05 Nov 2018
مش انت اللى خربتها .. أعمّرهالك أنا ليه
—————————————-
فى أقل من دقيقتين .. فى رسالة لكل شباب المنطقة .. بل ولكل شباب العالم .. الرئيس السيسى بــ يقصف كل الجبهات ، ويفضح كل التوجهات الرامية لهدم المنطقة !
الرئيس السيسى بيتكلم إن دولة زى سوريا محتاجة من 300 مليار إلى ترليون دولا من أجل إعادة الإعمار .. وبيتساءل .. والسؤال موجه لكل الشباب فى كل دول المنطقة …. مين الحكومة اللى ممكن تدبر مبلغ زى ده فى الظروف دى !؟ .. ومين الجهة الخارجية أو الدولة اللى ممكن تعطيك 300 مليار دولار علشان تعمر بلدك !؟ … مش إنت اللى كسّرتها !؟ .. مش إنت اللى خربتها !؟ .. أصلحهالك أنا لييه !؟
كدة وبمنتهى البساطة .. بــ يحل إشكالية وبــ يلخص كلام قولناه ونشرنا فيه مقالات مطولة حول كيفية إستخدام الشعوب لتدمير دولها !! .. يعنى بالمختصر المفيد “كيف تكون حماراً رغم انفك” .. وإحنا كنا نشرنا مقال قبل كدة بالعنوان ده
و مش كدة وبس .. لكن الرئيس السيسى بيفضح ببساطة جدا الهدف من كل الحروب والصراعات فى المنطقة ، إن هدفها اولا واخيراً تحقيق مكاسب إقتصادية ، وكسب مناطق نفوذ لتنفيذ أجندات خاصة لدول وجماعات .. وبيقول ساخراً .. إنت عايزهم يدوك 300 مليار !؟ .. غذا كانوا هم بيتخانقوا على 10 مليار !!
مش إنت اللى خربتها !!؟؟ .. سؤال تهكمى ، تقريرى ، يلخص القصة من أولها لأخرها
وطالما خربتها .. يبقى ماترجعش تشتكى تانى
رسالة لكل الشباب فى كل دول العالم بشكل عام .. و دول المنطقة بشكل خاص
و زى ما قال فى حديثه مع الشاب العراقى فى جلسة أخرى “إنت ماشوفتش العراق .. أنا اللى شوفتها .. اللى إنت شايفها دى مش العراق .. والدول اللى بتقع مش بتقوم تانى”
اللــهــم إحـفـظ بــلــدنـا مــــصـــــر