21 Sep 2019
القطيع يغني .. !!!
——————
فاكرين من اربع سنوات … في 1 يوليو 2015 …. لما تم الترتيب لهجمة إرهابية كاسحة في سيناء بكل القوة الضاربة للإرهابيين …. و اللى كان الهدف منها هو الإستيلاء على مدينة رفح و العريش المصرية و رفع علم داعش عليهم … و إزاي تم الترتيب عسكريا ليها بعناية …. و كان من أهم أدوات الحملة دي هي هز ثقتك في جيشك و في دولتك بإستخدام كل وسائل الاعلام العالمية و المحلية الناطقة بالعربية …. اللى اشتغلت في تزامن بنشر أخبار كاذبة منتقاه بعناية لبث أكاذيب عن المعركة …. و إزاي إن في الوقت اللى كان الجيش واخد الارهابيين ورا مصنع الكراسي و مسح بيهم الأرض …. كانت الأخبار نازلة عليك بالشكل ده :-
الأسوشيتدبرس :- مسلحون أسروا جنود و استولوا على أسلحة و مدرعات في سيناء
الشروق:- ارتفاع شهداء الجيش الى 64 خلال اقتحام المسلحون لـ 11 موقع عسكري في سيناء
اليوم السابع :- شهود عيان …. إرهابيون يقصفون قسم الشيخ زويد بأربيجيهات من اسطح المنازل
رويترز :- عدد الشهداء يتجاوز الـ 70
بيانات من بيت المقدس و جماعة الاخوان :- إختطاف جنود و ضباط مصريين كأسرى حرب
الجزيرة :- رفع علم داعش على مجلس محلي مدينة العريس و طرد الجيش المصري من رفح
ياترى فاكرين الكلام الخايب ده !!!؟؟ … طب فاكرين الهاشتاجات و آلاف الأكونتات على مواقع الفيسبوك و تويتر اللى اشتغلت على حضرتك ما بين الشماتة او ارهابك نفسيا .. و الصريخ و العويل و اللى اشتغلوا بتناغم كـ ” كلاب صيد” بتنهش في حضرتك عشان تنهار نفسيا ؟؟؟؟
طب فاكرين كمية الهاشتاجات و الدعوات اللى كل شوية تتعمل عشان يتشال الرئيس و نرجع تاني للمربع صفر بتاع هوجة يناير … طب فاكرين دعاوتهم اللى بيصرحوا بيها لغاية النهاردة ان الموضوع مش رياسة و لا سياسة و لكن هدفهم الاساسي ان مصر تتطربق و تيجي عاليها واطيها و تبقي ألعن من سوريا …. و أنهم بيحلموا بالزمن الجميل يرجع تاني بتاع حرق الأقسام و الكنايس و محطات الكهرباء …. و اللجان الشعبية و المظاهرات و تدمير الإقتصاد.
و علشان مانقعدش نهري كتير …. و لأن الغباء الإخواني جينات لا تفني و لا تستحدث من العدم … و زي الخروف البلتاجى لما فضح نفسه و قال إن الإرهاب اللى بيحصل في سيناء سيتوقف في نفس اللحظة اللى مرسي يرجع فيها 😊 😊 …. حنلاقي النهارده الصحفية التركية “إسراء” و هي الصحفية المقربة من القردوغان .. منزلة تويتة أخدناها قبل ما تمسحها بتقول فيها “في اللحظة التي يتم فيها إعداد السيسي لحوار الغاز في البحر المتوسط … سيتوقف كل شىء” …. 😃 😃 😃 … و اللى حتلاقوا سكرين شوت منها في اول التعليقات.
يا ترى اخبار الفيديوهات القص و اللزق و الفبركات الاخبارية …. و الفيديوهات المتركبة و المونتاج اللى عايشين فيها من 2011 و لغاية النهاردة …. و المظاهرات القديمة اللى بتنزل بقالها 8 سنين و بــ يتكتب عليها عاااجل و شاهد قبل الحذف ….. و ياترى اخبار الناس اللى كانوا طالعين بعد الماتش بيحتفلوا و فوجئوا انهم طالعين في قنوات الاخوان و متركب علي صورتهم أصوات مظاهرات و دعوات إسقاط النظام.
و ياترى أخبار الصراع بين المخابرات العامة والمخابرات الحربية إييه ؟؟
ياترى اللواء أحمد وصفى ما إنقلبش على الدولة وجرى الصبح بدرى قعد فى قصر الرئاسة بعد ما السيسى هرب لييه ؟؟
ياترى أخبار فريق الناس الشرفاء اللى فى الدولة اللى بيوقعوا السيسى علشان خاطر الشعب الغلبان إييه !!؟؟
ياترى أخبار إنشقاقات الجيش والضباط الأحرار إييه !!؟؟
والأهم بقى من كل ده
هو المتحدث العسكرى عمل فولو على افيسبوك لصفحة الرئيس السيسى وإلا لسة عامل أنفولوا !!؟؟ 😅😅
عامة و في نقط محددة … نحب نوصل ليكم رسالة :-
1- اللى حصل في 2011 عمره ما هــ يتكرر تاني … مش عشان قوة الدولة المصرية و لا حاجة … لكن لان القطيع ده مقررش ينزل يوم 28 يناير 2011 غير لما إتأكد ان فيه حاضنة شعبية وقفت حواليهم و حمتهم و هم بيقولوا عليهم ناس بتوع ربنا و مظلومين و شباب طاهر …. و اتفرجوا عليهم و هم بيحرقوا الأقسام و بيخربوا البلد…
2- و لأن مفيش حاضنة شعبية … فــ القطيع ده نزل يستخبى جوة جماهير الكوره عشان يصور نفسه و يطلع يجري … و فيه منهم اللى سخن و إستلوح و وقف يجعر لأنه من القطيع و متعود إن لو حد قاله فجَّر نفسك حيعملها … و لان مالهومش حاضنة شعبية … الأمن فضهم و الموضوع خلص … فــ بلاش تضخيم الأمور و مقولة حاجز الخوف اتكسر و الكلام الخايب ده … دول قطيع مش أكتر و عايشين وسطنا ، وبنشوفهم كل يوم ، و متعايشين معاهم … عادي إنهم ينزلوا … و لما مدن مليونية ينزل فيها 300 أو 400 او حتي 1000 واحد … ده كلام خايب.
3- اللى بيقول ان الغلابة ممكن تتحرك … ده سااااذج جدا … لان الغلابة اللى بحق ربنا …. منهم 5 مليون أسرة بتعداد 20 مليون مواطن استفادوا من تكافل و كرامة … و منهم مليون اسرة بتعداد 5 مليون مواطن انتقلوا من العشوائيات الى مساكن آدمية …. و منهم 3 مليون عائل اسرة تعدادها حوالى 12 مليون مواطن اتعالجوا من فيرس سي … و منهم 5 مليون رب أسرة تعداد أسرهم يفوق الـ 25 مليون مواطن فاتحين بيوتهم بقالهم 4 سنين من المشاريع اللى شغالة بطول مصر و عرضها …. و الناس دي لا هي بتاعة هاشتاجات و لا بتاعة فيسبوك و لا معاها سمارت فون … هم دول اللى لما بينزلوا .. بــ يحسموا … و دول هم اللى هــ يرفضوا حد يتاجر بيهم بعد ما شافوا لاول مرة الدولة بتطبطب عليهم.
4- لو حضرتك على تويتر و الفيسبوك … او عايش في العالم الإفتراضي و طاير في الفضاء السرمدي بتفكر بالتمني …. هــ تلاقي ان النظام بيقع و خلاص الرئيس هرب و الجيش تدخل …. لكن لو حضرتك عايش على الأرض في الشارع الحقيقي … هــ تلاقي نفسك بتجيب عيش للعيال علشان المدارس بكرة .. و عايش حياتك عادي …. بس الساسبنس اللى ممكن حد يعيشك فيه … انت اللى بتحط نفسك فيه. 🙂
5- الدنيا لو بتمشي بالهاشتاجات و الفيسبوك … ماكانش حد غلب …. و معظم اللى بتلاقيه بيجعر … من 8 سنين أيام 2011 كان يادوبك بينزل المدرسة و معاه شنطة اللانش باج مرسوم عليها سبايدر مان …. و اللى عاش فعلا ايام الخرب … مش هــ يسمح إنهات تتكرر تاني …. سيبوكم من شغل القطيع او العيال اللى عندها ساركزم فكرى و لسة طالعلها شنب و عايزة تحس إنها كبرت.
و أخيراً … مصر كبيره قوي … و شعبها نضج … و الكلام بتاع العيال ده مش بياكل معاها … خلاص اتعلمنا
تحياتنا