8 Jan 2016
استاذ حمدين صباحي …. يحموك في كنكه
—————————————
بعد الحديث الكوميدي للاستاذ المبجل حمدين صباحي احد رعاة فوضى نصباية مجيدة العمشه ….. و اللى ظهر بعد طول غياب …. و لا كنا بنسمع ليه صوت طوال حرب مصر على الارهاب …. و عمرنا ما شوفنا ليه رد فعل على مقتل الاف الضباط و الجنود اللى كانوا بيدافعوا عن سيادته طوال الخمس سنوات الماضيه ….. فبصراحه …. احنا مش حنعلق على كلامه لان كل كلامه كل حاجه و عكسها ….. فهو ناصري و مع الراس ماليه و رجال الاعمال … و مع الدوله المصريه لكن في نفس الوقت مع من ينادي بهدمها …. و بيتوجع على دم الارهابي و عمره ما اتوجع على دم عسكري بيدافع عنه …. و بيقول الدم كله حرام لانه بيساوي بين دم الاراهابي و دم العكسري و الضابط ….. بنفس مبدأ الحفاظ على الخاطفين و المخطوفين 🙂 🙂
و بغض النظر انه طول الوقت بيتكلم باسم الشعب المصري … مع ان اللجنه الوحيده اللى فاز فيها هي مدرسة في دمياط في لجنه فرعيه لا يتعدي عدد الناخبين فيها عن 4 الاف صوت فقط و دول هم فقط من يستطيع التحدث باسمهم 🙂 🙂 و انه طالع التالت في منافسه بين اتنين بعد الاصوات الباطله 🙂 🙂
الا ان اللى لفت نظري هو الفضيحه اللى اتكلم عليها …. و هو تريقته على الدوله المصريه انها بتشغل الجيش و الشرطه في تسليك البلاليع و المجاري …. و هو بيقول ميصحش كده 🙂 🙂
احنا مش حنرد على حضرتك لانك مش بتمثل غير طبقه صغيره جدا من الشباب لا وزن لها و لا قيمة لهم و لا ليهم اي تاثير ….. لان ردنا على حضرتك موجود في صوره المقال ….. حضرتك بالفعل بتمثل شباب لكن مش الشباب اللى نزل و بيشتغل بإيده و راح على القناه حفرها و لا بتمثل مليون شاب بيشتغل في انشاء 4200 كيلو متر طرق …. و لا بتمثل الشباب اللى بيشتغل دلوقتي في استصلاح مليون و نص فدان و لا بتمثل الشباب اللى بينزل من صباحية ربنا بيجرى على رزقه.
حضرتك مش بتمثل اي حد من الشعب المصري ….. لكن بتمثل الشباب النطع خفيف الدم اللى مش بنشوفه و لا بنسمع صوته غير لما بيستخف دمه و هو بينوح و بيدب في الارض و بيشمت و ينظر و يتفلسف على اي حاجه و كل حاجه .
زي بالظبط موضوع طفح المجاري و غرق مدينة الاسكندريه اللى حضرتك بتتريق عليه ….. لان في الوقت اللى كان الشباب النطع قاعد يتصور و هو بيصطاد سمك في الشارع و يرجع و هو قاعد على الفوتيه ينشر صورته و هو فاشح ضبّه ….. كان فيه رجاله على الارض بتشتغل و بتحل فشل حضرتك كمدني فااااااشل. …. و المشكله مأخدتش في ايدهم اسبوع واحد ….. اسبوع واحد يا فاااااشل.
معلش … اصل النطع الفاشل حيفضل طول عمره فاشل و مش فالح غير في التنظير و السفسطه الفارغه …. لكن تاخد منه شغل …. لا 🙂 🙂
احب اقول للعاطل الاستاذ حمدين و للكائن النطع اللى بيمثله الاستاذ حمدين ان بكره اللى زيك بعد ما يغرق زياده في الفشل حيجي اليوم اللى يروح يقدم علي شغل يلاقي صاحب الشغل شاب سورى و اللى مكنش عنده وقت و اشتغل و نجح في اصعب الظروف.
في حين النطع كان مشغول بالسفسطه و الشكوى و النواح و الاستطراف. وبدل ما نحلل المشكلة ونعرف اسبابها بنهاجم وخلاص من غير حتى مانحط تصورنا الشخصى كأفراد عن اسباب المشكلة وحلها على طريقة سعيد صالح فى مسرحية مدرسة المشاغبين “انا معترض”
استاذ حمدين ….. يحموك في كنكه .