23 May 2014
عزيزي المواطن عزرا بن عميتاي رساله رقم واحد
————————————————–
اسمها مصـــر يا عزرا مش ماااااســر
للاسف نجحوا في اقناعك ان دمك خفيف و انك واد فاهم و مخلص و انت فاشخ بقك و قاعد تضحك على اسمك بلدك و بتستخف دمك و انت بتقول ( كله عشان خاطر ماااااسر ) مش مصــر.
للاسف نجحوا في اقناعك انك تتريق و تسفه بكل ما يخص الوطن و بلدك …. حتي و انت بتستخف دمك و بتشير بوستات بتتريق فيها على اغاني وطنيه لبلدك او بشخصيات او مؤسسات وطنيه بحجة انها خاصة بالحكم مع انها خاصة بالدولة المصريه ….. بص لنفسك في المرايه و حتشوف الحقيقه …. انك بقيت عزرا .
دور في الـ History في بوستاتك القديمة …. و اتحداك انك تلاقي بوست واحد اتحرق فيه قلبك و كتبته لما علم بلدك اتحرق جوه بلدك و علي ارضها و بيد مصريه.
دور في الـ History في بوستاتك القديمة …. و اتحداك انك تلاقي بوست واحد اتحرق فيه قلبك و كتبته لما اهين علم بلدك و لما اترفع بالمقلوب و لما اتغير فيه النسر و اتحط عليه علامة رابعه جوه بلدك و علي ارضها و بيد مصريه.
دور في الـ History في بوستاتك القديمة …. و اتحداك انك تلاقي بوست واحد اتحرق فيه قلبك و كتبته علي شهيد جيش او شرطه واحد اتقتل عشان يحميك.
دور في الـ History في بوستاتك القديمة …. و اتحداك انك تلاقي بوست واحد اتحرقت و كتبته علي ناس اقتحمت مقرات امنيه و سلمت ما فيها لجهات اجنبيه.
دور في الـ History في بوستاتك القديمة …. و اتحداك انك تلاقي بوست واحد اتحرقت و كتبته علي من يروعون الامن و يدمرون البلاد و مستقبل العباد.
دور في الـ History في بوستاتك القديمة …. و اتحداك انك حتلاقي بوستات كتير و آراء و فلسفه و سفسطه و نكش بإبره على كل ما يهين و ينتقد اعمده الدولة المصريه و مؤسساتها و ليس انتقاد الحكم أو اسلوب ادارة الدولة.
بص في المرايه يا عزرا و خليك امين مع نفسك و شوف انت وصلت لايه لما تتناقش مع واحد ويقولك انت فشلت و لازم نحط ادينا في ايد بعض و نتعاون و نلم البلد تقوم تقوله ……. (تولع البلد باللي فيها مادام مش حنفذ التغير بالطريقه اللى انا شايفها لانها متستاهلش ) …. يعني تتمني الخراب للبلد و لا إنك تعترف انك فاشل او ان طريقتك غلط او غير مناسبه.
عزيزي المواطن عزرا ….. متزعلش مني ….. متزعلش من الحقيقه ….. و زي ما انت شايف …. كل كلامي على ثوابت وطنيه مينفعش نختلف عليها و ملهاش اي علاقه بتوجهاتك السياسيه او الايدوليجيه.
ياتري يا عزرا حتفضل عزرا و لا حتفوق من الغيبوبه اللى انت فيها !!!!!!!!