2 Feb 2015
مصر تحارب – الرجاء القراءة بعناية
————————————-
خلاص يا مصريين مفيش هزار و لا عندنا وقت للسفسطه و النقاش …. مصر بتحارب حرب وجود ….. فــ تصريحات الرئيس السيسي سواء اللى كانت في أديس أبابا أو اللى كانت بعد إجتماعه مع المجلس العسكري من أخطر التصريحات في تاريخ مصر الحديث …. و لها دلالات مش في مستقبل مصر بس و لا العالم العربي … لكن أكيد حيكون لها تاثير على شكل و مستقبل العالم كله ….. طب إزاي ؟؟؟؟ ….. حـ نحاول نشرح وجهة نظرنا في نقاط محدده و مباشره …. مع العلم ان زي ما إتفقنا مع بعض ان دي وجهة نظرنا و لك مطلق الحريه انك تقبلها او تهملها … و ايضا زي ما دايما متعودين منكم …. احنا بنكلم فانز ناضجين وعلى قدر كبير من المسؤوليه و الثقافه و بتقرا مواضيعنا بعمق مش بتاخد قشور المعاني.
- إحنا بنحارب أشرس تنظيم سري في التاريخ في القرنين الماضيين
- أنا مستعد اموت عشانكم
- مش حنسيب سينا لحد … يا إما سينا للمصريين أو نموت
تصريحات قالها الرئيس السيسي …… يا تري الرئيس كان يقصد مين و بيخاطب مين ؟؟؟؟ ….. طب الاخوان بقالهم حوالي 85 سنة بس مش 200 سنة …. أمّال مين اللى كان بيقصده الرئيس السيسي ؟؟؟ …. يا تري كان بيقصد الاخوان و لا كان بيقصد التنظيم اللى ورا الاخوان و اللى أنشأ و بيحرك الاخوان ؟؟؟
كلام الرؤساء بــ يتوزن بميزان الدهب … و كل حرف بيكون رسالة لــ برة و لمن يحركون الأمور من خلف الأبواب على المستوي العالمي ….. الرئيس نطقها و قالها في تصريح و تحدي علني و مباشر …. مصر بتحارب التنظيم الماسوني العالمي …. الرئيس نطقها و قالها كـ أول مسؤول في التاريخ يعلن التحدي و الحرب على التنظيم الرهيب ده اللى بيتحكم في مصائر أمم و دول عظمي.
الرئيس نطقها و قالها صراحة يا مصريين …. فـ لم يشفع لـ جون كيندي كونه رئيس أكبر دولة في العالم و تم قتله لمجرد أنه تجرأ و تعارضت تحركاته مع مصلحة هذا التنظيم السري ….. دول و أمم تم تدميرها و قتل و تشريد شعوبها لمجرد تعارض وجودهم مع مصالح هذا التنظيم الذي لا يجرؤ مسؤول دولي على الاقتراب من مجرد اسم هذا التنظيم …. لكن الرئيس السيسي أعلن رسميا الحرب عليه .
فاكرين يا مصريين سلسلة مقالات ” مصر ما بين العدوان الثلاثي و الحرب العالمية الثالثة ” ؟؟؟ …. فاكرين إحنا ليه إستخدمنا العنوان ده للمقالات اللى شرحنا فيها بالتفصيل تأصيل ما تواجهه المنطقه كلها ….. و سألنا في أول مقال فيها يا تري العالم هــ يسيبنا و لا هــ يتم توجيه ضربة عسكرية كما فعلوا مع عبد الناصر ؟؟؟ ….. تعرفوا ان التاريخ بـ يعيد نفسه مره أخري ؟؟ …. فـ في 56 مصر واجهت جيوش 3 دول مجتمعه في حرب عسكرية مباشرة …. و الأن مصر تواجه نفس العدوان و لكن كل ما في الامر أن آليات الحروب و شكلها و أسلحتها اختلفت عن 60 سنة فاتت .
لما الرئيس السيسي قالها أكتر من مره إننا في حرب وجود …. كان بيقصدها بالفعل ….. و الحرب دي بالفعل معادلتها صفريه … يعني مفيهاش غير فائز واحد …. الحرب دي بين الشعب المصري … و التنظيم الماسوني بكل آلياته و تنظيماته و أجهزته و قدراته سواء العسكريه او الاقتصاديه او السياسيه او الاعلاميه.
هو يا تري صدفة إننا نلاقي امريكا و المانيا و بريطانيا و تركيا و قطر و اسرائيل و غيرهم من الدول و منظمات حقوق الانسان و الأمم المتحدة و الاتحادالاوروبي بيدعموا الاخوان و التنظيمات الارهابية المتاسلمة التي تدعوا كذباً لقتل الغرب الكافر و محوه من الوجود ؟؟؟ …. هو يا تري صدفة العمل المتناغم ما بين كل الدول دي على استضافة هؤلاء في دولهم و مدهم بالسلاح و التخديم عليهم مخابراتياً و لوجيستياً و عسكرياً !!؟؟؟ و حتي طبياً بعلاج مصابيهم في مستشفياتهم سواء في اسرائيل أو تركيا ؟؟؟
هو يا تري صدفة ان الدول دي بتقوم بالتعامل الاقتصادي مع التنظيمات دي و فتح موانيهم لناقلات البترول المسروق لشرائه منهم و تسهيل وصول الاموال لهم عبر بنوكهم لدعمهم مادياً ؟؟؟ ….. هو يا تري صدفة انك تلاقي قادة التنظيمات دي يا إما ضباط سابقين في جيوشهم زي الحاج ابو بكر البغدادي اللى كان اسمه ” سايمون إيلوت ” عميل الموساد السابق و كل الدول و وسائل الاعلام عارفه و عامله نفسها مش واخده بالها ؟؟؟
هو يا تري صدفة انك تلاقي دول العالم تهد الدنيا على مقتل الصحفيين الفرنسيين و طول 4 سنوات من الارهاب في مصر كله مطنش و زعلان على المساجين الاخوان و ييجوا يتطمنوا عليهم زي ما جم اطمّنوا على الجاسوس و زي ما أوباما هادد الدنيا على احمد ماهر ؟؟؟
هو يا تري صدفة انك تلاقي ناس تم تدريبها عسكرياً و تسليحياً على أعلي مستوي و بــ يخدّم عليهم أقمار صناعية عسكرية لرصد التفاصيل و التحركات داخل الوحدات العسكرية و التخديم عليهم في عملياتهم الارهابية في سيناء.
طب عشان تتخيلوا ما نواجهه …. يا تري فاكرين عملية الحفار بتاعة داكار ؟؟؟ …. مصر عملت عملية مخابراتية معقدة لنقل المتفجرات و الابطال عبر أربعة دول حتي لا ينكشفوا …. و راحوا يصوّروا فيلم سنيمائي للتغطية على العملية … تخيلوا بقي إن الأربع دول دول كانوا مشتركين معانا … و الناس بتاعتنا راحوا بصورة رسميه و تم استقبالهم و تسكينهم في الفنادق و امدادهم بالسلاح و نقلهم الى مكان الحفار و التخديم عليهم … يا تري المهمه كانت تبقي شكلها إييه و إييه مدي سهولتها ؟؟؟ 🙂
ده نفس اللى بيحصل معانا …. ناس بيتم تدريبها و نقلها عبر دول و تأمينهم حتي يعبروا من الانفاق او عبر اي وسيلة اخري و التخديم عليهم و امدادهم بكل ما يحتاجونه لتنفيذ عملياتهم الاجراميه ….
طب يا تري لما الشعب المصري تكاتف خلف جيشه و نجحنا مرحلياً و عدينا المرحلة الصعبة اللى فاتت … كان فيه تهديد لمصر بالمقايضة على سينا في مقابل هدنة معهم ؟؟؟ …. و يا تري الرد عليهم كان في الرسالة اللى كانت واضحة من الرئيس إننا مش هــ نسيب سينا لحد … و يا إما تكون سينا للمصريين أو نموت كلنا ؟؟؟
من الآخر اللى مايشوفش من الغربال يبقي أعمي …… و بما إننا في وقت حرب مش بتاع هزار و نقاش و سفسطة فارغة …. يا ريت نعرف بالظبط إييه المطلوب مننا في الفترة اللى جاية :-
الإصطفاف و التوحد حول القيادة …. مش وقت معارضة و أيدلوجيات و نقاشات سياسية.
دعم الجيش المصري و قياداته بكل السبل …. كلامك على النت بيقراه الجندي اللى على الارض في سينا اللى رايح يموت عشان يدافع عنك و عن عرضك اللى قاعد معاك في البيت …. فلما حضرتك تعملّي فيها خبير عسكري استراتيجي و تقعد تنتقد جيشك و قياداته …. فــ كلامك بيكون عليه أشد من رصاص العدو ….. ماتبقاش سلاح في إيد عدوك ضد جيشك.
كل اللى عاملّي فيها خبير عسكري و يقولّي فين الدعم الجوي و فين المدفعية و فين القيادات و ازاي مش عارف مدرك إييه … هدي أعضائك شويه … فــ مجرد كلامك ده بيدل إنك شخص جاهل بأبسط القواعد العسكريه بإنتقاد جيش بلدك و هو على الارض في عمليات فعلية …. الروح المعنوية لجنودنا أمانة في أيد حضرتك …. كلمات التشجيع و الدعم كأنك بتحارب معاه.
كل اللى عاملّي فيها خبير عسكري …. حضرتك لا عمرك رحت سينا و لا شوفت المواقع العسكرية هناك و لا تعرف اي معلومات فعلية عن أي اشتباكات حصلت هناك … لا التسليح و لا الأسلوب و لا أي حاجة عن اي حاجة …… و لا تعرف حاجة عن حرب العصابات اللى فشلت فيها روسيا و امريكا و انجلترا سواء في افغانستان او العراق او لبنان ….. و كون جيشنا بيتعامل و صامد حتي الأن و بــ يطهّر الأرض بالفعل بالرغم من انه بيتعامل بالشوكة و السكينة ، عشان يحافظ على أرواح الأهالي هناك و مش بيعمل زي الدول دي بــ إبادة قري بكاملها لمجرد الاشتباه …… و بيدفع من دمه بكل الرضا ثمن لأخلاقه و ثمن المحافظة على أهالينا في سينا …. يبقي سمّعنا سكاتك خااااالص.
كل اللى عاملي فيها خبير عسكري بحجة انه صعبان عليه اولادنا و قلبه محروق ….. و أنا ابن عمي هناك و قالي ، و انا اخويا كان هناك و شرحلي ، … أحب أقولّه إن بكلام حضرتك ده ، إنت بتشارك العدو في قتله و هزيمته معنوياً ….. فــ لو بتتكلم بقصد أو عن جهل … إنت بــ تقتل في ولادنا.
كل اللى عاملّي فيها خبير عسكري ….. أقولّه حضرتك بتتكلم عن أشياء لا درستها و لا ده تخصصك ….. و لا تعرف إييه الموجود على الارض …. فــ ياريت تسمعنا سكاتك !!
كل اللى عاملّي فيها خبير عسكري ….. كان السادات الله يرحمه مسمّيهم جنرالات المقاهي … اللى عمالين زي مدربين كره القدم في المباريات …. اللى كانوا سالخين السادات إنتقاداً بنفس حجة ولادنا و أرواحهم اللى بــ تروح … و لما عبر ، و إنتصر … ماسكتوش … شككوا في النصر و في الحرب ذات نفسها.
التغيرات العسكرية اللى إتعملت بــ تعيين الفريق أسامة عسكر قائد لمنطقة سيناء هو إعلان مصر الحرب رسمياً و تصدّيها للمؤامرات الصهيونية للإستيلاء على سيناء ، و تدمير مصر.
أخر حاجة أحب أقولها يا مصريين … إوعوا تستسلموا للحرب النفسية والكلام ده إحنا قلناه فى مقالات الحرب النفسية قبل كدة ……
فيه مئات الطلبات من ظباط مصريين في الشرطة و الجيش تم تقديمها لنقلهم أو الحاقهم في وحدات المواجهة في سيناء …. فــ إذا كنت بصفتك مواطن مدني لا تستطيع اللحاق بهم …. فكن داعما لهم … لا عليهم .
مصر بتحارب زي ما حاربت لآلاف السنين … و ستنتصر بإذن الله ….. فقد تخطينا أهوال في العامين السابقين …. و كعادتها دائماً و ابداً …. ستمارس مصر واجبها التاريخي التي تكرره دائما بإنقاذ العالم من براثن الاستبداد و الدمار …..
أما بكره فحنتكلم في شوية أخبار هاااايله و شويه قطع صغيرة من صورة البازل اللى لما هــ نجمعها مع بعض … هــ يبان لينا بدايات صورة النصر المبين بإذن الله .
عاشت مصر و عاش الشعب المصري رغم انف كل حاقد.