البرادعى الذى كان

08 Jan 2017

البرادعى الذى كان

—————–

لا حديث غير عن تسريبات مكالمات البرادعى ، حلم الشباب ، وقائد التغيير ، وأمل الثوار والباحثين عن الحرية فى زمن أكذوبة الربيع العبرى .. تقولشى نيلسون مانديلا !!!

طبعا صفحتنا كانت من أول الصفحات اللى إتكلمت من بدى اوى عن البرادعى ، ووضعت علامات إستفهام كثيرة جدا ، يمكن من بدايات إنشاء الصفحة ، على مواقفه السياسية وتصريحاته وميوله … وكان الملفت للنظر إن أصدقاء الصفحة كانوا متنبهين جداً للدور اللى بيقوم به البرادعى ، و ده يعكس مدى الوعى اللى عليه كل اصدقاء الصفحة .. ومش كدة وبس .. لكن كمان كانوا بيطالبونا فى كل مرة ننشر فيها حاجة عن الشئ ده ، إننا خسارة نضيع وقتنا فى الكتابة عنه … لكننا كنا برضوا بننشر ، لأن دورنا بإستمرار إننا ننبه ونحذر وننوه عن كل ما يسئ إلى بلدنا او يهدد أمنها ..

إوعوا تفتكروا إن وجود البرادعى فى الصورة كان مجرد صدفة !؟ .. لأ .. البرادعى كان بيتم إعداده من أول ماجابوه مدير هيئة الطاقة الذرية .. وبعد ما ادى مهمته فى هدم العراق ، كان لازم يقوم بمهمته لهدم مصر واللى بدأت فى 2009 …. وحتى فى زمن الإخوان .. كان الدور اللى بيقوم به مش دور ثورى ولا حاجة .. لكن كان محاولة المحافظة على السيولة المجتمعية وإبقاء حالة عدم الإستقرار .. لأن هو ده اللى كان متخطط له بالنسبة لمصر …. يعنى الإخوان تهد وتبيع وتقسّم وتحكم بالكتالوج الغربى اللى بيضرب اساسات الدولة والتناغم الإجتماعى فى الصميم .. وفى نفس الوقت يتمكنوا من الجيش والشرطة ويهدوهم .. والبرادعى مع شلة العملاء ، والصيع اللى حواليه اللى مسميين نفسهم ثوار ، يلعبوا دور المعارض الثائر اللى ضد الإخوان وحكمهم .. وتفضل المليونيات شغالة ، والدماء تسيل والمظاهرات ماتقفش بحجة الحراك الثورى .. لحد مانوصل لمرحلة سوريا والعراق …… أو أسوء بالطبع

إحنا مش هــ نتكلم عن التسريبات ، لأن التسريبات دى مجرد إقرار واقع عن النجوم والأيقونات اللى قادت ثورة التغيير زى ما كانوا بيسموها .. واللى ثبت مع كل يوم بيعدى علينا ، إنها مؤامرة متكاملة الأركان .. تم فيها إستغلال المغيبين ، اللى لحد النهاردة لسة شايفين إن البرادعى هو الأب الشرعى للثورة ، وإن تسجيل وتسريب مكالمات اللي بيتأمروا على البلد هو عمل مشين وغير اخلاقي … لكن مش قادرين يشوفوا ولا يسمعوا فحوى المكالمات ، ولا يعتبروا إن التأمر على البلد فى حد ذاته هو اللى عمل مش أخلاقى.

البرادعى بتاعهم اللى شتم فيهم كلهم ، ووصف شباب الثورة بإنهم حيوانات ، وإن وائل غنيم متخلف عقلياً .. وشتم كل الإعلاميين بإستثناء إبراهيم عيسى طبعا علشان هو اللى كان بيكتبله التويتات بتاعته

البرادعى اللى ماسابش مناسبة إلاّ وخرج علينا متنطعاً متمطعاً بكلامه اللوذعى الهدّام فى تويتاته ،.. من أول مهاجمة الجيش .. مروراً بالمصالحة مع الإرهابيين الكيوت .. ووصولا لطقطوقة العنف والعنف المتبادل اللى ساوى فيها بين الإرهابيين ومقالتلين الجيش المصرى ..

البرادعى النهاردة تم حرقه للأبد .. وأكذوبة الربيع العبرى إنتهت .. ومصر خرجت منها باقل الخسائر الممكنة … وهـــ نبنينها .. ومش هــ نسيبها تانى لشوية مرتزقة ، لا يرتزقون ، ولا يحيون إلاّ على اشلاء الأمم كما لا تعيش الضباع ، ولا تقتات إلاّ على الجيَف !!!

سنة 2017 هــ تحمل مفاجأت على كل الأصعدة وفى كل الملفات

أحبيبتى أاا 2017 =D =D

لمتابعة تعليقاتكم