فضفضة

14 Mar 2015

فضفضة

———

لما واحد زى تامر الزيادي خبير السياسات الاقتصادية  يقول إن مؤتمر دعم إقتصاد مصر المنعقد فى شرم الشيخ تفوق على منتدى دافوس الإقتصادى من حيث التنظيم و عدد الدول المشاركة والاستثمارات التي تم الاتفاق عليها.

لما كل القنوات والمواقع الإعلامية ، والمحطات الإخبارية العالمية ، حتى اللى بتنتهج سياسات اعلامية معادية لمصر زى CNN و BBC  و خلافه ، يذيعوا فعاليات المؤتمر ، ويقولوا عليه إنه ناجح بكل المقاييس.

لما فعاليات المؤتمر الإقتصادى المصرى ، فى مدينة شرم الشيخ المصرية ، واللى هدفه إحداث طفرة إقتصادية مصرية .. تمتزج فيه الإتفاقيات الإقتصادية بالتواؤمات السياسية والرسائل الموجهة ، والمتبادلة بين وفود أممية من كل أنحاء العالم.

لما يكون التشكيل الاممى للمؤتمر متقسم مابين دول داعمة اقتصادياً زى السعودية والامارات والكويت ، و دول داعمة استراتيجياً زى الصين وروسيا ، ودول تتطلع للقيادة المصرية زى دول افريقياً ، ودول تبحث عن شراكة استراتيجية زى اسبانيا وايطاليا وقبرص.

لما يتم الإتفاق على 12 مليار دولار إستثمارات من شركة واحدة فى مجال البترول والتنقيب عن الغاز قبل حتى إنعقاد المؤتمر ، ويصل حجم الإتفاقيات الإستثمارية فى أول يومين بس لقرابة الــ 70 مليار دولار .. ده غير العاصمة الإدارية الجديدة بتكلفة 45 مليار دولار.

لما تشوف كل ده ، وبعدين تلاقى ناس من أصحاب الفكر القاصر ، والثقافة الضحلة .. ومن غير حتى ما يتابعوا فعاليات المؤتمر ، طالعين بــ يتكلموا عن فشل مؤتمر الشحاتة ، وإن الموضوع صفصف على 12 مليار معونات هــ يتسرقوا كدة كدة بسبب الفساد ، وإن الهدف من المؤتمر فقط هو تلميع السيسى … يبقى لازم تضحك من قلبك وتحمد ربنا على نعمة العقل والبصيرة 🙂

سألت حد من هؤلاء الجهابذة من بتوع أنا عندى رأى وعندى وجهة نظر ، هو سيادتك أخر كتاب قرأته وصقلت به مستواك الثقافى كان إييه ؟؟ .. هــ يرد ويقول ” أخر حاجة عملت شير على الوول بتاعى ، لأستاتيوس بتاعة واحد ماعرفوش 🙂 !!!

للاسف .. زى ما قلنا قبل كدة إن أسوأ حاجة عملتها الثورة فى مصر هى إنها خلّت سعر الكلّة رخيص =D =D =D   

مصر فعلاً حققت فى اليومين اللى فاتوا قفزة عملاقة على المستوى الإقتصادى والإستراتيجى ، وخطوة كبيرة على طريق الإصلاح الداخلى .. ولــ يستمر أصحاب العواء فى العواء .. فالقافلة المصرية إنطلقت ، ولن تلتفت لعواءهم 🙂

لمتابعة تعليقاتكم