11 Mar 2015
الهجمة الشرسه للاشاعات تزامنا مع المؤتمر الاقتصادي
—————————————————–
مع اقتراب انطلاق المؤتمر الاقتصادي بشرم الشيخ ….. نجد كمية رهيبه و مركزه و مدروسه من الاشاعات بدأت تظهر بكثافه عاليه و بمنهجيه واضحه سواء في مضمونها او اهدافها او وسيلاتها او وسائل تحضيرها …. و لازم نكون واعيين كويس جدا للاشاعات دي …. و الرئيس عشان عارف و متوقع اللى حيحصل ….. فحذرنا منها بنفسه …. و قال ” لما تسمع خبر وقبل ما تسأل نفسك هو الخبر صح و لا غلط … إسأل نفسك سبب نشر الخبر و سبب توقيته حتعرف اذا كان الخبر صح و لا غلط ” 🙂 🙂
احنا حنتكلم على احد اساليب تكوين الاشاعات لان حضرتك من اهم العوامل المشاركه في صنعها و تحضيرها و نشرها 🙂 🙂 …. طب ازاي ؟؟؟ …. تعالي اديلك مثال واحد بسيط على كده عشان تعرف الناس دي بتشتغل ازاي 🙂 🙂
انتشرت من كام شهر موضه على الفيسبوك على مواقع كتير تجيلك كده من غير احم و لا دستور و تقولك جاوب على الاسئله عشان تعرف لونك المفضل … او حيوانك المفضل … او انت انهي نوع سلاح 🙂 🙂 …. و تلاقي الشباب فرحان و عمال يعمل شير لصحابه … و البنت تبقي فرحانه و تقولك انا طلعت غزاله …. و الواد يقولك انا طلعت طياره F35 و اللى يقولك انا طلعت عربيه جاجوار …. و هو مش عارف انه بيعمل كارثه قوميه 🙁 🙁
الاسئله دي بتبقي معده بعنايه من قبل متخصصين و بيتم تحليل الاجابات اللى حضرتك بتجاوبها …. و الهدف منها انهم بيحللوا نفسية الشعب و بيعرفوا مزاجه العام… و ايه نقاط الضعف النفسيه او توجهاته النفسيه اللى ممكن يركزوا عليها و يدخلوا منها …. و مش بس كده …. ده بيبقي ليهم عناصر على الارض بتفتعل حوادث او مواقف عشان يتم التركيز عليها بعناصرهم اللى منتشره في وسائل الاعلام المختلفه ….. فيتم تحضير الشائعه بعد ما تم التحضير ليها كويس … فحضرتك تلاقي نفسك مستعد نفسيا لتصديق الاشاعه او نشرها و حضرتك مش حاسس 🙂 🙂
و الامثله على الموضوع ده كتير و من زمان …. زي مثلا شائعة ان مصر بتخنق غزه و بتحاصر حماس المسكينه في حرب 2008 …. افتكروا كده ازاي الرأي العام كان مهيأ نفسيا لتصديق ان مصر متحالفه مع اسرائيل ضد حماس 🙂 🙂 … او مثلا كذبة تصدير مصر الغاز لاسرائيل ببلاش … في حين اتضح و بحكم محكمه بعد ما شهد قيها كل الاجهزه السياديه و بتقارير البنك المركزي ان مصر كان مكسبها في تصدير الغاز اكبر من مكسب تصدير روسيا للغاز الى اوروبا 🙂 🙂
و ده ممكن تلاحظوه منتهي السهوله الفتره اللى فاتت لما بتلاقوا اعلاميين و صحفيين بيتكلموا على نفس الموضوع في نفس الوقت و كأنها صدفه …. يعني مثلا تلاقوا هوجه في القنوات في استضافة شواذ و متحولين جنسيا في نفس اليوم و على اكتر من قناه …. او مثلا استضافة راقصات …. اوتسليط الضوء على مشكله معينه تافهه و كان مصر مش في حرب دلوقتي و اننا فاضيين لكلام فارغ.
فالحذر لان الفتره دي يا مصريين و الكام يوم دول بالذات مصر بتنتصر …. و بتفرض ارادتها ….. فـ حتلاقوا كميه اشاعات سوداويه بكثافه لانقاذ ما يمكن انقاذه …. و حتلاقوا عناصر على الارض بتفتعل مواقف لتأكيد الاشاعات دي …. عشان يفشلوا اي اثر للمؤتمر او عوائده …. زي ان مصر بتتباع … و زي ان مصر حتفلس … و ان فيه ازمة سولار و انابيب و كهربا و ان الجهات السياديه مش بتدفع ضرائب و غيره من المواضيع اللى اترتب ليها كويس و بيتم تنفيذها تزامنا مع المؤتمر الاقتصادي …
و عامة دي فرصه كويسه عشان تقدروا تفرزوا الصحفيين و الاعلاميين و صفحات النت اللى حتشتغل عليكوا الفتره دي و تقدروا تعرفوا كل واحد منهم دوروا ايه بالظبط في الفتره دي 🙂 🙂
الحذر من الاشاعات
الحذر من الاشاعات
الحذر من الاشاعات
اللهم بلغت