15 Mar 2019
بعض أهم ما قاله الرئيس السيسى فى الندوة التثقيفية الثلاثين للقوات المسلحة بمناسبة يوم الشهيد !!
————————————————————————————————–
بمناسبة مجموعة المقالات الأخيرة اللى بــ ننشرها عن الشائعات والكذب الممنهج اللى اصبح من الثوابت الغير خاضعة للنقاش عند البعض .. حبيبنا بس نشارككم مقتطفات مما قاله الرئيس فى الندوة التثقيفية الأخيرة ، واللى إتكلم فيها عن الحرب النفسية وحروب الشائعات وتشويه الثوابت فى عقول وقلوب الشعب المصرى ….
و كان من أهم اللى إتقال مع تعليق بسيط مننا على ما قيل:-
لما إحنا بقالنا 6 سنين بنقاتلهم .. هم كانوا قاعدين بيعملوا إييه السنين اللى فاتت دى !؟ .. وكانوا بيجهزوا نفسهم لإييه خلال عشرة خمستاشر سنة .. كانوا بيجهزوا نفسهم لإييه خلال الــ 4 سنين اللى حصلت فيهم الأحداث من 2011 والدفعة الهائلة اللى أخدوها .. !؟
(لاحظوا إن الرئيس السيسى إستخدم مصطلح احداث وليس ثورة) … 😉 … ثم إستطرد .. أرجوا إن إحنا نتوقف ونشوف إزاى مصائر الأمم بــ يتم الكيد لها والتدبير !
لما يتقال إن الأحداث الإرهابية بتدبير الدولة ….
ده فكر شرير اللى يفكر كدة …
و أشر منه اللى يصدقه …
فعلا …الريس معاه حق … قمة الشر إنك تصدق كلام زى ده .. إنت بكدة بــ تصبح أشر من الإرهابيين ، لأن الإرهابى عدو ظاهر .. لكن إنت بتتحول مع الوقت بتفكيرك ده لعدو باطن مستتر .. بتهد فى أساسات المجتمع و بــ تشوه الثوابت فى عقول اللى حواليك .. و ده قمة الشر !
الخوف على مصر مش من أخطار الخارج … لكن الأخطر هو الداخل ، من خلال الحرب النفسية وحروب الشائعات …. الحرب النفسية وحروب الشائعات بــ تهد شعوب ومجتمعات .. و بــ تسقط دول
الوعى وتماسك الجبهة الداخلية هو الحل والعلاج الوحيد للحفاظ على الدولة المصرية .. وتحقيق النهضة المرجوة
الوعى يا مصريين هو اخطر سلاح فى إيدينا لمواجهة الحرب دى