من سيقول .. فليسقط الرئيس السيسى

  8 Jul 2014

  من سيقول .. فليسقط الرئيس السيسى

—————————————

  إن كان البعض يرى كلامى هذا صادماً .. فأنا أقولها مرة أخرى وبكل قوة ..

نعم فاليسقط السيسى !!

 فــلــيسقط الســيــســى .. علشان أخد قرار فى مصلحة البلد وما همّهوش شعبيته اللى ممكن تتأثر ولا الإخوان اللى ممكن تتاجر باللى بيحصل وبألام الناس زى ما هم متعودين ، ولا شلة الهتّيفة بتوع حكم العسكر وعبيد البيادة اللى جائت لهم فرصة علشان يطبلوا بيها !!

 فــلــيسقط الســيــســى .. لأنه حط إيده فى عش الدبابير وماخفش من قرص أصحاب الأموال والأعمال وتجار النخاسة اللى طول عمرهم بيستغلوا المصريين وإحنا نفسنا ييجى اللى يقدر يقف لهم ويهد المنظومة بتاعتهم !!

فــلــيسقط الســيــســى .. لأن قرر يقضى على منظومة الدعم تدريجيا علشان يحرر البلد من منظومة فساد .. ويعمل وفر فى الموازنة العامة 51 مليار ممكن يتوزعوا على الصحة والتعليم والتكافل الإجتماعى ودعم الحد الأدنى للأجور !!

 فــلــيسقط الســيــســى .. لأنه هــ يفعّل نظام الكروت الذكية من أول سبتمبر و لأنه شال الدعم تماماً من على بنزين الأغنياء 95 وأصحاب العربيات الفارهة و السياحية و السفارات.. وما همّهوش اللى طالع بيزيّط ويقول إن السيسى منحاز للأغنياء وزود البنزين بتاعهم 7% بس إنما زوّد بنزين الفقراء 40%

 فــلــيسقط الســيــســى .. لأنه إمتلك الجرأة لتطبيق الحد الأقصى للأجور على التخين فى الدولة ، وإبتدى بنفسه ، وهــ يصدر قرار جمهورى بفصل كل من يعترض على تطبيق القرار وحرمانه من معاشه .. علشان البلد تنظف من مافيا الفساد الحكومى

فــلــيسقط الســيــســى .. لأنه أخد قرار بوقف 18 مليار مرتبات الخبراء المنتدبين للعمل فى القطاع الحكومى ، لحين البت فيها لتقليل عدد هؤلاء الخبراء وتقليل مرتباتهم

فــلــيسقط الســيــســى .. لأن القوات المسلحة سلمت مشروع الضبعة رسمياً بتكلفة مليار جنيه وهــ تبدأ العمل فى المشروع بعد عيد الفطر والانتهاء منه خلال عام فقط ، وكمان بــ يتم حالياً انشاء 3 محطات توليد كهرباء جديدة

 فــلــيسقط الســيــســى .. لأنه إبتدى يقضى على طوابير العيش تدريجياً وفيه محافظات المشكلة دى إنتهت منها تماماً

 فــلــيسقط الســيــســى .. لأنه عمل معارض اهلا رمضان بتخفيضات اكتر من 30% على اسعار السلع وبــ يبيع كيلو اللحمة البلدى المفرومة بــ 41 جنيه .. ولأنه فتح المجمعات الإستهلاكية وعمل أليات موازية لمواجهة جشع التجار ، و زوّد السلع التموينية من 3 لــ 20 سلعة .. وقريب جداً هــ يدخّل كل حاجة فى التموين منها اللحمة والفراخ ، والأهم إنه هــ يفعّل قانون وحماية المستهلك وأمر بتشديد الرقابة !!

 فــلــيسقط الســيــســى .. لأنه ضاعف عدد الناس اللى بياخدوا معاش الضمان الاجتماعى من مليون ونص شخص لــ 3 مليون شخص ، وعمل ضريبة إضافية 5% على الأغنياء لمصلحة الفقراء وعمل ضريبة على البورصة.

 فــلــيسقط الســيــســى .. لأنه أصدر قرار بعلاج أى مواطن تعرض لحادث على نفقة الدولة لمدة 48 ساعة بأى مستشفى من المستشفيات حتى الخاصة .. بعد ما كانت الناس بتموت على سلالم المستشفى علشان مامعهمش يدفعوا !!

 فــلــيسقط الســيــســى .. لأن أصدر قانون مرور جديد ضبط به الشوارع وعمل حملات على المرافق والأكشاك العشوائية وحملات تنظيف بكل المحافظات

 فــلــيسقط الســيــســى .. لأنه مشغّل الوزراء من 7 الصبح وكلهم بيعملوا جولات ميدانية ، ومشغّل الداخلية زى ما الكتاب بيقول ، وقريب جداً هــ يعمل مفرمة لفساد المحليات..

 لو السيسى عمل كل ده فى شهر ، وفى أسوأ وضع إقتصادى شافته مصر ، يبقى ربنا ينتقم من أصحاب أكبر مشروع نهضة وهمى فى التاريخ المصرى بتاع الــ 200 مليار اللى كانوا جاهزين لضخهم فى البلد بمجرد وصول مرسى للحكم ، واللى صفصفوا فى الأخر على 2 مليار قرض قطرى ويسترد ، والجرى وراء 4 مليار قرض من البنك الدولى

 حد لسة عايز يقول فــلــيسقط الســيــســى .. !!؟؟

أكيد فيه .. لأن المعاندين واللى أصابهم عمى البصيرة وعمى القلب بقوا أكتر من الهمّ على القلب ..

 أنا بقى دلوقتى عايز أقول .. فليسقط كل اللى بيقول فــلــيسقط الســيــســى ..

لمتابعة تعليقاتكم