09 Sep 2019
جهاز الكفتة … الفنكوش الذى لن تراه فى أى قناة إعلامية
———————————————————
الحكومة البريطانية وقعت بروتوكول تعاون مع الحكومة المصرية لعلاج المواطنين الإنجليز المرضى بــ فايروس سى ، فى رحلات علاجية عندنا هنا فى مصر .. ويصل العدد المستهدف إلى 215 ألف مواطن مسجلين على قوائم الإنتظار فى إنجلترا .. وبتكلفة تقل عن 8% من تكلفة العلاج عندهم.
الكلام ده مش مجرد خيال .. لأ ده أمر واقع … أيوة … إنجلترا فيها قوائم إنتظار لعلاج فايروس سى لكن مصر لأ … إنجلترا عندها قوائم إنتظار للعلاج فى العديد من الأمراض وبالذات بالنسبة للعمليات الحرجة ، واللى بتصل فيها مدة الإنتظار لما يتجاوز سنة ونص !!
طب خلينا فى فايروس سى …
ياترى المريض بيتكلف كام للعلاج من مرض فايروس سى فى إنجلترا !!؟؟
أيوة .. الرقم اللى سمعتوه فى الفيديو صحيح …
تكلفة العلاج 56 ألف جنيه إسترلينى .. يعنى ما يقارب حوالى 1.2 مليون جنيه مصر !!
طب ياترى المواطن المصرى المريض بفايروس سى بيتكلف كام علشان يتعالج من المرض ده !!؟؟ 😉🙂
ده مش كدة وبس … لكن مصر بتشتغل مع إنجلترا على الموضوع ده من 2018 .. وكمان بتعمل تحالفات إستراتيجية فى مجال الصحة مع العديد من دول العالم لعلاج مرضاهم من الفيروس اللعين ده .. زى جنوب أفريقيا والعديد من الدول الأفريقية والأسياوية !
إشمعنى مصر اللى فيها تكلفة العلاج منخفضة بالشكل ده !؟
ولييه مصر بالذات بعد ما تم إمدادها بعقار السوفالدى بتكلفة 10% من تكلفته الحقيقية .. تم السماح لنا بالتصنيع المحلى تحت مسمى السوفالدى المصرى .. وعلاج ملايين المرضى فى مصر ، وكمان المساهمة فى علاج المرضى فى العديد من دول العالم فى شكل بروتوكولات تعاون مع الدول دى !؟
وياريت ماحدش يقوللى علشان العدد الكبير فى مصر .. و إن الهند كمان كدة ..
الكلام ده مش صحيح .. لأن مصر كانت بتعانى من المرض ده من سنين طويلة ، وماحدش عبرنا ، لا من منظمة الصحة العالمية ولا كبريات شركات الدواء العالمى .. وبالنسبة للهند .. فــ تكلفة العلاج فيها أعلى من مصر بكثير جدا برغم إن عدد المرضى عندهم بالمرض ده أعلى بكتير من مصر
عموما .. إحنا مش هــ ندخل فى جدال ومناقشات سفسطائية مش هــ تودى ولا تجيب .. لكن التجربة أثبتت إن أى عملية هجوم ، أو تشويه ، أو شوشرة ، أو حملات ممنهجة ضد مصر بشكل عام او ضد شخوص مصرية وطنية بعينها ، وأو ضد مؤسسة الجيش .. بتكون حملات مغرضة .. ومالهاش غير هدف واحد فقط كلنا عارفينه
والجميل إن مصر مش بــ ترد على الهاموش ده ..
مصر مش بتنزل لمستوى التراهات اللى بــ يتم إثارتها بين الحين والأخر
مصر مركزة فى سكتها وبس …
وعيون مصر على الهدف اللى بتقاتل علشان توصل له .. بدون الإلتفات للمشككين
و المجد للثابتين 🙂
ملحوظة:
فيديو من 3 دقائق لرئيس منظمة الصحة العالمية بتقول إن مصر هى الدولة الوحيدة فى العالم اللى نجحت فى تخفيض تكلفة العلاج بفايروس سى للمستوى ده
و ده مقال قديم بعنوان “التجربة المصرية بين الهرى والحقيقة“