2 Jul 2014
و مازالت هجمات الجيل الرابع متوالية – الحرب الملونة
———————————————————
مع بداية شهر رمضان يتضح لنا و بدون شك أن الهجوم الضاري على مصر و إستهدافها ، لا يزال مكثفاً ، و تحالفت فيه كل الاذرع الخبيثه بكل إمكانياتها لهدم مصر من الداخل.
أنا بــ أقول كده ليه … و قبل ما حد يتهمني بفوبيا المؤامره تعالوا نحسبها و نفكر فيها بالعقل !!
لما تتجاوز ميزانية إنتاج الأعمال الدرامية و البرامج الرمضانية المليار جنيه و ده رقم مبدئى لكن أكيد فلكي ….. وكمان تصل أجور الفنانين ما بين ٣٥ مليون الى ٢٠ مليون .. و أقل بطل فيهم واخد ٣ مليون … يبقى لازم يكون فيه حاجة غلط !
مثلا لما ميزانيه مسلسل واحد زي ( سرايا عبدين) تتجاوز ١٤٠ مليون و مسلسل ( دهشه ) ١٢٠ مليون .. طيب ربنا يزيد و يبارك لكن الله يرضي عليكم فكروا معايا كده وواحدة واحدة.
الشركات المنتجة دي مش شغالة لله و الوطن …. يعني لازم ترّجع تاني المليار و فوقيه المكسب بتاعها فــ بتبيع المسلسلات الى شركات تسويق .. و شركات التسويق بــ تبيعه للقنوات بعد ما تحط مكسبها …. و القنوات بعد ما بــ تدفع بــ تبيع ساعات الاعلانات الى شركات دعاية بعد ما تحط مكسبها ….. و شركات الدعاية بــ تبيع للشركات المعلنة بعد ما تحط مكسبها ( اللى هي مثلا زي الشيبسي و البيبسي و خلافه ) ، و خالّلوا بالكم أنا بــ أتكلم عن حجم أعمال كله كاش و على الترابيزة عداً و نقداً.
يعني المليار بعد اللفة الطويلة دي ، بعد ما بقي مليار و نص ، المفروض إن الشركات دي هي اللى بتدفعها ، .. و خاللي بالكم إن المبلغ ده مش حجم أعمال الشركات دي …. ده المفروض إنها تحقق صافي ربح أكتر من المليار و نص اللى دفعته للقنوات دي !!
طب و النبي حد يصدق ان الشيبسي و علبة السمنة و الزبادي و العصير بيكسبوا أكتر من مليار و نص في شهر رمضان و كاش كمان !!!!!!!! .. ده بالمبلغ الفلكي ده ممكن يبنوا بيه المصانع دي نفسها من تاني 🙂 .. و الأهم من ده ان احنا بــ نعاني أصلاً من أزمة اقتصادية ، و مصانعنا بتقفل و عندنا أزمات سيولة !!
طيب ايه رايكم ان الفلوس اللى إندفعت و كاش دي طلّعتلنا منتج مركز على حاجتين بس و بشكل مكثف و فاضح و مش بيخرج عنهم :-
كل اللى بتشوفه هو ناس ، يا عايشين في قصور فاخرة ، يا إما عايشين في عشوائيات متدنية ….. طب فين بقية المجتمع ؟؟؟ ….فين الــ In between .؟؟؟؟؟… 🙂 .. وهو الاعم و الأغلب من المجتمع المصري اللى زي حالاتنا؟؟؟؟؟ …. مش حتلاقي !! ….بس العامل المشترك ما بين القصور و العشوائيات إنهم سفلة و فاسدين و مجتمع منحل و فيه كل المبوقات ..
استهداف ممنهج للمرأه المصريه عمود المجتمع …. كل الستات المصريات اللى في القصور أو في العشوائيات ساقطات أو مومسات أو بدون أخلاق أو خائنين و كمان مركزّين قوي على ظباط داخليه فاسدين و كأن المجتمع المصري عباره عن ستات مُلعب و ظباط فاسدين و رجالة مش رجالة خالص.
يعني الظباط و الناس تموت الصبح و تتشتم و تتهزق بالليل !!
لو جمعت كل الكلام ده مع بعضه مع استحالة و عدم منطقية إستحضار التمويل الضخم الكاش لتمويل المسلسلات دي من السوق المحلي ، اللى هو أصلا بيعاني من كساد و إنهيار إقتصادي تطلع بحقيقه واحدة بس .. وهى إن اللى وراء التمويل ده جهات خارجية .. !! .. و شركات الدعاية مع القنوات دي ما هي الا واجهة ربما لغسيل أموال ( ممكن بقي مخدرات أو سلاح أو إرهاب ) ، تقوم بضخ المليارات لغسلها ، و ما تدفعه القنوات للشركات المنتجه ما هو الا مهمة تقوم بها لاستهداف المجتمع المصري في صورة عمولة.
الاعلام يا سادة ما زال هو حجر الزاوية لإستهداف المجتمع المصري و خلق أجيال تؤمن بالعنف و كره الوطن و استباحة اعراضه و شرفه !!
قاطعوهم و اكسبوا صيامكم و دينكم و وطنكم.