05 May 2021
البطل .. الإختيار 2
——————-
فى حلقة الأمس من مسلسل الاختيار كان فيه مشهد فيه الخلاصة.. بيلخص المأساة اللى كان عايشها أهلنا فى سيناء … فى حوار بين الشخص الخاين لأمانته ولبلده ولقسم الولاء اللى اقسم عليه .. وبين المصرى الوطنى الاصيل اللى الإيمان و الوطنية والانتماء بيجروا فيه مجرى الدم فى العروق حتى آخر نفس .. و عن عقيدة وإيمان لا يتزعزعان
حتى لغة الجسد .. والتحكم فى نبرة الصوت .. ونظرات العيون المتبادلة .. اظهرت الفرق بين المؤمن بعدالة قضيته .. وبين اللى عنده شك .. مهما أظهر من اقتناع بعقيدته المغلوطة المبنية على سفك الدماء !!
◀️ اسمك ؟
🟢 ابراهيم ..
◀️ انت عارف انت هنا ليه ؟
🟢 لا والله ما حد قالي
◀️ انا أقولك ، انت هنا عشان انت وقبيلتك بتعاونوا الجيش المرتد
🟢 احنا ما بنعرف مرتدين ، احنا بنعاون جيش بلدنا وفي ضهره
◀️ بلدكم ؟! بلدكم اللي بتطردكم من بيوتكم وبتهجركم ؟! من امتى كانت بلدكم ؟!
🟢 بلدنا من زمان .. بس أقولك انت بتعرف ايش بنسوي عندنا بالقبيلة لما فار يدخل بيوتنا ؟؟ .. بنفضي البيت كله من العتاد عشان الفار ما يلقى مكان يدارى وراه ، حينها نعرف نصيده براحتنا ، انتو الفيران اللي لابدين في بيوتنا والقُراد اللي معشش مش راضي يطلع ، انتو السبب اللي طلعنا من ديارنا وشتتوا الناس
◀️ ده بدل ما تشكرنا ان احنا عايزين ناخد بإيديكم لطريق الحق ؟!
🟢 ايش تقول انت ؟! انتو حاسين حالكم بتفتحوا مصر وتدعوا فيها للاسلام !! .. احنا نعرف ربنا وموحدين بالله من قبل ما نشوف وجوهكم الغبرة
◀️ صبرا صبرا يا أبا علي ، الأخ ابراهيم جاهل اعذره محتاج يعرف الحقيقة
🟢 الحقيقة اللي بدي اياكم تعرفوها اني مع الجيش والجيش معانا لكن انتو لا ، احنا دمنا عندكم رخيص ، تصفية دم اخواتنا في الشوراع أكبر دليل .. لكن دمنا عندهم غالي وإلا كانوا دكوا بيوتنا اللي انتو بتتداروا فيها وخلصوا عليكم لكن هم ما فعلوا كده
◀️ انت عارف ايه عقوبة الخيانة ؟؟
🟢 اتمنى تكون انت تعرفها يوم ما يجتمع الخصوم عند الله ، تتمنى تكون عرفتها في الدنيا وتراجعت بدل ما يكون هادا حالك
◀️ احنا حكمنا عليك بالموت جزاءاً لما اعترفت به …
🟢 شرف ، الموت شرف لي ولأي شخص يساعد بلده ، لكن هادا الشرف عمركم ما هتطولوه .. بدي أقولكم كلمتين ما لهم ثالث ، لما الفار يدخل المصيدة ويتسكر عليه قد ايش يعيش ؟؟
هتعيشوا فيران وتموتوا فيران ..
فكروا …. قد إيش يعيش الفار فى مصيدة مسكرة
🟢 أشهد الا اله الا الله .. واشهد ان محمدا رسول الله
وقد كان… وتم صيد الفئران فى 2018 …
شكرا الفنان نضال الشافعى❤️
حفظ الله مصر برئيسها وجيشها وشعبها 🙏