من رسايل المؤتمر

20 Mar 2015

من رسايل المؤتمر

—————-

كانت قمه التحدي المصرى لما قال الرئيس علي المؤتمر بمنتهي التحدي علي المؤتمر انه دراع مصر …. يعني محدش حيقدر يلوى دواع مصر …. ده ظهر بوضوح في كلمه جون كيري و كلمه مديره البنك الدولي 🙂 🙂 …. ازاي ؟؟؟

بعد فشل المحاولات المضنيه لافشال إقامة المؤتمر …… كان اخر محاولة منهم انهم يضربوا كرسي في الكلوب من داخل المؤتمر …. فخطابهم الاصلي كان حيتمحور حول انهم بيدعموا مصر لكن لما مصر تلتزم بالديمكراتيه و حكوك الانسان و اخراج السياسيين من السجون و وقف الكمع و الزولم علي شوباب الصاوره الاتهار 🙂 🙂 ….  لكن .الاتنين غيروا خطابهم بعد ما شافوا اللى ماشافهوش قبل كده و صلابه الدوله المصريه و اصرار الخليج على دعم مصر و نجاحنا في الحصول على اكثر من ١٧٠ مليار دولار 🙂 🙂 …. فانتهت خطبة مديرة البنك الدولي إني حعوم معاكم و مستنيه بس ان حد يعبرني  بتليفون 🙂 🙂 …. اما خطبة كيري كانت أي كلام فاضي لملئ المدة الزمنية المقررة له 🙂 🙂

في زياره السيد الرئيس لأثيوبيا …. كان كلامه منطقي و واضح ليهم …. سياستنا الجديدة سياسة تعاون و مشاركه و ليست سياسة صدام …. احنا في مركب واحد و مصيرنا واحد و ليه نكسر في بعض بدلا من ان نكبر مع بعض …. فيا إما نعوم سويا أو نغرق سويا ….. فكان الرد الاثيوبي واضح و صريح في كلمة رئيس وزرائها…. ” سياده الرئيس …. لقد قررنا ان نعوم سويا ” 🙂 🙂

قمة فرض الإرادة المصرية علي الامريكان هو حضور الرئيس البشير المؤتمر و هو المطلوب القبض عليه دوليا .. و جلوسه في الصف الاول امام جون كيري …. اللى في حماية الدولة المصرية محدش يقدر ييجي جنبه …. و كده مصر ضربت عصفورين بحجر …. أكدت إرادتها و حطت الامريكان في حجمهم الجديد …. و بعتت رساله للبشير ….مستقبلك معانا و آدينا قدمنا السبت  ….   حتعمل ايه بقى ؟؟؟ 🙂 🙂

نيجي بقي للمفيد …. احنا عمالين نقول نجحنا و أول طلعة لمينا ١٧٠ مليار دولار …. طب و بعدين ؟؟؟ حيوزعوا الفلوس دي علي الناس ولا حنقوم الصبح حنلاقي مشاكلنا كلها اتحلت و بقينا سويسرا ؟؟؟؟  …. و انا كمواطن عادي كسبت ايه ؟؟؟ …. و هل بكره حلاقي نفسي دخلي بقى بالدولار مثلا ؟؟؟ 🙂 🙂

شوف يا سيدي …. اولا لازم تعرف حضرتك إن ال ١٧٠ مليار دول انا و حضرتك ملتزمين بسدادهم و سداد مكسبهم كمان  …. يعني دي مش منح و لا عطايا …. دي استثمارات و حقوق ناس لازم تتسدد …. لكن الفكره انها مش ديون مباشره حتروح علي الاكل و الشرب …. لا …. دي قيمه مشاريع حتتعمل …. و لما تتعمل حتشغل ناس كتيييييير جدا ….. و لما تخلص حتشتغل و تكسب …. و لما تكسب حتسدد تمنها منها لنفسها …. و بعد فترة حتبقي ملكنا تماما …. و مع سرعة وتيرة دورة راس المال في السوق و تشغيل الاف الشركات لتنفيذها و ملايين العمال و الموظفين دخلك حيزيد ….. يعني من غير شغل ليل و نهار مننا و إنكار ذات في الشغل مهما كان شغلك بسيط مش حنفلح …. و المشاريع دي حتخسر …. و حتتحول الاستثمارات دي الى ديون مره اخري.

و لازم نفهم حاجه مهمه جدا ان اهم سبب في تركيز مستثمرين العالم على الاستثمار في الطاقه هو البدء في تحرير اسعار الطاقة السنه اللى فاتت …. و مش حنعرف نعمل أي مشاريع غير بتحرير أسعار الطاقه تماما و ان الدعم ليها مش حيكون غير لاضيق الحدود و لمستحقيه الحقيقيين فقط ….

و الكلام ده لازم يحصل و يتم استكماله …. لكن تم تأجيل استكماله لحين البدء في المشاريع و بدايه عمل الاف الشركات و ملايين المصريين و بدايه تحريك السوق و سرعه دوران راس المال في السوق …. و اللى حيحس بيها الناس في شهور قليله.

العمل يا مصريين …. معدل انتاج العامل المصري بيشتغل ٨ ساعات في اليوم لكن قيمه انتاجه لا تتخطي ٢٨ دقيقه من ٤٨٠ دقيقه  ….. العامل الاوروبي بيتخطي ٤٥٠ دقيقه …..

مشاريع حفر قناه السويس و مد ال ٤٠٠٠ كيلو طرق بيشتغل فيها حاليا مليون مهندس و عامل …. و الشركات نشف ريقها على عماله تشتغل و مش لاقيه …. للاسف الشباب لسه بيدور علي البدله و الشغل المكتبي في التكييف بحجه ان تخصصه مكتبي ….. يا شباب الشغل مش عيب ….. و للاسف المطلوب مننا اننا لازم ندفع اخطاء الماضي في التعليم اللى كانت بتخرج ملايين المديرين و مش بتخرج عمال و زارعين …..

و الموضوع ده بالذات حنتكلم عليه بالتفصييييل في المقالات القادمه.

 دى فرصه عمرنا لاولادنا و لو ضيعناها نبقي منستحقش حاجه. 

لمتابعة تعليقاتكم