كفاية هري بقى …. !!

10 Mar 2020

كفاية هري بقى …. !!
———————-

بالنسبة لجروبات الماميز والبابيز وشلة الهرايين اللى نازلين هري وعايزين يوقفوا المدارس علشان الإختلاط والعدوى …
ياترى هتمنعوا ولادكم يروحوا النادى والجيم .. و هتوقفوا التمارين الأسبوعية !؟
ياترى هتمنعوا ولادكم يروحوا ماكدونالدز وكنتاكى !؟
ياترى هتمنعوا ولادكم يروحوا السيما والمول ويدخلوا الكيدز إييريا والجرين كورنر !؟
ياترى هتلغوا المصيف السنة دى !؟
أكيد لأ … 😏

طب ماتجيبوا من الأخر ، وتقولوا إنكم راشقين فى اى مصلحة فيها هرى وخلاص ، المهم إننا ننظر ونتريق ونكوميك ونعلّى على الدولة علشان ناخد شوية لايكات وشوية شير وخلاص !! 🙄

و زى ما كنتم السبب فى تعليق رحلات الطيران لمصر من بعض الدول … فــ مايجراش حاجة لما تبقوا السبب برضوا فى توجيه ضربة قاتلة لإقتصاد مصر …

و أهى فرصة لما ده يحصل، اننا نلاقى حاجة نمسك فيها ونفضل نشتم فى البلد والدولة لما الإستثمار يقف والتضخم يزيد والدولار يرجع يعلى تانى والمصانع تقف والبطالة ترتفع ..

و على فكرة حضرتك …
جون جابور، ممثل عن منظمة الصحة العالمية بمصر، قال إن الإجراءات التي اتخذتها بعض الدول ضد مصر، وتعليق السفر لمصر، جاءت نتيجة للشائعات التي تنتشر في مصر ولا صحة لها، وبالذات على السوشيال ميديا !

و على فكرة كمان حضرتك ياللى بتهرى فى موضوع المدارس … منظمة الصحة العالمية نشرت بيانين مهمين …. قالت فيهم ان ايقاف المدارس هو اجراء تتخذه كل دولة حسب حالتها و هو ما تحدده كل حكومة … و ان مصر و اجراءاتها و خططها الاحترازية ، و نظم الحجر الصحى تعتبر الاقوى في العالم

و زى ما انت كنت السبب زمان فى تصدير شائعة ان المزروعات المصرية بتتروى بالمجارى و خليت دولة زى السودان تمنع استيراد المنتجات المصرية و لما يسألوا البشير ليه عملت كده و مفيش دليل …. يقول و هو بيبتسم ابتسامة صفراء ماهو انتو المصريين اللى بتقولوا كده … حد يقول على بلده كده !!!

و زى ما برضوا كنت السبب بإشاعاتك فى الترويج بإن مصر قتلت ريجيني …. و لما سألوا البرلمان الايطالى ماهو انتو بعتوا محققين و قالوا ان الكلام غلط …. رد رئيس البرلمان …. ماهو انتو مصريين و بتقولوا كدة …. هو فيه حد في الدنيا يتهم بلده بالكذب !!!!

زى ما عملت ده قبل كدة … فأنت دلوقتى بتلعب نفس الدور .. وبتهد فى البلد وبتضرب اقتصادها بترويجك لشائعات .. سواء عن عمد و بغرض …. أو بمنتهى الغباء

ألا ليتها عقرت ، قبل أن تلد 🤔

حفظ الله مصر من اعدائها .. و من بعض أبنائها 😏

لمتابعة تعليقاتكم