12 Oct 2017
العاصمة الإداريه الجديده
————————
بالأمس كان وضع الاساس للعاصمه الاداريه الجديده … مشروع الفنكوش زي ما بيحب اخواتنا البعدا يسموا عشرات المشاريع اللى اتعملت أو اللى بتتعمل على الارض حاليا بطول مصر و عرضها.
إحنا مش حنتكلم عن المدينه و لا على رؤية الدولة المصريه في إنشائها أو انشاء ال13 مدينة اللي بدأ العمل بالفعل في بعضها …. أو سيتم بدىء العمل في المدن الأخرى … لان كل ده مشروح بالتفصيل في الثلاث فيدوهات المرفقه في آخر المقال و اللى بترد بالتفصيل على كل الهرى اللى كان مبني على جهل واضح بالموضوع أو سوء نيه …. و بيرد برده على حبة الاشاعات الخايبه بتاعتهم زي انها فنكوش و مفيش الكلام ده من أصله … و في نفس الوقت انهم بيبنوا سور ضخم عشان يكون فيه حمايه للفنكوش …. و برده في نفس الوقت المدينه دي اللى هما مش معترفين اصلا بوجودها حتكون للأغنياء فقط.
لكن حنتكلم على نقطه مهمه جدا ….. اللى يلفت النظر إنه بالرغم من بدىء العمل الفعلي على الارض في المدينة الجديده في 2014 من عامين و نصف إلا ان تم وضع حجر الاساس بالامس فقط ….. و ده عشان الناس تشوف بعنيها و تتأكد ان مصر الان بتتبنى بجد و ان فيه شغل اتعمل بالفعل على الارض …. و ان حجر الاساس تم وضعه بعد الانتهاء من بناء المطار و نسب متقدمه جدا من البنيه التحتيه و الكهرباء و الطرق و حي كامل من أحد احياء المدينه الجديده و غيرها من الانشاءات اللى بتتم بمعدلات تنفيذ غير مسبوقه في اى دولة في العالم و اللى بيقودها الهيئة الهندسيه للقوات المسلحه …. مش مجرد شو تليفزيوني و شوية شجر و زرع المسؤول بيجي يتصور … و بعدين يتلم الزرع ده و يتحط في المخازن للتصوير القادم….
عامة إحنا مش حنتكلم كتير … و ياريت اللى ما تابعش إمبارح … او ما عندوش معلومات … أو مضحوك عليه بعملومات غلط و عايز يعرف الحقيقه … ياريت يتابع لينك الثلاث فيديوهات الموجوده بآخر المقال…..
الدوله المصريه الحديثه الجديده القادره بيتم بناؤها الآن.
تحياتنا
شرح وزير الاسكان د. مصطفي بيومي للعاصمه الاداريه الجديده
شرح اللواء كامل الوزير للعاصمة الاداريه الجديده
شرح اللواء أحمد ذكى عابدين رئيس مجلس إدارة شركة العاصمة الاداريه الجديده