23 Feb 2020
ويستمر النزيف … !!
———————
من 5 أيام نشرنا مقال بعنوان “إستنزاف على أرض الواقع” .. إتكلمنا فيه عن اللى بيحصل فى سوريا وليبيا .. مابين معركة تحرير إدلب السورية و تحرير مصراتة وطرابلس الليبية .. وقولنا بالمختصر المفيد إن “العثمانلى” بيعانى على الجبهتين .. وإنه بيخسر أرض ورجال وعتاد … وإن كل البعبعة اللى بيعملها أمام العالم ، للتغطية على وضعيته الصعبة والنزيف المستمر على الأرض ..
دلوقتى القرد العثمانى بــ يتنفخ حرفياً سواء فى سوريا أو فى ليبيا .. و جنوده من الجيش التركى عمالين يتساقطوا زى الفراش … و كسر عدد القتلى فى الجيش التركى حاجز الــ 15 جندى تقريباً سقطوا فى مواجهات عسكرية مع الجيش السورى بدعم روسى ، غير الخسائر من الأليات .. بينما أعلن مدير إدارة التوجيه المعنوي بـ”الجيش الوطني الليبي” خالد المحجوب فى تصريحاته لروسيا اليوم، إن “16 قتيلا من الجيش التركي سقطوا على أيدى القوات المسلحة الليبية لحد دلوقتى … وقال إن الجيش الليبى بــ يعد الرئيس التركي بالمزيد”.
أردوغان عمّال بــ يولول ويناشد فرنسا وألمانيا وروسيا وأميريكا بالتدخل لوقف تقدم الجيش السورى فى إدلب … و ده معناه إنه متبهدل … وشوية يرجع تانى يقول إنه بــ يقوم بالإعداد لعملية عسكرية شاملة فى أخر فبراير ، لو لم يتوقف الجيش السورى عن تحرير أرضه 🙂 …. طب أدى الجمل .. وأدى الجمّال .. والأيام مافيش أقرب منها .. ولو ماحصلش أى تفاهمات أو موائمات سياسية ، هيبقى أردوغان مطالب بتنفيذ كلامه …
ياترى هــ ينفذه ، ويدخل فى مواجهة مباشرة مع الروس !!؟؟ ..
إحنا عن نفسنا …… نفسنا 🙂🙂
نفسنا بجد ده يحصل .. لأنه ساعتها هــ يدفع الثمن غالى جداً
أما الإخوة بقى بتوع حكومة السراج فى ليبيا عملوا إييه ؟؟
دوول يا سيدى فعلاً خونة برخصة .. و ماعندهمش مانع يبيعوا البلد علشان يفضلوا موجودين .. زيهم زى أى إخوانى صميم .. ماعندهمش مانع يبيعوا أى شيئ .. وطن .. أرض .. عرض .. شرف .. حتى شرف نسائهم .. وحصل بالفعل فى مصر لما كانوا الإخوان بيدعوا بالكذب على بناتهم وزوجاتهم إنهم تم إغتصابهم من ضباط الجيش .. وبعدين إتفضحوا بعد كدة … و نساء الإخوان اللى كانوا بيجاهدوا جهاد النكاح فى سوريا والعراق … و أهو كله جهاد .. بــ يبيعوا أى حاجة تيجى فى سكتهم .. ماتفرقش معاهم .. المهم إنهم يفضلوا فى الحكم … ويستمر التمويل .. ويستمروا فى دورهم القذر لهدم دول المنطقة …
هم دوول الإخوان .. بائعى الأوطان
عملت إييه بقى حكومة السراج !!؟؟ .. طلع يا سيدى وزير الداخلية لحكومة الوفاق الإخوانية بتصريح كدة يغازل فيه الولايات المتحدة الأميريكية … تصريح بــ يقول فيه “إذا وجهت الولايات المتحدة طلبا بشأن قاعدة عسكرية، فإننا لن نعارض ذلك” … يااااراجل .. ماعرفتكش أنا كدة .. 😁
طبعا التصريح ده فيه مغازلة مباشرة لأميريكا .. وحركة جس نبض كدة على الطاير … و فى نفس الوقت ، التصريح ده جاهز للنفى فى أى لحظة ، لأن وزير الداخلية مش ممثل سياسى لحكومة الوفاق ، ولا فيه فى إيديه أى صلاحيات .. وبالتالى كلامه لا يعتد بيه … لكن أهو كارت بــ يترمى … وخصوصا إنه وارد جدا إن حكومة السراج بتعمل كدة ، بعد ما لقت إن تركيا مش هتقدر تدعمهم زى ما كان متوقع .. وعلشان كدة أطلق وزير داخليتهم التصريح ده بالشكل ده كنوع من جس النبض 😉
لكن فى نفس الوقت ، الموضوع ده ضد توجهات أميريكا دلوقتى بشكل عام ، و هو تقليص وجودها العسكرى فى أفريقيا .. وحتى على مستوى العالم .. وجايز جدا مايكونش فيه أى إستجابة من جانب أميريكا على التصريحات دى ..
الكلام ده كله بــ يثبت إن “جرب أحمق بغبغان” فعلا دلوقتى فى ورطة كبيرة … وخصوصا إن فرنسا وألمانيا و حتى أميريكا .. كلهم عملوا ودن من طين و ودن من عجين ، وقالوا له الجملة الشهيرة اللى حضراتكم عارفينها … أيوة هى دى … “مالناش دعوة يا موهى” !! 😁 .. و حلف الناتو بصفة رسمية كمان رفض يتدخل فى موضوع إدلب … وبالتالى الوضع بــ يزداد تعقيد
اللى بيحصل ده مالوش غير معنى من إثنين … إما إن القرد خلاص إتقرت فاتحته … و بــ يتم تجهيز مشهد النهاية ، إستغلالا لغباء وعنجهية العثمانلى .. أو إن كل ده عملية ضغط لتطويع القرد من أجل تنفيذ أهداف مرحلية أخرى والإستفادة القصوى منه قبل ماتنزل الستارة ..
و سواء كدة أو كدة .. هــ نشوف إييه اللى ممكن تسفر عنه الأحداث … لأن الملفات كلها متشابكة جداً … و الأوضاع كلها على صفيح ساخن
تحياتنا للجميع .. وحفظ الله مصر