المازوخية الاخوانية .. !!

09 Mar 2020

المازوخية الاخوانية .. !!
————————-

الفيديو ده هدية لكل عشاق احساس الدونية ..
الفيديو ده لكل شخص مش بيشوف فى بلده غير كل ما يسيئ .. فى الوقت إللى تلاقيه يشير بالبنان لبلاد الاسياد .. ويقولك بكل ثقة و هو منتفخ .. يا رب نبقى زى تركيا

ده بقى أمير المدمنين وسلطان المجرمين .. وخليفة المازوخيين من عشاق الدونية .. خاقان البر والبحر .. إللى هيبنى الخلافة ويرجع للإسلام كرامته .. السيد “جرب أحمق بغبغان” .. و هو والوفد الرئاسى بتاعه .. واقفين مذلولين … و ملطوعين على باب مكتب الدب الروسى بوتين .. منتظرين علشان بس يسمح لهم بالدخول … فى سابقة بروتوكولية ماتحصلش مع أى رئيس دولة فى العالم مهما كان حجمها.

تخيل كدة لو حاجة زى دى حصلت مع رئيس مصر .. كان الاخوان ومراكيبهم عملوا اييه !؟ .. وكنا شوفنا القنوات الفضائية و هى بتتحسر وبتتشحتف على مصر واللى جرى لمصر من مذلة و اهانة ازاى !!

فى زيارة أردوغان الأخيرة لروسيا بعد العلقة إللى اكلها الجيش التركى فى سوريا .. وخسائره فى ليبيا .. وتراجع أردوغان عن تصريحاته العنترية الخرفانية بتوسيع العمليات العسكرية لو الجيش السورى مارجعش لحدود اتفاقية سوتشى … بوتين فضل سايب أردوغان ملطوع على بابه لمدة دقيقتين .. و بعدين إذن له هو والوفد المرافق بالدخول ، ولا كأنه بيستقبل شحات جاى طالب حسنة … 😁

الكلام ده ماحصلش من أى رئيس دولة فى العالم من شرقها لغربها مع أى رئيس مصرى سابق أو حالى .. باستثناء أول جاسوس مدنى منتخب إللى حكم مصر فى الفاصل الكوميدى فى عام 2013 .. و كان بيتم معاملته بنفس الاسلوب … و اكيد كلنا فاكرين زياراته الخارجية … و يبدوا ان الفصيل ده أدمن الاذلال … و من كتر ما هم كدة بيحاولوا يتهموك طول الوقت باللى هم فيه …. و على رأى المثل …..
والا بلاش … خلينا مؤدبين 😉🙂🙂

حفظ الله مصر .. وعاشت حرة عزيزة كريمة بجيشها وشعبها

لمتابعة تعليقاتكم