18 Mar 2015
خواطر و رسايل من المؤتمر
—————————-
انعقاد المؤتمر في حد ذاته كان قمة التحدي لقوى عظمي تكاتفت على افشال المؤتمر ….. فقبل المؤتمر كان فيه حرب مخابراتيه و سياسيه و حرب تكسير عظام بين الاجهزه السياديه المصريه و قوى الظلام ….. فقد تم افشال كل المخططات الدوليه و التي تم رصد عشرات المليارات للضغط على الدول و الشركات العالميه لعدم الحضور و الاستثمار في مصر ….. فكان التحرك متناغما و احترافيا …. فالمعارك الضاريه اللى خاضتها الاجهزه السياديه طوال الشهور السابقه لانجاح المؤتمر لا يتصورها احد و لا تخطر على قلب بشر.
قمة التحدي و فرض الاراده المصريه …. ظهرت في تصريح الرئيس السيسي اللى قاله اكثر من مره و محدش كان فاهمه ساعتها….. ” المؤتمر ده دراع مصر …. فاهمين يعني ايه دراع مصر ” ….. فالرئيس كان بيقول انا بتحداكم كلكم و لا كان و لا اتولد اللى حيقدر يلوى دراع مصر و يفشل المؤتمر.
تحيه واجبه و للتاريخ ….. كل الشكر للمملكه السعوديه و للامارات العربيه المتحده و لفريقهم اللى كلف بانجاح المؤتمر على دورهم الدولي ….. و اللى تم تسخير كل امكانياتهم في سفاراتهم في كل دول العالم لافشال الضغط على الدول و الشركات الدوليه …… و تحيه واجبه للجندي المجهول الدكتور سلطان احمد الجابر وزير الدوله الاماراتي ….. فلم نرى مسؤولا يعشق مصر و شعبها مثل هذا الرجل.
بالرغم من علامات الارهاق الواضح على كل المسؤولين المصريين و على رأسهم الرئيس …. و لكن بانت علامات الفرحه و الانتصار و الارتياح في آخر يوم للمؤتمر ….. معلش ….. أصل محدش يعرف مصر عملت ايه و فرضت إرادتها على مين و إزاي طوال الشهرين الماضيين لاقامة المؤتمر رغما عن انف الشيطان 🙂 🙂 …. احترس ….. مصر تستيقظ الان …..
قمة ذكاء الرئيس انه ركز في كلمته على نجاح مصر في توقيع عقود لحل مشكلة الطاقه ….. فكل انتاج مصر من الكهرباء هي في حدود ٢٧٠٠٠ ميجا و كل مشكلتنا هو عجز ٣٠٠٠ ميجا و هم السبب في انقطاع التيار ….. فذكر انه في غضون ٨ شهور سيضاف ٧٥٠ ميجا و في غضون سنة و نصف سيضاف ١٣٢٠٠ ميجا اخري و من شركه واحده ….. يعني مصر بعد سنة و نصف سترجع مره اخري كما كانت قبل ٢٠١١ الى تصدير الفائض من الكهرباء في اقل من سنة و نصف ….. و اعلان وزارة الكهرباء الى خطة الوزاره الى مضاعفة انتاج مصر من الكهرباء الى حوالي ٧٠ الف ميجا في اقل من خمس سنوات منهم ٤٠٪ طاقة من الشمس و الرياح و الفحم و المحطات النوويه …. و دي نقله جباااااااره لم تحدث في تاريخ اي دوله …… الترجمه …… تعالي ااستثمر و اعمل اللى انت عايزه …. الطاقه موجوده و محدش حيقطع عليك الكهرباء.
قمة ذكاء الدوله المصريه هو دعوتها للعديد من الدول الافريقيه المختاره بعنايه كبيره …. فهي رسائل لقوة النفوذ المصري سواء على دول منابع النيل او الشرق الافريقي و باب المندب او الغرب الافريقي داخل النفوذ الفرنسي و المتنازع عليه مع محاولة التدخل الامريكي …. و ايضا الدعوه لتكرار انعقاد المؤتمر سنويا و لكن للدول الفقيره …. يعني لافريقيا ….. فمصر تعود بقوه بتأثير و بنفوذ رهييييييب للقاره الافريقيه ….. التي ستكون مصدرا هائله لدفع وتيره النمو الاقتصادي العالمي بالاستثمار داخلها ….. و ده ليه دلاله استراتيجيه رهيبه و تاثيرها على التوغل الامريكي هناك ….. لان ببساطه امريكا بتدخل الى الدول بالحروب و الخراب ….. فلما يكون هناك استثمار و من دول غربيه و شرقيه …. فمصالح الدول الكبري و الغنيه حتكون مع تنمية الدول دي و ليس بدعم امريكا لتخريبها ….. شغل استراتيجي على كبير 🙂 🙂
كان تحرك البنك المركزي الرائع و المفاجىء للقضاء على السوق السوداء قبل بداية المؤتمر بايام و دعم السعوديه و الامارات و الكويت ب ١٢ مليار دولار و تأكيدهم على وضع ٥ مليار منهم بالبنك المركزي المصري هي رساله سياسيه اقتصاديه مهمه جدا لكل المستثمرين …. تعالي استثمر و ميهمكش …. احنا بندعم النظام المصرفي المصري ضد اي تلاعب ….. يعني فلوسك حتتحط في بلد مستقر اقتصاديا و مش حنسمح باي تلاعب في سعر الصرف.
الرئيس من ٩ شهور قال في عرض برنامجه انه محتاج ٢ تريليون جنيه عشان نبدأ التنميه …. و الناس ساعتها سألته بتعجب حتجيبهم منين …. بصلهم بثقه و قالهم ان شاء الله جايين و حتشوفوا العجب 🙂 🙂 …. و فعلا …. نتايج المؤتمر كانت في حدود ال ١٧٠ مليار دولار …. ما بين تعاقدات مباشره ب ٦٠ مليار دولار و تفاهمات و بروتوكولات ب ١١٠ مليار دولار …. يعني في اول طلعه بس جاب تريليون و نص 🙂 🙂 ….. و لسه التقيل جاي …. التقيل جاااااي 🙂 🙂
التريليون و نص دول في مشاريع مختلفه …. و مفيش فيها مليم في محور قناة السويس ….. 🙂 🙂 …. استنوا زيهم و يمكن اكتر في التعاقدات المباشره مع الصين و روسيا و فرنسا و ايطاليا و باقي الدول ….. شهر و لا اتنين حتسمعوا العجب 🙂 🙂 .
كفايه كده النهارده لان الموضوع تفاصيله كتير و مش عايزين نطول عليكم 🙂 🙂 …. حنكمل مع بعض بشكل يومي بعض الرسايل و حنحدد مع بعض الفتره اللى جايه ايه المطلوب مننا كمواطنين عاديين و الدوله منتظره مننا ايه.
دي فرصه عمرنا لاولادنا و احفادنا و مش حنسيبها ….. بلدنا تعبر الى مصاف الدول الكبري سواء اقتصاديا او علميا او اجتماعيا ….. العمل يا مصريين ….. العمل ثم العمل ثم العمل