20 Apr 2019
التعديلات الدستورية 2019 .. !!
———————————
مادة ( ٢٠٠ ) الفقرة الأولى :
القوات المسلحة ملك للشعب ، مهمتها حماية البلاد والحفاظ على أمنها وسلامة أراضيها وصون الدستور والديمقراطية والحفاظ على المقومات الأساسية للدولة ومدنيتها ، ومكتسبات الشعب وحقوق وحريات الأفراد ، والدولة وحدها هى التي تنشئ هذه القوات ، ويحظر على أي فرد أو هيئة أو جهة أو جماعة إنشاء تشكيلات أو فرق أو تنظيمات عسكرية أو شبه عسكرية .
المادة دى من ضمن المواد المعدلة والمضافة فى التعديلات الدستورية 2019 ، .. و حتى لو كان مش عاجبنا بعض أو كل المواد _ و ده مش حقيقى _ فــ المادة دى هى المادة اللى ممكن تخلينا نوافق على إجمالى التعديلات بالكامل مهما كانت !
المادة 200 هى اللى عاملة المشكلة الكبيرة عند معظم اللى بيهاجموا التعديلات من الناس إياهم و من جميع الطوائف والتوجهات .. لأن المادة دى هى الضمان الأساسى والوحيد لعدم تكرار ما ترتب على أحداث يناير 2011 ، من وصول تيار دينى للحكم ، وإختطافه للدولة .. واللى بسبب عدم وجودها ، قدر تنظيم الإخوان يستولى على الحكم فى مصر أمام سمع وبصر الجميع ، دون أن يملك الجيش أو أى أحد القدرة التدخل.
التعديلات الدستورية بتقضى على أمل تنظيمات وأجهزة و دول ، فى أن يكون لبعض التيارات سواء كانت داخلية أو خارجية ، أى دور فى الحياة السياسية أو فى مستقبل حكم مصر.
إعرف قيمتك وقيمة بلدك .. علشان تقدر تفهم ، اللى بيحصل معاك ، و حواليك.