطن ، وخصوصاً إننا لاحظنا إنه فيه صفحات قدبمة ومتوقفة بدأت تنشط من جديد ، وبدأت تبث سمومها من جديد .. بالإضافة لصفحات كوميكس ونكت وشعر ، جمعت متافعلين كتير فى الفترة الماضية ، وبدأت النهاردة تغيّر إسمها ونشاطها وتتحول لأبواق ضد الدولة ,, و ده معناه إنها كان بيتم إعدادها للمرحلة دى بالذات .. وعلشان كدة هــ نطلب منكم طلبين:
الأول .. لكل الأصدقاء اللى عندهم تويتر ، ياريت يعملوا “Follow” لحسابنا على تويتر علشان يبقى فيه وسيلة إتصال بيننا فى حالة غلق الصفحة هنا ، واللى مش هــ يحصل بإذن الله نتيجة التفاعل العالى من الأصدقاء واللى بيتخطى فى المتوسط 40% كنسبة مشاهدة من نسبة أعضاء الصفحة على البوست الواحد ، وده معدل كبير جدا مقارنة بالمعدل الطبيعى على الصفحات واللى مش بيتجاوز أكثر من 5% إلى 7% فى أكثر الصفحات تفاعلا .. 🙂 🙂
لكن الإحتياط واجب برضوا .. و ده حسابنا على تويتر :
والثانى .. إحنا بنطلب من الجميع (كرماً وليس أمراً) تعملوا “Invitation” لكل قائمة أصدقائكم المتوافقين معكم فى نفس الأراء والتوجهات على حساب صفحة كلام فى الصميم على موقع فيسبوك لدعم الصفحة فى الفترة القادمة .. و ده أقل شكر ممكن نقدمه لقناة النهار ، ولكل إعلام مصر الخاص علشان نقول لهم إننا هنا عندنا الإعلام البديل .. اللى بيساهم فى رفع الوعى عند المصريين مش العكس .. وبنوجه رسالة بإن السلاح اللى تم إستخدامه فى 2011 لإسقاط الدولة ، هــ يكون هو نفس السلاح اللى هــ يتم إستخدامه لدعم الدولة وإسقاطكم إنتم ..
وعلى فكرة .. الكلام ده موجه لناس تانية برضوا .. يمكن نقوم بالكشف عنهم فى الفترة القادمة …… يـــمـــكـــن 😉 =D
وتحية من صميم القلب لكل أصدقاء صفحة كلام فى الصميم الأعزاء