03 Jul 2018
حتي لا ننسي – معركة استهداف العقل الجمعي
——————————————–
من ثلاث سنوات بالتمام و الكمال في الاول من يوليو 2015 …. و في الذكرى الثانيه للاحتفال بثورة 30 يونيو التي اعلن فيها الشعب المصري رفضه لتقسيم المنطقه و تحديه و وقوفه في وجه القوى العظمي و نجاحه في فرض ارادته على إرادات هذه الدول و ينقذ نفسه و المنطقه كلها من مصير كان محتوما .
فاكرين حصل ايه ؟؟؟ …. فاكرين لما تم الهجوم على جميع كمائن و ارتكازات الجيش المصري في سيناء بقوات ضخمه مدربه تدريب يماثل تدريب القوات الخاصه في الجيوش العسكريه …. و مسلحه باحدث الاسلحه و المهام و وسائل الاتصالات و الحرب الالكترونيه ….. و مدعمه باحداثيات لاماكن تمركز القوات محدثه لا يمكن الحصول عليها الا بالاقمار الصناعيه ….. و كل ده كان في هجمات متزامنه و مخططه تخطيط عسكرى محترف لا يصدر الا من مراكز عسكريه اكاديميه محترفه ….
طب فاكرين الهدف من ده كان ايه ؟؟؟؟ …. انه يتم الاستيلاء على رفح و الشيخ زويد بطرد الجيش منها و اتخاذ المدنيين رهائن و دروع بشريه لفرض الامر الواقع على الارض …. و تصوير استيلاء داعش على المراكز و الاقسام لنقل صوره ان سيناء خرجت عن السيطره و المطالبه الفوريه بتدويل ملف سيناء .
طب فاكرين الاعلام المحلى و العالمى عمل ايه يومها ؟؟؟؟ …. فاكرين لما الاعلام و بشكل مدروس و متزامن نشروا نجاح تحقيق اهداف الارهابيين على الارض مع البدء في العمليات …. و كأنهم بيستبقوا الاخبار … او بيأكدوا حدوثها … او بيتمنوها ….. او بينفذوا الاوامر لاستهداف العقل الجمعي للمجتمع لكسره و كسر الروح المعنويه للجنود سواء اللى بيحاربوا … او اللى بيتم نقلهم لدعم من يحاربون بالفعل.
فاكرين لما جرائد و قنوات و صفحات اخباريه اختارت انها تكون بوق دعائي للارهابيين و كانت بتنشر بشكل متزامن و مكثف عن سقوط شمال سيناء و احتلالها من قبل جيش جرار من داعش … اللى قتل و اسر مئات الجنود المصريين و استولي على مدرعاتهم و سلاحهم … و بيحتفلوا بالانتصار و بيتجولوا بهذه المدرعات بكل حريه بعد رفع علم داعش على مركز مدينة الشيخ زويد و رفح…..
طب فاكرين لما فيه اخبار نزلت قبل الهجوم اساسا او تم نشراخبار لاحداث قبل وقوعها بساعات … و كأن كان عندهم ليسته بالاخبار و نزلوا خبر قبل التاني بالغلط ؟؟؟؟
طب فاكرين الهجوم الالكتروني من عشرات الالاف من الاكونتات و الشخصيات العامه المعروفه ازاي كانوا بينشروا تاكيدات على الاخبار المضروبه دي بنشر تفاصيل اسطوريه عن قوة مقاتلين داعش و انهم جيش جرار لا قبل لكم به و ازاي كانوا بياكلوا الجنود احياء و بيسحقوهم تحت عربياتهم … و ازاي اشتغلوا بكثافه على عقولكم … و كام بوست و مقال و رساله كانت بتشمت فيكم و بتكسركم معنويا ؟؟؟ ….
طب فاكرين حملات التشكيك اللى شنها الناس دي بشراسه عجيبه على البيان الاول للمتحدث العسكري اللى كان بيقول فيه ان الجيش بيقوم بعمليات حاليا و بيطالب الشعب المصري بعدم الالتفات للشائعات و انه بعد انتهاء العمليات حيقوم بنشر التفاصيل ؟؟؟
طب فاكرين لما نزل البيان الثاني بعد البيان الاول بساعات قليله في نفس اليوم مدعم بصور مئات الجيف للارهابيين و نشر التفاصيل المتاحه في وقتها و اللى اتأكدنا منها ان الجيش المصري هو من فتك بالارهابيين و كان عازمهم على حفلة مكرونه باللحمه المفرومه.
طب فاكرين لما الناس هاجمت الصفحات الاخباريه الكاذبه … ازاي طلع اليسارى نقيب الصحفيين ايامها بكل بجاحه و قال ان الجيش لم يطلعه على تفاصيل العمليات اللى كانت على الارض و بذلك من حقه نشر ما يذيعه العدو و اعلام داعش حتي يثبت العكس ؟؟؟
طب فاكرين لما كل الناس تسائلت من كان يدير كل وسائل الاعلام دي بحرفيه لنشر هذه الاخبار الكاذبه بتزامن و بمنهجيه علميه واضحه ؟؟؟؟ ….
طب فاكرين آلاف الشائعات الى اطلقها و لا يزال يطلقها نفس الوسائل دي و نفس الشخصيات العامه و نفس الصحفيين طوال السبع سنوات الماضيه بشكل يومي و مستمر .؟؟؟؟؟
طب تخيلوا ان فيه ناس حتي الان بتنقل منهم اخبار و بتصدقهم … او عايزه تصدقهم … او بتتمني حدوث ما يقولون ….. او حتي انهم يقنعوك لكسرك او حتي اضعف الايمان انهم يخلوك تشك في كل و اي حاجه؟
طب فاكرين اللى قالوا و لسه بيقولوا ان استحاله ان دي تكون مؤامره و انها مجرد صدف و انكم مرضي بمرض المؤامره … و بيقولوا كده و هم في نفس ذات الوقت لسه بينشروا في الاشاعات و الاحباط و الطاقه السلبيه ؟؟؟
طب واخدين بالكم ان نفس وسائل الإعلام والإعلاميين والشخصيات العامة ، والمواقع الإخبارية ، والجرائد الأليكترونية ، وصفحات السوشيال ميديا واللجان الإليكترونية والاخوان والكولجية عملوا نفس الكلام تانى أو تالت أو عاشر على مدار حوالى ٣ أسابيع بالتزامن مع حلول ذكرى ٣٠ يونيو 2018 وحصل تصعيد لنفس حالة التشكيك والشحن والتهييج وإحباط المصريين بشكل غير طبيعى وتم إطلاق كم من الشائعات لو صدر فى اى دولة كان ممكن يهدها .
طب ايه اخر اشاعه سمعتها غير اشاعه ان الطلبة هــ يخشوا المدارس بتذاكر …. التذكرة بجنيه في اليوم ؟؟؟ 😊 😊
تحياتنا