3 Sep 2016
الهري النهاردة على إييه
———————–
الهرى أصبح عنوان المرحلة ….. و الاشاعات أصبحت هي السمة اليومية اللى بيواجهها الشعب المصرى ….. و زي ما كلنا شايفين إن الهرى اليومين دول على موضوع لبن الاطفال اللى تدخلت المؤسسة العسكرية لحل مشكلتة و اللى بسببها مخلصتش من الهري و القيل و القال.
إحنا النهارده نزلنا البيان الرسمي للمتحدث العسكري و لم نعلق عليه ….. و اسمحولنا نسرد رأي الصفحه في نقاط محددة و اللى ناقشنا فيها العديد من أصدقاء الصفحة في التعليقات و الرسائل الخاصة:-
للمرة المليون تتدخل المؤسسه العسكريه عشان تحل مشاكل القطاع المدني و جهازه التنفيذي الفاشل اللى ناخره الفساد لعقود طويله …. و تدخلت في موضوع توفير لبن الاطفال زي ما تدخلت قبل كده لتوفير الانسولين او حل مشكلة النقل العام أيام الاضراب و حل مشكلة العشوائيات و الطرق القوميه و المدن الجديده و إستصلاح مئات الالاف من الافدنة و انشاء المواني و المطارات و غيرها كتيييييير …. حتي وصلت لحل مشكلة المجاري في الاسكندريه و البحيره ….
علبة لبن الاطفال سعرها الرسمي في الصيدليه بـ 30 جنيه … و الدوله بتصرفها مدعمه بخمسه جنيه و بيتم دفع فرق الـ 25 جنيه من ميزانيه الدعم .
لعقود طويله بيتم سرقة العبوات دي و بيتم بيعها في الصيدليات بـ 60 جنيه ….. يعني الدوله بتدفع 25 جنيه و حضرتك بتدفع 55 جنيه زياده بإجمالي 80 جنيه بتروح في جيب شبكه كبيره من الهليبه و الفاسدين سواء التجار او موظفين في الجهاز التنفيذي للدوله بيقدر حجم الفساد فيها بمليارات الجنيهات سنويا … و طوال السنين دي كان على قلب النوشتاء و الاعلام و الحكوكيين زي العسل.
الجيش تدخل و منع استيراد العلب دي و انه هو اللى يقوم بتوزيعها ….. العلبه المدعمة اللى بخمسه جنيه حيتم صرفها على بطاقة التموين …. و العلبه العاديه هــ تتباع في الصيدليات بسعرها اللى هو 30 جنيه … و بذلك قطع سبوبة فساد بمليارات.
بدأ الصراخ و العويل من اللجان الالكترونيه سواء لديناصورات الفساد اللى بيمتلكوا الاعلام …. مدعومين ببتوع يسقط يسقط ….. و بعض الناس اللى معندهاش المعلومات الكافية و اللى محدش منهم كان بيتكلم على منظومة الفساد دي قبل كده ….. و اللى لما قفلها الجيش افتكروا.
الجهاز التنفيذي و طبقا للدستور … فإن الجهة الوحيدة اللى في اديها محاسبته هو البرلمان المنتخب فقط …. و ده اللى نادى بيه ناس كتيييييير من ايام مبارك ان لازم يتم توزيع السلطات ….. فــ دلوقتي الرئاسه ماتقدرش تحاسب او تعزل وزير ….. البرلمان هو اللى المفروض يحاسب سواء المحاسبة السياسية …. او بسن القوانين و سد الثغرات القانونية اللى كان معشش فيها و بيستغلها الفساد . زي ما حصل كدة في موضوع فساد توريد القمح اللى كان موجود بقاله عشرات السنين و محدش كان بيقدر يتكلم عنه.
و في كلمه و رد غطاها …… دلوقتي احنا في عصر جديد ….. فيا إما ننتخب برلمان و نواب على قدر المسؤولية …. او نضغط عليهم للقضاء على ديناصور الفساد …. أو نفضها سيره و نرجع تاني لدستور 71 ….
و إستكمالا لسلسلة مقالات صفحة كلام فى الصميم عن الشائعات .. وتضامننا مع الحملة ضد كل ما يتم به تشويه مصر أو محاولة ضرب الداخل المصرى … ومرة أخرى نقلا عن صفحة مركز المعلومات ودعم اتخاذ القرار بمجلس الوزراء – مصر .. وللمرة الثالثة اللينك بتاع الصفحة اهو للى عايز يتابع ..
وياريت ماحدش يقول إن ده تحرك متأخر من الدولة لأن الكلام ده كان على 2 بوست بتاريخ 30 أغسطس و2 سبتمبر .. وإحنا كصفحة جمعنا البوستين وبننشرهم النهاردة فى مقال واحد .. 🙂 🙂
—————————————————-
في إطار حرص مركز المعلومات ودعم اتخاذ القرار بمجلس الوزراء, على المتابعة والرصد الدوري للموضوعات المثيرة للجدل في وسائل الإعلام وعلى شبكات التواصل الاجتماعي والمواقع الإخبارية المختلفة ومتابعة ردود الأفعال وتحليلها بهدف توضيح الحقائق كاملة حول تلك الموضوعات, فإنه خلال الفترة من (25 أغسطس حتى اول سبتمبر 2016) تم رصد مجموعة من الشائعات وقام المركز بنفيها وتوضيح حقائقها وذلك بعد تواصله مع الوزارات والجهات المعنية, وهي على النحو التالي:
أكدت وزارة التموين والتجارة الداخلية عدم وجود أي خلل أو عوائق في عمل منظومتي السلع التموينية والخبز، وأنه لن يتم إلغاءهما أو تعديلهما لأنهما أصبحتا حقا من حقوق المواطنين التي اكتسبوها، وأن عملية حصول المواطنين على السلع التموينية أو الخبز تتم بسهولة ويسر.
أكدت وزارة الخارجية أن لم يتم ترسيم أي حدود بحرية مع الجانب اليوناني حتى الآن، وأن جزيرة “تشيوس” اليونانية تعود ملكيتها في الأصل للدولة اليونانية وليست ملكاً للدولة المصرية ولم تخضع لسيادتها على الإطلاق.
نفت وزارة الأوقاف تنازلها عن ممتلكاتها على جزيرة “ثاسوس” اليونانية لصالح اليونان, وأكدت أنها لم ولن تتنازل عن أي من أملاكها باليونان أو بأي دولة أخرى.
أكدت وزارة الخارجية دعم مصر الكامل للحقوق الفلسطينية، ونفت تصريحاً مزعوماً على لسان وزير الخارجية المصري باعتبار قتل الإسرائيليين للأطفال الفلسطينيين ليس عملاً إرهابياً.
أكدت وزارة الصحة والسكان عدم وجود قوائم انتظار جديدة لمرضى فيروس “سي”, وأن لديها خطة شاملة للقضاء التام على الفيروس في مصر في أقرب وقت ممكن, وأعلنت عن الخط الساخن (19153) لاستقبال أي شكوى تتعلق بمرضى فيروس سي.
أكدت وزارة البترول والثروة المعدنية مرة اخرى أنه لا صحة لما نشر حول وجود زيادة في أسعار البنزين والسولار في حال إقرار قانون القيمة المضافة ، حيث أن أسعار بيع منتجات البنزين والسولار تشمل ضرائب, وأضافت الوزارة أن قانون الضريبة على القيمة المضافة لا يتضمن فرض أى أعباء جديدة على أسعار البنزين والسولار وأن سعر ضريبة القيمة المضافة المطبقة عليهما هو نفس قيمة ضريبة المبيعات المطبقة حالياً، ومن ثم فلن يترتب على اقرار قانون ضريبة القيمة المضافة أي زيادات في أسعار البنزين أو السولار وأن الأسعار مستمرة كما هي وان لا يوجد نقص في كميات اي منهما في كافة الأنحاء ويتم متابعة ذلك بشكل دوري بمعرفة مركز المعلومات.
أكدت وزارة البيئة أن ما تردد حول ظهور أسماك القرش في شواطئ مدينة دمياط الجديدة لا أساس له من الصحة.
وزارة الزراعة واستصلاح الأراضى: أفادت بعدم وجود أزمة في توزيع الأسمدة, وتمت الموافقة على صرف كامل الحصص للمزارعين من الجمعيات في محافظات الوجه البحري والقبلي دون نقصان، لضياع الفرصة على مافيا تجارة الأسمدة في السوق السوداء, وأن عملية توزيع الأسمدة ستستمر حتى 30 سبتمبر الحالي.
وزارة التموين والتجارة الداخلية تنفي نقص كميات السكر المطروحة بالمجمعات الاستهلاكية وتؤكد أنها شائعات وأنها تواصل ضخ كميات إضافية (37 ألف طن) في السوق المحلى لتلبية احتياجات المستهلكين بسعر 5 جنيهات للكيلو الواحد, وفي حالة وجود أي شكوى يرجى الاتصال على رقم (16528).
الهيئة العامة للأرصاد الجوية تؤكد أن البلاد لن تتعرض لموجة من السيول وأن هناك تحسنًا نسبيًا في حالة الطقس.
وزارة المالية: فرض ضرائب على قاعات الأفراح مجرد شائعات.
وزارة التربية والتعليم والتعليم الفنى تنفي إلغاءها لنظام امتحانات نصف العام الدراسي، وتؤكد أن هناك مقترح قيد الدراسة لإلغاء امتحانات منتصف الفصل الدراسي” الميد تيرم” وليس امتحان نصف العام الدراسي وأن الوزارة تطرح حالياً حوار المجتمعي عبر موقعها الالكتروني لمدة 15 يوماً.
هيئة السكك الحديدية: أفادت بأن رفع أسعار تذاكر القطارات المكيفة مجرد شائعات, وباستعدادها لمواجهة السوق السوداء، وأنه سيتم توفير 180 ألف مقعد في الفترة ما بين 4 حتى 18 سبتمبر الحالي, وفي حالة وجود أي شكاوي لدى المواطنين يرجى الاتصال على الخط الساخن (147).
إنتهى تنويه صفحة مركز المعلومات ودعم اتخاذ القرار بمجلس الوزراء – مصر
و زى ما قولنا فى مقالنا السابق .. وبنعيد ونكرر .. ومش هــ نزهق من التكرار .. إن اللعبة دلوقتى لعبة تشكيك .. ومحاولة تكسير الكتلة الصلبة اللى بتشكل السواد الاعظم من الشعب المصرى .. بس هم مركزين شوية على المجتمعات الفيسبوكية اللى فيها جزء كبير من المثقفين والطبقة الواعية اللى اصبحت بترد بقوة وبتكسر فى كل خزعبلاتهم .. زى متابعين صفحة كلام فى الصميم وبعض الصفحات الوطنية الأخرى ، واللى عاملين لهم قلق كبير فى العالم الإفتراضى بتاع نشطاء السبوبة وشوية الفشلة اللى ماوراهمش حاجة غير الشتيمة فى البلد .. وناهينا طبعا عن اللجان الأليكترونية والعيال المثورجين على روحهم ، والمأسوف عليهم اللى ماشيين وراهم ومصدقينهم بمجرد ما ييصفّرولهم بالصفارة .. و ده فى حد ذاته مجننهم لأنهم شعروا فعلا إنهم فقدوا القدرة على الحشد اليكترونى
ياريت نخلى بالنا من الشكايين البكائين لأن اللعب كله دلوقتى على تفكيك الكتلة الصلبة ومحاولة انك تبقى طول الوقت مشغول بالدفاع والتبرير علشان يحطك دايما داخل اطار من الشك وعدم الثقة …. وهو ده اللى مصر بتعمل عكسه دلوقتى …. مصر مكملة فى سكتها ومش بتلتفت لأى عواء .. وهو ده اللى مجننهم
القادم افضل بإذن الله .. وحتى لو كان فيه صعوبات .. هــ نعديها .. وخليك فاكر دايما إن الهدف من كل اللى بيحصل ده هو إنت ….
((((-إنت-)))) مش أى حد تانى ..
لإنك أهم عنصر فى اللعبة بتاعتهم …
لأن هدم اى وطن بيبدأ من هدم المواطن نفسه