15 Oct 2016
بالعند فى الإرهابيين وكل اللى عايزين يسقطوا مصر ..
بس قول تحيا مصر ..
—————————————————
الكلام ده حصيلة أخر اسبوعين فقط
– شركة هترو الهندية للأدوية تزور مصرنهاية أكتوبر للبدء فى إجراءات إنشاء المدينة الطبية في العاصمة الإدارية الجديدة.
– وضع حجر الأساس لأول مدينة طبية في مصر بمنطقة (غرب الإسكندرية) بإستثمار مصري – سعودي بلغ 10 مليارات جنيه .. ويهتم المشروع بالسياحة العلاجية ويضم مستشفيات متخصصة وبرج يشمل 220 عيادة وكلية للعلوم الطبية والتكنولوچية ومعامل بحثية.
– تم علاج 800 ألف مصرى من فيروس “C” ، وأشادت منظمة الصحة العالمية بمجهودات مصر فى مكافحة المرض واطلقت عليها “التجربة المصرية” .. والهدف هو القضاء على الفيروس اللعين ومن المتوقع إعلان مصر خالية من فيروس “C” بحلول عام 2020.
– تم الانتهاء من محطه مياه “قلين” بمحافظة كفر الشيخ بطاقه 34 الف م3 / يوم وتخدم المحطة 600 الف نسمه في مدينه قلين والقري المجاوره.
– تم افتتاح مطار القطامية و مطار سفنكس غرب القاهرة.
– تم توقيع إتفاق مع شركة CFLD الصينية لتطوير وادارة وتسويق منطقة تبلغ مساحتها 60 كم2 بمشروع العاصمة الإدارية الجديدة.
– تم التعاقد مع شركة “Vestas” لإنشاء محطات الكهرباء من الرياح بطاقة 2200 ميجاوات بنظام التصميم والتوريد والتركيب والتمويل.
– شركة المقاولون العرب توقع عقد إنشاء مبان فندقية بدولة الإمارات بقيمة 55 مليون درهم كمرحلة أولى ضمن مجموعة مشروعات تصل قيمتها إلى 600 مليون درهم إماراتي .. يعنى تدفقات نقدية هــ تدخل البلد
– تم تشغيل 10 مصانع بالمنطقة الصناعية ب مطوبس محافظة كفر الشيخ (تجميع دراجات نارية والزيوت والأعلاف وأدوات التجميل والأخشاب).
– قامت مصر بسداد 650 مليون دولار قيمة الدفعة الأولى من مساهمتها فى البنك الآسيوي للبنية التحتية باعتبارها من ضمن الدول المؤسسة للبنك.
– تم إفتتاح أول محطة من نوعها للطاقة الشمسية في مصر عن طريق كرم سولار .. ومن المقرر أن تساهم المحطة في توفير استهلاك نحو 600 ألف لتر من الديزل سنويا وتفادي انبعاث نحو 1.62 ألف طن من ثاني أكسيد الكربون سنويا.
– تم إنجاز 90% من مشروع معمل تكرير مسطرد للبترول بمحافظة القليوبية على مساحة 370 ألف م2 ويبدأ الإنتاج منتصف العام القادم.
– تم الإنتهاء من تطوير ميناء سفاجا وزيادة قدرته الإستيعابية لتصل إلى 1.3 مليون راكب و40 ألف شاحنة سنوياً وربطه بمدن الصعيد.
– تم الإنتهاء من إنشاء طريق راس غارب على البحر الأحمر إلى مدينة المنيا في صعيد مصر ضمن المشروع القومي للطرق.
– تم تركيب المنشأت البحريه تحت سطح البحر تمهيدا لانتاج الغاز الطبيعي من حقلي توريس وليبرا خلال الربع الثالث من 2017
– تم الإنتهاء من أول طريق خراساني في مصر والذي يبدأ من الطريق الدائري الإقليمي حتى مدينة السويس بطول 70 كم .. كما تم تزويده بــ ٧ كباري ونفق .. ويتكون الطريق من ثلاث حارات بكل اتجاه بالإضافة إلى حارتين لسيارات النقل فى كل اتجاه.
– تم إفتتاح صالة 7000 بمطار القاهرة لصيانة الطائرات وإعتماده من الأوربية لسلامة الطيران EASA والفيدرالية الأمريكية.
– وقعت شركة برايم فارما المتخصصة في تسويق الدواء المصري بالخارج اتفاقية تعاون مشترك مع نادي برشلونة الإسباني، وذلك للترويج لبرنامج السياحة العلاجية Tour n’ Cure بالتعاون مع شركة فاركو للأدوية .. ومن المقرر أن يستهدف البرنامج السياحي الطبي أسبانيا بشكل خاص ودول أوروبا بشكل عام، كما يتم التخطيط لوضع العلامة التجارية للبرنامج المصري على التذكرة الذهبية للنادي لحضور كل مبارياته في الدوري الإسباني للموسم الحالي 2016-2017
– العمل مستمر فى العاصمة الادارية الجديدة .. و ده غير مشروعات الأنفاق والإستزراع السمكى والصوب الزراعية وتعمير سيناء بالمجتمعات العمرانية الجديدة ..
مصر بتجرى بسرعة الصاروخ بقاطرة التعمير اللى هى أساس أى نهضة إقتصادية .. لأن كل المشروعات دى بتخلق فرص عمل وبالتالى بتضخ فلوس فى جيب المواطنين اللى بيصرفوها فى جميع مناحى الحياة علشان تحرك الدورة المالية والإنتاجية للدولة بالكامل .. فى ظل حرب أمنية وإقتصادية شاملة يتم شنها على مصر وعلى جميع دول المنطقة ..
ويبقى السؤال اللى كل خبراء الشركات الأجنبية بتسأله لما بتشوف معدلات الإنتاج والإنتهاء من المشروعات الخدمية والتعميرية دى فى زمن قياسى غير مسبوق عالمياً .. “هو إنتوا بتسابقوا الزمن كدة لييه !!؟؟ .. ومستعجلين على إييه !!؟؟
والإجابة هى .. “اللى عايز يبنى دولة ماعندوش وقت يضيعه”
طب ياترى عرفنا بعد اللى حصل إمبارح ، إحنا مستعجلين لييه !؟؟
إحنا بنبص لقدّام .. واللى عايز يفضل باصص تحت رجليه أو باصص للخلف .. فــ هو حر .. واللى عايز يفضل يبكى على اللبن المسكوب هو حر … واللى عايز يفضل يرغى فى سعر الزيت والسكر والبسكويت اللوكر هو حر … لكن أرجوك ماتجبرناش إننا نلبس زيك النظارة السوداء .. !! ….. بس خليكم فاكرين إنه قصاد كل حاجة حلوة إتعملت .. وقصاد كل خطوة بلدنا خطتها للأمام .. فيه أطفال إتيتمت ، وأمهات قلبهم إنفطر ، وزوجات إترملت ، ودماء شهداء ، و أرواح إندفعت ثمن غالى … وغالى أوى …
ملحوظة:
مصدر المعلومات دى مش من سواق توكتوك ، ولا من الإعلامى المبجل بتاع التوكتوك و الفقرات الجنسية