12 Jun 2020
الاخوان .. وخيانة وطن .. !!
—————————–
لو سمحت لك الظروف انك تتكلم مع إخوانى ، ولو كان عندك من الثقافة السياسية والتاريخية ما يكفى ، انك تقول له انتم عملتم كذا ، وبتعملوا كذا وكذا .. هتلاقيه فجأة اتسهوك وراح مخنف زى اليهود كدة ، و ابتسملك الابتسامة اللزجة بتاعتهم ، و يقوم فاقعلك الديباجة الحماضنة إللى هم حافظينها ، فتلاقيه بيقولك “إسمع مننا ، وماتسمعش عننا” 😁😁
طب يا سيدى … تعالى بقى نسمع منكم فى الفيديو ده بتقولوا اييه كدة فى ابواقكم الاعلامية و من بق رموزكم وكوادركم المحرضة على الدولة … 🙄
– إللى يقولك تحيا مصر .. قول له طز فى مصر ..
– لما يختفى الاخوان ماحدش بيتكلم عن الدين ..
– المصريين شعب نجس .. شعب يستحق الضلال ..
– الاخوان اصحاب عقيدة .. والفرق بين الاخوان والمصريين ان احنا مسلمين و المصريين كفرة ..
– نحن فى صراع مع الدولة المصرية .. يا إما انتم .. يا إما إحنا ..
– الجيش المصرى .. نتمنى أن يتفتت هذا الجيش الوطنى
-نحن لا نعترف بالوطنية .. الوطنية بتاعتك دى على الجزمة القديمة ..
– الحفاظ على الأوطان والحفاظ على المؤسسات شعارات جوفاء مالهاش أى معنى ..
– أكبر أخطاء مابعد 25 يناير هى عدم هدم الأزهر والكنيسة
– السيسى نصير المسيحيين ، و المسيحيين هيتعلقوا على المشانق لما يسقط الانقلاب ..
– المعركة مع مصر حتمية لأنها معركة بين إسلام ولا إسلام .. بين دين ولا دين .. بين كفر وإيمان ..
– لازم نشجع المجاهدين فى سيناء ونساعدهم وندعمهم لوجيستياً على قد مانقدر ..
– انتم خايفين نبقى زى العراق وسوريا .. طب يارب نبقى زى العراق وسوريا ..
ادينا سمعنا منكم أهو …. وعرفنا أنكم فصيل عامل كدة زى قطيع الزومبى إللى مش بيعيش غير على فكرة الهدم و السيطرة والفتك بالاخرين
أدينا سمعنا منكم أهو … و مالقيناش فى كلامكم غير كل خسة ونذالة وإرهاب وتطرف وكره للدولة .. وخيانة للوطن ..
أيوة … خياااااانة للوطن … لأن إللى بتقولوه ده .. لو ماكانش اسمه خيانة .. طب يبقى اسمه اييه !!!؟
حفظ الله مصر وشعب مصر