07 Jun 2020
الكاتب الصحفى والخبير فى الشأن الدولى بمؤسسة الأهرام
كتب ….
————————————————-
كنتم فى حالة قلق على مصر ايام الاخوان.. وطمناكم.. وحصل
كنتم خايفين نبعت جنود فى اليمن وطمناكم.. ورؤية مصر هى اللى مشيت
كنتم خايفين على مضيق باب المندب وغلقه بما يؤثر على مشاريع محور قناة السويس وقناة السويس الثانية.. وطمناكم .. ورؤية مصر فى البحر الاحمر هى اللى انتصرت
كنتم خايفين على غاز شرق المتوسط.. وقلنا لكم العلاقات مع اليونان وقبرص هى المفتاح .. وحصل
كنتم خايفين لسوريا تتحول الى جمهورية اخوانية.. او ولاية داعش.. او حتى معارضة موالية لتركيا تستولى على الحكم فى دمشق.. او انه تركيا تفوز بولاية ضخمة فى سوريا.. وطمناكم .. وكل دا سقط ولم يظفر اردوجان الا بقنبلة اسمها ادلب فيها 100 الف ارهابي بيحاول يهربهم الى ليبيا حتى لا ينفجرون فى وجه الداخل التركي
كنتم خايفين لارهاب شمال سيناء يخلى سيناء عاصمة مصرية لداعش، او يتمدد الى باقى محافظات مصر .. وطمناكم .. وشفنا جيشنا بيسطر ملحمة عجزت عنها جيوش الغرب فى افغانستان والعراق قبل جيوش المنطقة فى سوريا وليبيا واليمن..
كنتم خايفين على الصحراء الغربية وطمناكم.. وشفنا المخابرات المصرية بتجيب هشام عشماوي من جوا ليبيا وبتفكك تنظيم مرابطون وتنهي حلم الجيش المصري الحر
كنتم خايفين من النظام الاخواني فى السودان وقلنا لكم صبراً .. وحصل
ولما نقول لكم اطمنوا فى ملف سد النهضة، وفى ليبيا اليوم .. لازم تتطمن .. والا تبقا مفهمتش ولا استوعبت اى حاجة من النعيم اللى انت عايش فيه دلوقتي
واللى فاكر انه مطلوب من مصر تشرح له كواليس ادارة الملفات المقبلة، يبقا مافرقش حاجة عن اول جاسوس مدني منتخب لما بث اجتماع سري مع غلمان المؤامرة لمواجهة ازمة السد الاثيوبي.. مش كل حاجة لازم تتشرح قبل ما تحصل والا كنا عملنا استفتاء شعبي على موعد عبور قناة السويس قبل 6 اكتوبر 1973
اللى عنده ثقة فى القيادة المصرية اللى انتشلته من الضياع فى سنوات الربيع العربي وبقينا النهاردة الدولة الوحيدة اللى عندها جيش وطني وعندها دولة اصلا فى المنطقة، هو اللى هيفهم الكلام دا .. انما اللى لسا الاعلاف الاخوانية بتنهش فى عقله وعنده بعد الرحلة دي اسئلة او شكوك.. ربنا معاه