14 Jan 2019
الرد المفحم !!!
————
بمنتهى الهدوء .. و بــ دون اى عصبية وتشنج ..، الفيديو ده كلام سابق للرئيس السيسى من أكثر من سنة .. و فيه الرد البسيط والأمثل على تصريحات حمد بن جاسم رئيس وزراء قطر السابق اللى قالها فى لقائه على قناة روسيا اليوم .. واللى هاجم فيه دول عربية زى السعودية والإمارات .. وطبعا حديثه الخالى من الإحترام عن مصر .. وكلامه إن مصر ماشية بالكالكيولاتور .. كناية عن إن مصر دولة مرتزقة بتعمل أى حاجة للى يدفع !!
– مصر لو كدة .. كانت عملت اللى إنتوا عايزينه علشان تحتفظ بالوديعة القطرية فى عز أزمة مصر وضعفها الإقتصادى
– مصر لو كدة كانت إستجابت للضغوط الروسية علشان تستفيد وتحقق مكاسب سياسية ومادية
– مصر لو كدة ، كانت اذعنت للإدارة الأميريكية لما قطعت المعونة عن مصر وحجزت طائرات الـ F-16 عندها بحجة عدم توافر قطع الغيار
– مصر لو كدة ، كانت وافقت على المشاركة فى اليمن بقوات برية مقابل مساعدات إقتصادية
– مصر لو كدة ، كانت غيرت موقفها فى الملف السورى ، و إستجابت لضغوط إقليمية فى مقابل إستفادة مادية
مصر دولة شريفة ، وماتقدرش تلعب دور قوّاد الشرق اللى بتلعبه دولتك يا سيادة رئيس الوزراء … الــ …. السابق
مصر هــ تفضل حارقاكم ، و معكننة عليكم ، و مطيرة النوم من عنيكم 🙂
و سـتبقى الأسودُ أسودٌ .. و الـ ……….. والإ بلاش … علشان إحنا متربيين