15 Apr 2016
لو سمحت …… متتكلمش بإسمي
فليسقط هتاف ….. الشعب يريد
———————————
تصدر مشهد احداث يناير 2011 مجموعه من الافاقين و النصابين …. سمحنا لهم بالتحدث باسمنا نحن الشعب المصري … و سمحنا لهم يهتفون ” الشعب يريد ” ….. و تركنا لهم الساحه يصولون و يجولون فيها كما يريدون .
اوهمونا انهم عباقره سياسه …. و لديهم البديل الوطني … و المشروع الوطني الجاهز و القابل للتطبيق …. و اكتشفنا انهم مجرد مجموعه من الحنجوريين و الفوضويين … و المرضي النفسيين اصحاب الشاعرات الحنجوريه الهدامه الرافضه لاي سلطه مهما كانت …. و انهم ضد اي نظام يرتكز على دوله مؤسسات …. فكنا نرى انهم ضد كل و اي مؤسسه من مؤسسات الدوله .
فكنا نرى ان كل تحركاتهم ترتكز على هدم منظومه الامن … و القضاء … و الجيش … و البرلمان … و الاعلام …. بل تعدت الى هدم الثوابت الوطنيه … فكنا نرى لاول مره يتم حرق العلم المصري على الاراضي المصريه و من مصريين للاسف … و اصبح صك الوطنيه في نظرهم …. هو مدى تسفيهه لوطنه و التريقه عليه و الشماته في اي مصيبه تحيق به …. بل و السعي الى تصدير المصائب و المكائد له . ….. و لا يأخذ الشاب صك الخلاص الصاوري الا بعد ترديده لكلمة “ماسر” 3 مرات في اليوم قبل الاكل و بعد الاكل.
روجوا لعصر اللمون و سلموا مصر لتنظيم ارهابي …. و فشلوا في تكوين حزب سياسي فاعل على الارض بعد لفظ الشعب المصري لهم …. بعد تاكده ان قادتهم مجموعه من الممولين و شبابهم مجموعه من الفاشلين و المرضي النفسيين.
و ظهر حجمهم الحقيقي في اول استفتاء على الدستور الجديد …. و ظهر ان وجودهم الحقيقي على الارض صفر في انتخابات الرئاسه … بعد ما حصل البديل الصاوري على المركز الثالث من منافسه بين اثنين و لم يفز غير في لجنه فرعيه واحده بمدرسه ابتدائيه مهجوره لا يتخطي عدد الناخبين المقيدين بها على 5000 ناخب.
نزلنا و انتخبنا برلمان منتخب في انتخابات لا يشوبها شائبه …. و اصبحنا نملك برلمان منتخب يمثلنا بقوه الدستور ….. يشكل و يحاسب الجهاز التنفيذي و يشارك رأس الجهاز التنفيذي في سلطاته .
حضرتك معترض … و معارض … فده حقكك …. و بكل اريحيه بنقولك فلتذهب بشكواك و رايك الى عضو البرلمان بتاع حضرتك لتوصيله الى الدوله المصريه …. لان المعارضه هي حق يكفله الدستور … و لكن داخل مؤسسات و نظام الدوله المصريه .
حضرتك معترض بالاصل على الديمقراطيه اللى فالقنا بشعاراتها و مش محترم غالبيه الشعب اللي نزل و صوت في انتخابات ديمقراطيه و مش عايز تشارك في بناء الوطن ….. و معترض على البرلمان او معترض على ممثلك فيه … فده مش زنبنا ان حضرتك فااااشل … فشلت في ترشيح نفسك او في تكوين كيان سياسي تدخل فيه البرلمان …. و مش من حققك تتكلم بإسم الشعب و تنزل تعبر عن رايك خارج منظومه الدوله و سياق مؤسساتها .
مش حنقول ان الموضوع خارجي و باعترافك و باعتراف السياسيين الامريكيين اللى اعترفوا بالصوت و الصوره بتدريب و دعم قياداتك و ايقوناتك لتخريب كل من مصر و سوريا و ليبيا و اليمن ….. لكن حنقولك مش حنسمحلك ان تقول تاني ” الشعب يريد ” ….. كان زمان و جبر … لانك خسرت الناس الموجوده على الارض لانهم مشافوش منك غير كل خراب ….. فلتذهب في سلام لتعيش في عالمك الافتراضي الملىء بالشعارات الحنجوريه المتحدثه عن الصاوره و الكمع و الزولم .
و زي ما فيه المئات من الشباب الفاشل اللى نفسه يهدها بحجه انه عايز يبنيها بعد ما ضحكوا عليه ….. فيه ملايين الشباب المصري الاصيل اللى واقف بيحميها على الحدود … و بيأمن اهلها داخل شوارعها … و بيواصل الليل بالنهار في طول مصر و عرضها و هو بيشتغل و بينتج و بيبني في مشاريع عملاقه ….. بلدنا حنبنيها … حنقف في ضهرها … حنكون سندها … و حنعارض الغلط لما نشوفه … لكن في داخل مؤسسات الدوله … و حنحترم قانونها … …. مصر غصب عن انف الجميع جميله و تستاهل …. مصر جميله .