العهر الدينى والفكرى والسياسى كما ينبغي أن يكون

12 Aug 2018

العهر الدينى والفكرى والسياسى كما ينبغي أن يكون !!
—————————————————–

الاخوانى “صبرى مشهور” قيادى التنظيم واحد رموز قناة الشرق الإخوانية ، بيمثل بالضبط الفكر الاخوانى فى أقصى درجات العهر الفكرى والدينى ، وقمة الدعارة السياسية ، بالإضافة للانعدام التام الولاء لبلدهم .. والتعريض بكل ما يمكنهم من قوة لدولة سلطان المثليين وبهلول المغيبين وحامى حمى حريم السلطان ..

البييه بيقول ان دعم الليرة التركية ربنا هيحاسبنا عليه .. وكمان واجب وجودى لأنه اذا نجحت تركيا ، هيعيش المسلمين فى امان ، أما اذا سقطت الليرة و انهارت تركيا فاعلم أن زوجتك ستغتصب امامك … (طبعا البييه هنا بيتكلم عن النظام التركى الاخوانى لأن تركيا كدولة ماتفرقش معاه فى حاجة) …. وبعدها بيطالب الناس انها تشترى البضائع التركية علشان ينالوا الثواب والأجر عند الله .. ولازم تجعل كل ملابسك صناعة تركية .. ولما تسافر تسافر على الخطوط الجوية التركية … ولو كانت تذاكر الطيران التركية أغلى من غيرها ، فاعتبر ان الزيادة دى فى سبيل الله 😅 …

وطبعا مش محتاجين نتكلم عن الخطاب الشعبوى إللى عمله أردوغان من يومين ، واللى كان بيطالب فيه الاتراك بالتنازل عن ذهبهم لصالح الليرة التركية .. وانهم يطلعوا الدولارات إللى تحت البلاطة ويشتروا بيها ليرة .. علشان يواجهوا مؤامرة الغرب … و ده طبعا علشان الاقتصاد التركى متين واحسن حاجة فى الدنيا وتركيا مسلفة البنك الدولى !!! 😉

– ياترى بقى فاكرين السخرية من صبّح على مصر بجنيه !؟
– فاكرين التريقة على موضوع الفكة ويقولك الدول لا تبنى بالتبرعات !؟
– فاكرين السخرية من الست الغلبانة إللى اتبرعت بالحلق بتاعها لصندوق تحيا مصر !؟
– فاكرين السخرية والاستهزاء من نظرية المؤامرة والحديث عن الإرهاب ويقولك اصل دى فزاعة وماحدش هيعمل علينا مؤامرة وان ده كله وهم
– فاكرين الاستهزاء لما كنا بنقول ان سقوط الدولة معناه انتشار الإرهاب ودخول داعش، وأن وجود الجيش المصرى هو إللى حمى بناتنا وأمهاتنا من القتل والاغتصاب زى ما كان بيحصل فى ليبيا وسوريا والعراق
– فاكرين سبهم لسنين للشعب المصرى و نساؤه و اتهامهم بالعاهرات والراقصات …. في حين ان من اهم مدخلات الاقتصاد التركى هو الدعارة المقننة المحمية بقوة القانون و تحت ادارة الحزب الحاكم الاسلامى ؟
– طب فاكرين تهليلهم و تكبيرهم و دعمهم للارهابيين اللى اغتصبوا مئات الالاف من نساء العراق و سوريا و سبيهم و المتاجرة فيهم …. و تهديدهم للشعب المصرى انهم مستنيين لما يتمكنوا مننا عشان ياخدوا نسائنا سبايا و يغتصبوهم ؟
– فاكرين السخرية من الرئيس السيسى فى كل خطاباته لما كان بيتكلم عن صعوبة الوضع الداخلى !؟
– فاكرين التحريض على مقاطعة المنتج المصرى علشان الاقتصاد ينهار !؟
– فاكرين المتاجرة فى الدولار وتحويلات البنوك، وكروت الائتمان ، وإشعال السوق السودة لتدمير الجنيه المصرى وهدم الدولة اقتصادياً !؟
– فاكرين إللى كانوا بيزوروا الكونجرس والاتحاد الأوروبى علشان يطالبوا بوقف التعاون مع مصر وقطع أي معونات خارجية لضرب الاقتصاد المصرى !؟
– طب فاكرين إللى مش اخوان بس بيحترموهم وكل نشطاء السبوبة وشمامين الكلة إللى كانوا بيعملوا نفس إللى بيعمله الاخوان وبيرددوا نفس إللى بيقوله الاخوان ويقولك احنا معارضة و دى حرية رأى !!؟؟
– طب فاكرين بقى إللى كانوا بيتكسفوا لما كانوا بيدافعوا عن بلدهم مصر ، وكانوا بيتراجعوا أمام حملات السخرية منهم ومن كلامهم وكانوا مش بيقدروا يواجهوا إللى بيتقال لهم لما كان رئيسنا بيتكلم عن صندوق تحيا مصر والفكة وترشيد الاستهلاك وتقليل معدلات الإنجاب وان بلدنا فى حالة عوز واننا لازم نتكاتف علشان نخرج من إللى احنا فيه
– فاكرين .. وفاكرين .. وفاكرين …!؟

النهاردة بقى الجملة إللى بيحفظوها لكل اخوانى .. و من ورائه تابعه “قفة” .. وهو أى شمام كلة من المغيبين إللى بيرددوا كلام الاخوان عميانى .. ان إللى بيحصل ده مؤامرة علشان تركيا عايزة تحافظ على استقلالية قرارها … والحقيقة انا مش عارف استقلالية قرار اييه دى إللى بيتكلموا عنها ، وتركيا فيها أكبر قاعدة لحلف الناتو واميريكا فى المنطقة كلها …. لأ .. استقلال قرار صحيح يعنى !! 😏 🤔

المهم .. ومرة تانية وثالثة ورابعة … انه فى الوقت إللى الاقتصاد المصرى بيصعد صعود الصاروخ بعد عمليات الإصلاح الاقتصادى الناجحة إللى اتعملت ، ونمو كل المؤشرات الاقتصادية لمصر بشهادة كل المؤسسات الاقتصادية الدولية المحترمة .. مع توقعات مستقبلية إيجابية جدا .. فى نفس الوقت ده بتتهاوى … او بلاش بتتهاوى دى علشان بتضايق ناس معينة .. خلينا نقول بتتأرجح كل الفقعات الاقتصادية الهشة القائمة على النمو المؤقت وتحقيق مكاسب قصيرة الأجل ترضى العامة وتلعب على مشاعر الأصوات الانتخابية .. زى تركيا وفنزويلا وماليزيا وغيرها …. مع غطاء اعلامى اخوانى لتلميع التجارب دى والضحك بيها على عقول المغيبين

آن الأوان أن الفقاعات الاقتصادية دى تتكشف وتظهر على حقيقتها … والفيديو ده بيظهر بوضوح حرب البرمجة العصبية إللى كان الشعب المصرى ضحيتها على مدار شهور وسنين طويلة …. و …..

و لهذا حديث أخر .. وقريب بإذن الله

لمتابعة تعليقاتكم