22 Apr 2016
الإعلام الغربي و نوشتاء الغبره و القرد
—————————————
فضيحة الجارديان البريطانيه في اشاعه الـ 70 مليار دولار بتوع مبارك …. و في الاخر …. اتضح ان الموضوع هو خبر مفبرك لا اساس له من الصحه تم نشره في توقيت محدد لتأجيج مشاعر المتظاهرين في مصر ايام احداث يناير في 2011 .
في 1 يوليو 2015 … تم هجوم كبيييير متزامن على جميع مواقع الجيش في سينا … و تسابقت وكالات الانباء و بخاصة البي بي سي و رويتر و سكاي نيوز … بعدها بدقائق بنشر صور و اخبار مضروبه و متزامنه بحرفيه كبيره و كأنها جاهزه و متحضره قبلها بكام يوم …. تؤكد سقوط سيناء و رفع داعش لعلمه على كل المواقع و ان ضحايا الجيش المصرى بالالاف …. ليتضح بعدها ان كل ده كان كذب …. و لم تعتذر حتي اي من الصحف و الوكالات الاخباريه عن ما حدث .
فضيحة الديلي ميل البريطانيه بعد 3 ايام من سقوط طائرة الركاب الروسيه بنشرها تقرير قالت انه موثق من داخل هيئة الطيران البريطانيه … بتؤكد فيه شهاده كابتن احد طائرات الركاب البريطانيه بأنه قبل شهور قليله …. تم استهداف طائرته و هو على ارتفاع 1000 قدم فقط من قبل تنظيم داعش بصاروخ مضاد للطائرات …. و انه بالصلاه على النبي 😊😊…. عمل أمبليه في الجو بمناوره مفاجئه بطائره الركاب اللى قد الداهيه دي ….. عشان يتفادي الصاروخ بأعجوبه … و طبعا الركاب ماحسوش بحاجه …. 🙂 🙂 …. و بعد ما اصبحت الجريده هدف للسخريه من البريطانيين قبل المصريين …. تم نفي الخبر لاحقا .
من كام شهر تنشر رويتر خبر مضروب عن فشل قناه السويس و ان كل السفن الان تحول مسارها الى رأس الرجاء الصالح …. ليتضح ان مصدر الخبر هو مقال لرأي واحد صحفي مغمور نشره على جريده بيتم طبعها تحت السلم …. و ان الموضوع كله ان نسبة السفن اللى حولت مسارها لا يتعدي عن 1% فقط من اجمالي عدد السفن العابره من قناة السويس.
في موضوع الجزيرتين …. تم نشر العديد من الاخبار الملفقه و الفيديوهات المقتطعه … و الخرائط المضروبه … و التقارير التاريخيه المزوره اللى بتؤكد كذبا ان الجيش تنازل عن اراضي مصريه …. زي مثلا الخبر المنشور عن نشر الامم المتحده وثائق بتفيد مصريه الجزيرتين استنادا لمعاهده 1906 ….. و مع ان المعاهده دي بتتكلم عن الحدود البريه فقط و لا لها اي علاقه بالحدود البحريه خاااااالص 🙂 🙂 🙂 …. بس للاسف ماحدش فكر ان من امتي الامم المتحده بتنشر وثائق ؟؟؟؟ …. هي تحولت لجريده او مؤسسه صحفيه من امتي ؟؟؟ ….. فالخبر مكذوب و لا اساس له من الصحه .
من كام يوم تنشر ايضا البي بي سي البريطانيه خبر عن اصدار الصين تعليمات لسفنها لاستخدام ممر القطب الشمالي بديلا لقناة السويس 🙂 🙂 … ليتم تعديل الخبر لاحقا بعد الفضيحه المهنيه الكبيره اللى وقعت فيها لان الخبر كان بيقول استبدال قناة بنما و ليس قناة السويس 🙂 🙂 … و يطالها انتقادات من كل حدب و صوب … ليتم تعديل الخبر لاحقا.
و بالامس تنشر رويتر خبر مضروب من اخبارها المضروبه المعتاده …. ان ايطاليا توصلت الى دلائل و قرائن مؤكده … ان المخابرات العامه و المخابرات الحربيه و الشرطه المصريه و الجيش و امن الرائاسه …. مجتمعين =D =D … هم اللى خطفوا روجيني و هم اللى قتلوه جميعا …. …. يا راااااااجل =D =D ….. كل ده =D =D ……. على كده بقي … فقد تم اتخاذ القرار السياسي … انهم ياخدوا من كل رجل قبيلاااااه …… حتي يتفرق دمه بين مؤسسات الدوله 😂😂😂
ده غير اخبار كتييييييير مضروبه بتنزل بشكل شبه اسبوعي طوال الخمس سنوات الماضيه ….. لكن الملفت للنظر …. انه بمجرد نزول الخبر … فيه واحد بيصفر بالصفاره 🙂 🙂 …. و بيدوس على الزرار 🙂 🙂 …. فتلاقي مجموعه من صفحات النت … و قنوات التليفزيون المموله …. و الاعلاميين …. الصحفيين …. و النوشتاء … و الشخصيات العامه ( معرفش ايه اللى خلاها عامه 🙂 🙂 ) … بياخدوا الخبر و يشتغلوا عليه بكل جد و اجتهاد … ينشروه على انه حقيقه مؤكده …. و بيتم التضخيم للخبر و تداوله و الزن و النواح و العويل عليه .
و لان الناس فهمتهم خلاص …. و اصبح الموضوع بالنسبه لناس كتيييير انهم اصبحوا ماده للتسليه …. بدليل ان اي اشاعه بيروجوا ليها مش بتاخد اكتر من اسبوع واحد … و لما مش بيلاقوا اي تأثير ليها … تلاقيهم في نفس اليوم و في نفس الوقت بيتحركوا كلهم في اتجاه اشاعه تانيه … و هكذا
زي مثلا موضوع الدولار …. فلما جه موضوع الجزيرتين … ماتلاقيش حد بيتكلم عليه خاااالص … بعدها جمعه الارض … و فشلت كالعاده … طب مفيش جديد … يبقي نتكلم عليه تاني … و بالتليفون الدولار يعلي تاني …. فيقوم البنك المركزي يشطب 4 شركات و يقوم بتقديم قانون بتغليظ العقوبات على الشركات و الافراد … فبعدها بساعتين بس …. يقوم الدولار نازل 60 قرش مره واحده … فيتخرسوا تماما … و يتجهوا الى نصباية رويتر بتاعه ريجيني يروجوا فيها على ما يتم ترتيب موضوع جديد.
طب السؤال المتكرر و اللى دائما و ابدا بيساله لينا اصدقائنا ….. طب الحكومه سايباهم ليه !!؟ … و ازاي مثلا يسيبوا اعلاميين و نووشتاااء حكوكيين يراسلون الاعلام الغربي و الحكومه الفرنسيه و مطالبتهم بالغاء الاتفاقيات الاقتصاديه مع مصر و حصارها اقتصاديا و تركيعها …. و ازاي تسيب الدوله المصريه ناس زي خالد على و جوميله سماعين يروحوا يقابلوا الرئيس اولاند و يطالبوه بحصار مصر اقتصاديا و يدوله ادله موزوره عن الكمع و الزوووولم اللى هما عايشين فيه . ؟؟؟؟
الاجابه و ببساطه و من غير تفاصيل كتير 🙂 🙂 …. القاعده العلميه بتقول ….. ان لكل فعل رد فعل … مساوي له في المقدار و مضاد له في الاتجاه …. يعني ايه ؟؟؟؟
الناس دي اتزرعت وسطينا من سنين طويله جدا … و تم التخديم عليهم و زرعهم في كل مكان في الدوله من اعلام و صحافه و فن و مجتمع و تعليم …. و غيرها كتير.
طب ليه الدوله ماتقبضتش عليهم … و بالقانون و التسجيلات … اللى بيعملوه ده خيانه …. فليه لا يتم فضحهم …. و سجنهم و الخلاص منهم ؟؟؟ ….
بص يا سيدي ….. الرد ببساطه …. مينفعش دلوقتي ….. طب ليه ؟؟؟؟ ……. لان الغلطه اللى عملها عبد الناصر مع الشيوعيين … و اللى عملها السادات في اعتقالات سبتمبر و اللى عملها بشار الاسد و القذافي في 2011 …. النووشتااااء بيموتوا نفسهم عشان الدوله المصريه تقع فيها …. بس الدوله المصريه مش عطياهم فرصه خاااالص …. …. لان الموضوع خارجي و ليس داخلي ….. لانك لو خلصت منهم …. حيتعمل من شويه نكرات ابطال من ورق على الفاضي …. فمرسي العياط الارهابي بهبله ده … كان بيتقال عليه مانديلا العرب 🙂 🙂 ….. و برضوا اللى بره حيبعتلك غيرهم و مش حتخلص ……. فـ التركيز لازم يكون على الماسوره الام من بره .
و اوعي تنسي ان واحد نكره زي احمد ماهر … كان موضوع فقره كبيره في خطاب الدوله العظمي في كلمتها في الامم المتحده العام الماضي لمجرد حبسه 3 سنوات 🙂 🙂 ….. فالناس دي زي ما اتزرعت في سنين و على نار هااااديه …. بيتم تفكيكهم برضوا على نار هاااااديه تماما …… فشوف انت واحكم بنفسك ….. من خمس سنين كان الواحد منهم ببوست على الفيس و لا تويته و تصريح صحفي … كان بيولع الشارع ….. لكن و على مدار الخمس سنوات السابقه …… شوف النهارده تأثيرهم بقي ايه ….. و علاقة الناس في الشارع بيهم بقي ايه …… كل يوم بيتم تحجيمهم … و كشفهم للناس … و بقي قيمتهم في الشارع بقت صفر … و تم حصر تاثيرهم في العالم الافتراضي على الفيس …. و حتي الاعلاميين … فحتي تأثيرهم الاعلامي بقي صفر . ….. و الدليل على كده ….. و مع انهم بيوهموك ان تأثيرهم طاااغي … لكن شوف انت و احكم بنفسك …. في 1 يوليو الماضي …. ازاي استخدموا قوتهم القصوى بايهامك ان سيناء ضاعت …. و كام واحد صدق الكلام الفارغ ده …. و بيان الجيش اللى كان مدته دقيقه و نصف فقط لما نزل …. عمل في ترتيباتهم ايه 🙂 🙂
و حتي موضوع الجزيرتين … شوف التركيز كان عامل ازاي على الموضوع ده ….. و دعواتهم للنزول و العصيان …. كام واحد استجاب ليها 🙂 🙂 ….. خلاص يا حبيبي …. المولد انفض …. كان زمان و جبر ….. 🙂 🙂
لكن متقلقش ….. الدوله المصريه شغاله زي الحلاوه ….. فالعويل و النحيب الغربي على فتح قضية التمويلات الاجنبيه …. و ردهم على مصر و اللعب على اخر ورقه في اديهم و هي محاولة حصاره اقتصاديا و اللعب على موضوع الدولار بعد ضرب السياحه … بيدل انك بتخلص خلاص …. و ان بالفعل عام 2016 هو عام الحسم و الخلاص ..
و تركيز الاعلام المحلي في التعتيم على المشاريع التنمويه و الاجتماعيه و الانجازات الغير مسبوقه اللى شغاله دلوقتي على الارض … و فرص العمل اللى بالالاف اللى الشركات العامله في المشاريع دي مش لاقيه ليها عماله …. بيدل انك بتخلص على الارض …. و ان الموضوع وقت مش اكتر …. و نقول كمان …. عام 2016 هو عام الحسم … 🙂 🙂
اما فسيل النوووشتااااء و الاعلاميين و الشباب المضحوك عليه …. و مع الوقت … فيه منهم اللى حيعقل … و فيه منهم اللى حيكفي خيره شره و يتقوقع على نفسه …. و اللى حيفضل منهم …. و بعد ما يتباعوا من الغرب و يتنصلوا منهم ….. دوول بقي حتلاقوهم ماشين هائمين على وجوههم في الشوارع ….. شعرهم منكوش و هدومهم مقطعه … و ماشين يكلموا نفسهم و يسألوا اللى يقابلوه ” هو القرد لسه بيتنطط ؟؟؟ ” 😂😂