22 Jul 2020
ليه نحارب في ليبيا ؟؟
———————–
أصدقاؤنا أصدقاء كلام في الصميم …. في كلمة و رد غطاها و بإختصار و في صورة سـ و جـ :-
س/ هو إية الموضوع بالظبط مع تركيا … إحنا مالنا و مالهم ؟
جـ / أبدا … ده واحد مخبول قاعد في الأناضول مش بــ يفوت يوم إلا و بيتكلم عن حقوق تاريخية مزعومة في منطقتنا العربية و إنه لازم يرجع يحكم و يستعبد شعوبها تاني و أنه الأحق بالإنتفاع بغازها و بترولها و ثرواتها و بيقول بكل فخر إنه هــ يسترجع نفس أسلوب أجداده العثمانلية في استغلال الخيانة الداخلية لمساعدته لغزو بلادنا بتجنيد قطيع خونة الإخوان في داخل الدول العربية اللى بيسميهم العناصر المحلية الداعمة … و بيفتح لهم قنوات تركية ناطقة بالعربية لمخاطبة خونة الداخل.
س/ ماهو يمكن يا عم راجل مجنون و أخره كلام …. ليه بقي نعمله حساب و نحرك جيشنا علشانه … ما تسيبكوا منه؟
جـ / إزاي كلام و هو نفذ بالفعل …. الأول قدم قواعده الجوية عشان تبقي صاحبة المجهود الجوى الرئيسي لحلف الناتو لتدمير العراق … و بعدها قالك ليا حقوق في بترول كركوك في شمال العراق و دخل بالفعل و احتل شمال العراق …. و لما الأمريكان ماسمحوش له إنه يقسم معاهم البترول …. دخل على سوريا بعد ما جنّد مئات الآلاف من الدواعش لتدمير سوريا و احتلالها و سرقة آثارها و مصانعها اللى اتفككت و اتنقلت لتركيا …. بخلاف انتعاش تجارة الرقيق الأبيض و الأعضاء البشرية من الشعب السورى … و بعدها دخل إحتل شمال سوريا بجيشه … ده بعد ما عمل سدود قطعت المياه تماما عن نهري دجلة و الفرات اللى نشفوا تماما عشان يعطش شعوب العراق و سوريا.
س/ طب سوريا و شعبها ضيعها … إحنا بقي مالنا و ماله ؟
جـ / ماهو لما طلع بنفسه و قال اننا عرضنا نتقاسم بترول سوريا مع الأمريكان و رفضوا…. و فشل استيلاؤه على بترول العراق و سوريا … نزل على غاز المتوسط و هدد يخش يستولى على غاز شرق البحر المتوسط … و لما البحرية المصرية طلعتلوا و حجمته … قام داخل على ليبيا و قالك حاخد بترولها و انقل مئات الآلاف من الدواعش السوريين و من شمال افريقيا و وسط اسيا و انزل احتل ليبيا بجيشي …. و بعدها حدخل على الولاية المصرية لاستعادة الحلم العثمانلي.
س/ طب واحنا مالنا …. ما نسيبه يخش ليبيا …. ليه نروح نحاربه هناك …. الجيش مهامة الحدود ؟
جـ / يابني مهو ليبيا هي الحدود ….. تعالى نسأل السؤال بصيغة تانية …. لو ماكسرناش قواته في ليبيا … اييه اللى هــ يحصل ؟؟؟ … أقولك …. هــ يبني قواعد عسكرية جوية و بحرية و جوية …. و هــ يبقي له مجال لوجيستي لأمداد قواته بالمؤنة للتحرك شرقا أو غربا … و بدل ما طيرانه أو بحريته تمشي 3000 كيلو عشان يوصل عندك …. هــ يبقي له مطار و ميناء على حدودك …. و بترول و غاز من ليبيا هــ يمول بيها عملياته …. و بدل ما هــ تطلع تقول انا دمرت 10الآف سيارة دواعش على حدودي الغربية آخر 6 سنين …. هــ تواجه آلاف المدرعات و جيش نظامي و مئات الآلاف من الدواعش بشكل اسبوعي بميزانية مفتوحة.
س/ انا بس قلبي قلب خساية و خايف على اخويا العسكري اللى واقف على الحدود من الحرب …. و كل ده علشان صراع شخصي ما بين السيسي و أردوغان؟
جـ / بص يا حيلتها …. سيبك من البوقين بتوع قنوات الإخوان دول …. من الآخر كده و بإختصار … لو الجيش ماتحركش أو التهريج اللى بيتعمل في ليبيا ده ماخلصش … هــ تلاقي الدواعش دول تحت بيتك و طالعين على السلم يغتصبوا النساء ويقتلوا الأطفال زي ما عملوا في سوريا بالظبط …. أنا معاك إن معانا ناس من العناصر المحلية الداعمة للعثمانلية بيتمنوا لحظة دخول الأتراك لمصر بدعوى حلم الخلافة .. و دى حقيقة شايفينها بعنينا ولامسينها فى بعض اللى حوالينا … لكن الشعب المصري الأصيل مش كده …. و ساعة الجد هــ ياكل التركي و كل العناصر الداعمة معاه.
عموما إحنا رسمنا له خط أحمر بقالنا شهر بحاله … و من ساعتها مش طالعله صوت … حتي المناورة اللى أعلن إنه حيعملها … هرب و لغاها … و أدينا مستنيين يتهور.
س/ طب انت مش شايف ان سد النهضة أولى و أهم لتحرك الجيش … دي المياه يا جدعان ؟
جـ / بغض النظر إن ده الإفييه الإخواني اللى هم ماشين يقولوه عشان نسيب القرد يخش ليبيا …. و بغض النظر إن شئون الأمن القومي المصري يديره مؤسسات وطنية بمتهي الكفاءه … و هم يعرفوا كويس كل ملف يتعمل فيه إييه و إزاي و إمتي …. و إن مش حضرتك ياللى مش عارف تحل مشاكلك مع إتحاد ملاك عمارتك هــ تعدل عليهم …. بس سيبك من كل ده ….. و حط الكلمتين دول في دماغك و دورهم كويس … و دي آخر مره حنتكلم في موضوع السد :-
- موضوع السد ده على قد خطورتة …. لكن حيتحل بأفضل طريقة لمصالح مصر لاننا في الموقف الأقوى و مفيش حلول وسط حتتاخد لانها حياة أو موت … و الأقوى دايما هو اللى بيفرض شروطة.
- إحنا معندناش مشكلة في مبدأ وجود السد من عدمه … بدليل إن السودان له أكتر من سد على نفس النهر و عمرنا ما سمعنا بمشاكل عنهم لاننا متفقين مع السودان على اسلوب إدارة السدود دي …. يعني احنا مشكلتنا مع اثيوبيا في اسلوب إدارته …. حتي الـ 5 مليار متر اللى تم حجزهم واللى إتحجزو طبيعى نتيجة وجود جسم السد فى موسم الفيضان ، ماكناش معترضين عليهم …. أحنا إعتراضنا على اللى جاي.
- و بما إن تركيا تحالفت مع اثيوبيا ضدنا و بتستخدمها للتهييج الإعلامي و للضغط الشعبي …. و لو فرضنا إن أثيوبيا تعنتت و موصلناش لحل معاها …. فحنروح لحل الضربة العسكرية …. و عشان تبقي عارف إن أي حرب في الدنيا بيكون ليها جانبين … واحد سياسي و واحد فني عسكري :-
بالنسبة للجانب السياسي … فأي حرب لازم يكون ليها غطاء سياسي أخلاقي …. حتي أمريكا أكبر قوة عسكرية على الأرض قبل ما تخش العراق اشتغلت على تغطية الجانب ده …. و عشان كده إحنا ماشيين بمنتهي الهدوء و مش بــ ننجرف للإستفذاذ الأثيوبي … و بــ نكون تحالفات دولية و بــ نقفل عليهم سياسيا بالذات في أفريقيا مناطق نفوذهم … عشان وقت الجد يبقي عدانا العيب.
بالنسبة للجانب الفني العسكري … فإحنا مش محتاجين نحشد جيشنا و لا حتي نبعت عسكرى واحد …. لان ضربة طيران واحدة كفيلة بإنهاء الموضوع … و إحنا عندنا الطائرات و الذخائر و أدوات الحرب الألكترونية اللى تخلينا نقوم بالضربة دي بمنتهي الأريحية و وسط وجود دفاعات جوية أثيوبية …. بس الضربة دي ماينفعش تتعمل و هو فاضي …. لازم يتملي شوية كمان عشان ضغط المياه تنتزع السد من مكانه و مايتبناش تاني …. يعني لسة قدامنا سنة او اتنين كمان …. لسه بدرى.
و نقولها بصراحة … إحنا مش دعاة حرب ….و مش بنتمناها …. لكن النظام الإخوانجي العثمانلي ده معادلتنا معاه صفرية …. يا إحنا يا هم … و اكيد أحنا …. لو قضينا عليه أو تم تحجيمه …. لا هــ تلاقي إرهاب في المنطقة و لا حتي هــ تلاقي اي مشاكل مع أثيوبيا.
آخر حاجة …. من النهاردة …. أي خروف يخفي نفسه من قدامنا …. دلوقتي لا فيه معارضة و لا فيه تنظير …. مفيش غير الوطن و الجيش و الشعب كيان واحد.
ربنا يحفظ مصر و تحياتنا