02 Feb 2018
التقرير الصينى … !
——————-
ده تقرير للتلفزيون الصينى على قناة (CCTV-News) الصينية .. بيتكلم عن تصنيع باص لندن الأحمر ابو دورين الشهير فى مصر وتصديره الى بريطانيا … وإحنا كنا نشرنا مقال فى مارس 2016 بنتكلم فيه عن أهم المعلومات اللى تخص الموضوع ده
الشئ المؤسف حقيقى هو إن تقرير زى ده يصدر من قناة صينية ، بدل مايصدر عن الإعلام المصرى اللى المفروض يكون معنى بالدرجة الأولى بإبراز كل الجوانب الإيجابية لبلدنا .. ده على إعتبار إنه إعلام وطنى وإيجابى و ….. وكدزة !!!
مصر فعلا بتخوض حرب قذرة ، وبدون أى ظهير إعلامى حقيقى .. بل بالعكس .. تشعر إن منظومة الإعلام المصرى بتشتغل فعلياً ضد الدولة ومع سبق الإصرار والترصد .. سواء من خلال المهاجمين الواضحين .. أو المعارضين المستترين ، المرتدين لثوب الوطنية . أو حتى بين الإعلاميين المؤيدين باسلوبهم الساذج والغير مهنى فى الدفاع عن الدولة واللى بــ يجيب نتيجة عكسية
الحل الوحيد إن المصريين الوطنيين والمحبين لبلدهم هم اللى يكونوا الإعلام الوطنى ، والظهير الشعبى الحقيقى للدولة المصرية
أنشروا دايماً كل الإيجابيات .. وكونوا إنتم الإعلام البديل ……