22 Apr 2020
شريان أمل وحياة .. العبور الجديد !!
————————————
وإنت بتتفرج النهاردة على إكتمال بعض المشروعات القومية الضخمة .. بتلاقى نفسك بتقول بدون شعور … ياااااااااه … دى مصر فعلا كبيرة أوى بجد ..
تحس إن مصر المستقبل ..اللى كلنا كنا بــ نحلم بها ، أصبحت ماقع ملموس على الأرض .. و بــ نعيش إنجازاته .. و زى ما الرئيس السيسى قال:
إننا فى لحظة فارقة من تاريخ هذه الأمة .. لحظة عبور الجسر ، بين التحديات .. والإنجازات
– مصر كبيرة أوى .. لأن فى الوقت اللى الأنشطة الإقتصادية فى العالم كله بتتوقف … ونسب البطالة بتضرب معدلات قياسية فى العالم كله .. بنشوف مصر بتفتتح مشروعات جديدة بأيادى مصرية !
– مصر كبيرة أوى .. لأن فى الوقت اللى العالم كله ، بيوقف أنشطة إنفاقه ، خوفا من القادم .. مصر بتنفق 12 مليار جنيه على مشروعات البنية التحتية
مصر كبيرة أوى .. لأنها اصرت ان كل المشروعات القومية ومشروعات بناء مصر تتم بأيدى مصرية وتكتمل بسواعد المصريين مش بسواعد حد تانى … ايوة .. احنا إللى بنبنى بلدنا بأدينا يا مصريين مش بنجيب حد تانى يبنيهالنا … احنا اصحاب الانجاز .. و مافيش حد له فضل علينا غير ربنا وبس
– مصر كبيرة أوى .. لأن فى الوقت اللى أهل الشر ، وجماعتهم ، ومراكيبهم ، واللى منهم ، واللى بيحترمهم .. بيحاولوا يعملوا المستحيل علشان يقنعوك إن مصر بتقع وهتفلس ، و إن القيادة المصرية بتفرط فى سيناء .. بــ نلاقى مصر بترد عملياً على الأرض ، و بتعمل مشروعات ربط كاملة لسيناء بالوادى والدلتا .. بشبكات طرق وأنفاق وبنية تحتية ومشروعات إقتصادية ، وتوسع عمرانى … و كل ده بإيدين رجالة مصر اللى شالوا جبال الصبر على أكتافهم و عدوا بيها ، و وصلوا لأخر حدود المستحيل !
– مصر كبيرة أوى .. لأن فى السنة اللى توقعات معدلات النمو الإقتصادى فى معظم دول العالم ، وعلى رأسهم دول كبرى وعظمى ، بــ تتوقف ، أو بــ تنهار وبتتحول لتوقعات بالإنكماش .. بــ نلاقى إن التوقعات بالنسبة لمصر بتقول إن مصر هــ تحقق نمو إقتصادى حوالى 4.4% .. و دى نسبة ضخمة جدا فى ظل الظروف اللى إحنا فيها دى.
– مصر كبيرة أوى .. لأن فى الوقت اللى عملات دول كتيرة بــ تتراجع و بــ تهبط أمام الدولار ، بــ نلاقى إن الجنيه المصر ثابت .. وأدائه مستقر مش بس أمام الدولار ولكن أمام كل سلة العملات من بداية الأزمة و لحد النهاردة
– مصر كبيرة أوى .. لأن فى الوقت والظروف اللى إقتصاد كثير من دول العالم ، بيتراجع وبيهبط تصنيفهم الإئتمانى .. بــ نلاقى مؤسسات التصنيف الإئتمانى العالمية بتعلن عن رفع التصنيف الإئتمانى لمصر عند مستوى B2 .. مع نظرة مستقبلية مستقرة .. و اللى بيعكس ثقة المؤسسات الدولية في الاقتصاد المصري، بما ينعكس على ثقة المستثمرين الأجنبية للدخول في السوق المحلية
حاجات كتيرة شوفناها بعنينا فى الفترة القصيرة الماضية ، فى ظل أزمة دولية تجتاح العالم كله .. كشفت كذب وتدليس كبير تم ممارسته على عقول و وعى المصريين فيما يخص الغرب ونظامه و مؤسساته وتعامله مع مواطنيه .. كلام كثير أوى مش هنعيده تانى علشان مانسقطش فى فخ التكرار .. لكن كل ده بيثبت حاجة واحدة بس .. إن مصر كبيرة أوى ..
مصر كبيرة بشعبها .. كبيرة بقيادتها .. كبيرة بجيشها .. كبيرة بكل مؤسساتها .. شاء ذالك من شاء .. وأبى من أبى
الجماعة بقى تكذب .. إعلام الشر يدلّس .. نيوتن واللى مشغلينه يهرتلوا بكلام مالوش معنى .. كل ده مايهمناش .. لأن مصر بــ ترد على الأرض .. و بقوة ..
نعم لدينا حلم ..
حلمٌ عظيم كعظمة وطننا العزيز ((مـــصــــر)) ..
حلمٌ يليق بــ تضحيات هذه الأمة ..
حلمٌ نسعى لتحقيقه من أجل الأبناء والأحفاد
مصر تصنع المستحيل
حفظ الله مصر و شعب مصر