24 Jan 2020
كيف كان يتم إدارة العالم … للأسف .. !!
—————————————–
أصدقاؤنا …
الفيديو ده تم نشره على موقع INFOWARS.COM فى سنة 2011 بعد إندلاع وكسة الربيع العربى !!
وللأسف إن أى شمام كلّة ، أو أى عيل متثورج على روحه ، وخصوصا من اللى لسة عايزين ينزلوا فى 25 يناير اللى جاى ، لو فكر يشوف الفيديو ده ويتابعه لحد الدقيقة 6:15 ، هــ يعرف ويتأكد إنه قد إييييه بالنسبة لأصحاب اللعبة ماكانش أكثر من مجرد …….
….. (((حــمــااااااارررررر رغم أنفه)))
طبعا اللى نزلوا فى 25 يناير كانوا مئات الألاف .. ويمكن ملايين … ومافيش حد عاقل أبدا يقدر يقول إن كل اللى نزلوا فى 2011 كانوا خونة … بالعكس …. ده فى حد ذاته يبقى تجنى على ناس كثيرة بريئة .. صدقت الفكرة وامنت بيها ، ونزلت بــ نية طيبة .. بهدف الوصول بالوطن للأفضل … لكن كمان ده لا يتعارض مع إن اللى حصل كان مؤامرة متكاملة الأركان … الهدف منها كان إسقاط دول المنطقة ..
إحنا قولنا قبل كدة إن 25 يناير كانت قول حق يراد به باطل … و علشان نلخص القصة ونزيل الخلاف والحيرة عند الجميع .. وبالذات عند اللى شارك فى فعاليات 25 يناير .. وصعبان عليه أوى ، إن الفكرة الجميلة تطلع فى الأخر مزيفة …. فــ لازم نبقى كلنا فاهمين حاجة مهمة جداً:
و هى إنه فيه فرق كبير جداً .. بين إنك تقوم بثورة … وإنك يتعمل بيك ثورة !!
الفرق كبير جدا والله .. صدقونى …
والشعرة الفاصلة بين الإثنين .. هى دى اللى وقعنا فيها كلنا
الفيديو ده إتكلم بوضوح عن مخطط الثورات العربية ، وإشتعال الموقف فى منطقة الشرق الأوسط ، ودخول روسيا فى لعبة المواجهة ، وبعدها كان هــ ييجى الدور على الصين .. وإن أميريكا هى اللى أوجدت القاعدة فى ليبيا لإسقاط القذافى !!
الهدف كان إسقاط العالم كله فى دوامة الفوضى التامة .. وتدمير الدول والحكومات .. وتشريد الشعوب .. علشان يخضع الجميع فى النهاية للحكومة العالمية.
تخيل كدة لو دول المنطقة دخلت فى حروب حقيقية مباشرة ، وتم فيها إستخدام الصواريخ والدبابات والطائرات .. والجيوش بكامل أسلحتها .. ياترى هل كان هــ يختلف حجم التدمير اللى كان هــ يحصل عن اللى إحنا شوفناه حصل فى السنين اللى فات ، واللى اصاب كل دول المنطقة زى سوريا والعراق وليبيا واليمن !؟ .. أكيد طبعا لأ …
حلوة الثورة !!؟؟
لسة عايز تنزل فى 25 يناير !!؟؟
لسة عايز يتم اللعب بيك تانى !!؟
والمشكلة إن اللعب بــ يتم بنفس الأدوات !؟ .. لأ وكمان بنفس الأشخاص والتنظيمات .. و زاد عليهم شوية نماذج عرة .. و ده فى حد ذاته قمة الإفلاس .. لأنهم من شدة إفلاسهم .. بيحاولوا يلعبوا على إستنهاض روح الماضى .. وإشعال نوستالجيا الذكريات عند بعض اللى لسة مش عايزين يصدقوا .. إنهم بالفعل إتعمل بيهم ثورة !
خلال السنين اللى فاتت لما كان أصدقائنا بيقولوا إنهم خايفين من تصاعد الأحداث لحد ماتوصل لحرب عالمية ثالثة .. و كنا بــ نرد ونقول إننا فعلا فى قلب الحرب العالمية الثالثة .. كان كثير منهم بيستغرب من كلامنا … لكن حقيقة الأمر .. إن العالم فعلا فى خلال الــ 9 سنوات اللى فاتوا .. كان بيخوض غمار حرب عالمية ثالثة طاحنة … حتى لو إختلفت فى الشكل العام عن إخواتها الأولى والثانية .. يمكن لأن طرق وأدوات الحرب إختلفت … وأهم أداة تم إستخدامها فى النسخة الثالثة هى الشعوب نفسها .. و كلاب السكك من تنظيمات التأسلم السياسي والجماعات الإرهابية .. اللى لعبوا دور البطولة فى تدمير الدول والأوطان بإستخدام الأيديولوجية الدينية والسياسية !
عموماً .. اللى مانجحش زمان … مش هــ ينجح دلوقتى
عارفين لييه !؟ ..
لأن الشعب المصرى خلاص فاق … و فهم الفولة .. و فهم يعنى إييه تغذية فكرة الإنتحار القومى عند الشعوب ، بإستخدام أبجديات وأليات حروب الجيل الرابع
تحياتنا للجميع .. و حفظ الله مصر