2 May 2017
يتواصل نزيف الدم على يد أبطال من ورق
——————————————
الحرب على الارهاب لها حلولها و التى لا يختلف عليه إثنان …. و عشان نختصر الموضوع اللى اتكلمنا عليه كتييييير طوال الثلاث سنوات لسابقه ….. و عشان ماندخلش في جدال اختراع العجله من اول وجديد …. تعالوا نعيد مع بعض ما ذكرناه في مقالات سابقه عن كيفية تعامل العديد من الدول مع الارهاب و منظماته و فرضت ارادتها في اقل وقت.
انجلترا
——
في عام ٢٠١١ و مع خروج شباب ملثم في شوارع لندن ليحرق المحلات و العربات و يروع الناس ….. البرلمان هناك اجتمع و سن قانون باجماع المعارضه قبل الحزب الحاكم …. بيقول اييه بقي القانون ده 🙂…. اهالي العيال دول اذا لم يسلموا ابناؤهم الى مقرات الشرطه في اقل من ٤٨ ساعه …. سيتم طرد العائله بالكامل من سكنها بالمدينه المقيمين بها …. و سيتم طرد عائل الاسره من نظام التأمين الصحي و الضمان الاجتماعي …. يعني العائله بالكامل مالهاش حقوق مدنيه و لا صحيه و لا حتي معاش …. ده غير العقوبات الجنائيه اللى كانت بتوصل للحبس لعشرات السنوات ….. و في اقل من ٤٨ ساعه …. كانت اسر العيال دى بالكامل مكتفه عيالها و بتتحايل على الشرطه انهم يقبضوا عليهم ….. و خلص الموضوع و لم يتكرر مره اخرى.
و عشان الحكومه توريهم العين الحمرا ….. تم القبض على شاب ناشط سياسي …. نشر خبر مقتل ضابط شرطه على حسابه على الفيسبوك و كتب تعليق من اربع كلمات ” لقد كان يوما رائعا” لتصدر المحكمه عليه حكمها في اقل من اسبوع بالحبس خمس سنوات …. و حبس زوجته عامين لمجرد انها عملت على البوست بتاعه لايك.
احنا ممكن نسرد ليكم عشرات القصص اللى زي دى ….. لكن ده مثال بسيط على كيفية القضاء على ارهاب الفعل او حتي الفكر ….. و المحرك الفاعل فيها هو البرلمان المنتخب و النخبه المجتمعيه الوطنيه .
فرنسا
—–
لما حصل الهجوم الارهابي عليها بأربع مسلحين فقط نيموا العاصمه باريس من المغرب ….. اجتمع البرلمان في ليلتها …. و تقدمت المعارضه قبل الحزب الحاكم بحزمه قوانين استثنائيه لمراقبه كل انواع الاتصالات و المكاتبات و ارصدة البنوك بدون امر قضائي و احقية الشرطه في التفتيش و القبض و التعامل الامني الذى يصل الى حد اطلاق النار و القتل لمجرد الاشتباه …. و التحقيق خارج اطار اذونات النيابه …. و تم الموافقه عليه بالاجماع في اقل من ساعه واحده و تقديمه للرئيس اللى وافق عليه في لحظتها ..
و طلعت الشرطه على المسرح اللى تم احتجاز 100 رهينه فيه لتقوم بتصفيه الخاطفين و المخطوفين جميعا …. ايوه …. الشرطه دخلت المسرح تعاملت مع اي شىء يتحرك بداخله بالرصاص لتقتل الجميع …. لمجرد حماية رجال الامن من احتمال ان يصاب رجل شرطه في التعامل الامني …. لتخرج المعارضه و يخرج الاعلام لمسانده الشرطه و الامه الفرنسيه.
احنا ممكن نسرد ليكم عشرات القصص اللى زي دى ….. لكن ده مثال بسيط على كيفية القضاء على ارهاب الفعل او حتي الفكر ….. و المحرك الفاعل فيها هو البرلمان المنتخب و النخبه المجتمعيه الوطنيه .
روسيا
——
مع بدئ استهداف الغرب لروسيا بسلاح الارهاب الشيشاني ….. سواء بالتدريب او التمويل و التسليح …. اجتمع الدوما الروسي ليسن قانون في اقل من ساعه واحده ….. بيقول ايه بقي القانون ده 🙂 …. شوف يا سيدي ….. يتضامن اهل الارهابي من الدرجه الاولى و التانيه و التالته عن التعويض بالحق المدني للدوله و للمتضررين ….. يعني ايه …. يعني ارهابي فجر نفسه او فجر قنبله في شارع او محطة مترو …. او قتل شرطى ….. يقوم يجيبوا اهل الواد ده و اخواته و خلانه و اعمامه و ابناؤهم …. يحجزوا على كل املاكهم ….. و يبيعوها في المزاد العلني ….. و يدفعوا منها ثمن اصلاح المنشئات اللى اتضررت …. و غرامة تعطيلها لغاية لما تشتغل تاني ….. و يعوضوا الناس اللى سياراتهم او محلاتهم اتضررت …. و يدفعوا للدوله ثمن تدريب الضابط اللى اتقتل ….. و يدفعوا تعويض محترم لاهل الشهداء اللى ماتوا .🙂
قوم ايه بقي ….. في اقل من شهر …. كان كل واحد شاكك مجرد شك في ابن عمه او ابن خاله ….. كان لامم العيله كلها و مكتفه زي الخروف و مسلمه للشرطه اثباتا لحسن النيه و عشان لو حصل حاجه يخرج هو من تحت طائله القانون ده …. و الشرطه بقي تبقي تشوف الخروف ده ايه حكايته. ….. و انتهي الارهاب في روسيا في اقل من شهر واحد.
احنا ممكن نسرد ليكم عشرات القصص اللى زي دى ….. لكن ده مثال بسيط على كيفية القضاء على ارهاب الفعل او حتي الفكر ….. و المحرك الفاعل فيها هو البرلمان المنتخب و النخبه المجتمعيه الوطنيه .
تحبوا نكلمكم عن الصين و لا المانيا و لا امريكا و لا كندا …… و لا كفايه كده !!!!!
العالم كله بدون استثناء يقولك الحقوق فقط للمراطن الصالح …. اما الارهابي فمالهوش حقوق ….. لما حضرتك تلتزم بالقانون و تعترف بالدوله و نظامها و حقوق المواطنين الاخرين في الامن اولا ….. ممكن نتكلم معاك في حقوقك و نوجهلك مشاريع للتنميه و التعليم و الصحه و خلافه ….. لكن لو لم تلتزم ….. فملكش اصلا الحق في الحياه من اصله.
و الدول جميعا بدون استثناء ….. تقطع فيها المعارضه و النخب و الحكومات و الجهاز التفيذي فى بعض ….. لغاية موضوع الامن و الارهاب ….. فيقف برلمانها المنتخب و نخبتها الوطنيه …. و اعلامها في ظهر الدوله و جيشها و شرطتها ….. ليسنوا اكثر القوانين تطرفا و عنفا لمواجهة الارهاب ….. فدول العالم اجمع تقتنع بكلمه واحده ….. لا يواجه الارهاب الا بالارهاب ….. فهي اللغه الوحيده التى يفهمها الارهابي و من يموله و من يديره.
اما عندنا للاسف ….. فعندنا نخبه ربنا ياخدها يا رب ….. و نواب برلمان ربنا يهديهم ….. كل همهم حاجه واحده بس ….. ان كل واحد يعمل نفسه بطل من ورق على حساب الدوله المصريه ….. و اهم اولوياتهم ….. يا ترى اخدت كام لايك على البوست بتاعي …. و كام تعليق و شير ….. شوفتم انا حلو ازاى و بطل ازاى …. شفتم ازاي بدور على حق الارهابي و الخاين و الجاسوس …. شفتم ازاى انا وقفت و جعرت بصوتى عشان اوقف المراكب السايره و اعطل الدوله بالكامل …. شفتم انا جامد قوى ازاي
ماهو مادام الجاسوس بقي ناشط …. و الارهابي بقي ثورى و صاحب قضيه ….. و ممول الارهاب منظمه حقوقيه …. و الوطنى مطبلاتى و امنجى …. يبقي عادى جدا النخبه تبقي الخنجر المسموم في ضهر الوطن و المجتمع.
عامة …. و لاننا مش حنخترع العجله مره اخرى …. و لان دائما و ابدا النموذج المصرى متفرد و سيكون اقسى عليهم من النماذج السابقه …. سيأتيهم الخلاص منهم من حيث يترفعوا من التداخل معه 😊
خلينا نتفرج …. خلينا نتفرج على السيرك
تحياتنا