عن اتفاق وقف اطلاق النار فى ليبيا !!

25 Aug 2020

عن اتفاق وقف اطلاق النار فى ليبيا !!

————————————-

من يومين نشرنا مقال عن الدعوى إللى أطلقتها حكومة الوفاق المنتهية الصلاحية لوقف إطلاق النار فى ليبيا … و اييه هو دور مصر فى إللى حصل و مدى تأثير القدرة المصرية فى أحداث المنطقة …. والحقيقة أن مستوى الوعى فى ردود الافعال سواء عن طريق التعليقات أو من خلال رسائل مباشرة على الخاص اسعدنا جدا بدرجة لأ يمكن تخيلها

كثير من أصدقائنا، مع الإقرار بقدرة مصر وتأثيرها فى محيطها الإقليمي و الدولى .. لكنهم مش مقتنعين بنوايا حكومة الوفاق وكلهم شككوا فى أهدافها من مثل هذا الإعلان .. وخصوصا مع استمرار تدفق المرتزقة .. والتحركات التركية المشبوهة وخصوصا فى البحر المتوسط فى مواجهة خليج سرت .. والسعى لتجنيس المرتزقة بالجنسية الليبية الخ الخ الخ …

احنا بس عايزين نؤكد على كلام كل أصدقائنا و نطمنهم ان الادارة المصرية واخدة بالها كويس جدا وجاهزة لكل السيناريوهات … و الكلام ده مش مجرد مسكنات بنقولها لكنه مبنى على حقيقتين لا تقبلان الشك أو الجدل

الحقيقة الاولى:

مافيش أمان أبدا لخاين ..

ومافيش امان ابدا للى باع أرضه وفرط فيها وباع ثروات بلده لمحتل غاصب

ومافيش أمان أبدا لإخوانى لا يؤمن بالأوطان وليس له ولاء الا لجماعته الإرهابية مهما أظهر عكس كدة

فإذا كنا احنا كمدنيين ومواطنيين عاديين واخدين بالنا من الحقائق دى … فما بالنا بالقيادة السياسية والقائمين على شئون الدولة المصرية !!

الحقيقة الثانية:

إن الرئيس السيسى قبل الإعلان وبعده اجتمع مع وزير الدفاع وقادة القوات المسلحة .. وشدد على تحلى جميع أفرع القوات المسلحة بأعلى درجات الجاهزية العسكرية ، والتحلى بالروح القتالية .. والاستعداد لتنفيذ المهام سواء داخل مصر او خارجها … والكلام ده مالوش غير معنى واحد .. وهو أن مصر جاهزة لكل السيناريوهات المحتملة و مستعدة لحماية أمنها القومى سواء على الصعيد السياسى أو العسكرى

اللى ذاكر ذاكر خلاص …. مصر خلصت ترتيب شرق المتوسط من سنين … و دور الشطرنج خلاص خلص …. و موازين القوى و التحالفات اتشكلت خلاص … و اي حاجة هتعملها تركيا لن تخرج عن كونها مجرد حلاوة روح .. و اي تصرف لحفظ ماء الوجه لا هيقدم و لا هيأخر ….

يعنى اطمئنوا .. و مش مطلوب من أى حد فينا غير اننا نبقى واقفين فى ظهر بلدنا

حفظ الله مصر .. وشعب مصر

لمتابعة تعليقاتكم